পুণীত বালান গ্ৰুপে নতুন ফ্ৰেঞ্চাইজী দলৰ সৈতে ইণ্ডিয়ান ছুপাৰক্ৰছ ৰেচিং লীগৰ ছিজন-৩ত প্ৰৱেশ কৰিলে

 

W7s news,,পুণে, ১৩ জুলাই, ২০২৬: ইণ্ডিয়ান ছুপাৰক্ৰছ ৰেচিং লীগ (ISRL)-এ ছিজন-৩ৰ বাবে পুণীত বালান গ্ৰুপ (PBG)-ক নতুন ফ্ৰেঞ্চাইজী দল হিচাপে আদৰণি জনাইছে। পি বি জি ৰেচিং নামৰ এই নতুন ফ্ৰেঞ্চাইজীৰ জৰিয়তে পুণীত বালান গ্ৰুপে ভাৰতীয় মটৰস্প’ৰ্টছত আনুষ্ঠানিকভাৱে প্ৰৱেশ কৰিছে। 

উদ্যোক্তা, চলচ্চিত্ৰ প্ৰযোজক আৰু ক্ৰীড়া পৃষ্ঠপোষক পুণীত বালানৰ নেতৃত্বত গঢ় লৈ উঠা এই ফ্ৰেঞ্চাইজীয়ে ভাৰতৰ উদীয়মান ক্ৰীড়া পৰিৱেশক অধিক শক্তিশালী কৰাৰ লক্ষ্য লৈছে। ইতিমধ্যে ক্ৰিকেট, দবা, টেনিছ, হেণ্ডবল, টেবুল টেনিছ, খো-খো, বেডমিণ্টন আৰু পাঞ্জাত সফল বিনিয়োগ কৰা পুণীত বালান গ্ৰুপৰ বাবে এই পদক্ষেপ এক নতুন মাইলৰ খুঁটি। 

পুণীত বালান গ্ৰুপৰ অধ্যক্ষ আৰু ব্যৱস্থাপনা সঞ্চালক পুণীত বালানে কয়, “ক্ৰীড়াই সদায়ে যুৱ প্ৰতিভাক অনুপ্ৰাণিত কৰাৰ এক শক্তিশালী মাধ্যম। আই এছ আৰ এল-ৰ সৈতে জড়িত হৈ আমি ভাৰতীয় মটৰস্প’ৰ্টছৰ দীৰ্ঘম্যাদী বিকাশত অৰিহণা যোগাবলৈ আগ্ৰহী।” 

আই এছ আৰ এল-ৰ সহ-প্ৰতিষ্ঠাপক আৰু সঞ্চালক ঈশান লোখাণ্ডেয়ে কয়, “পুণীত বালান গ্ৰুপৰ যোগদান লীগখনৰ দ্ৰুত বিকাশ আৰু ভাৰতত ছুপাৰক্ৰছক মূলধাৰাৰ ক্ৰীড়া আৰু মনোৰঞ্জনৰ মঞ্চ হিচাপে গঢ়ি তোলাৰ আমাৰ লক্ষ্যৰ প্ৰতি এক শক্তিশালী স্বীকৃতি।”