W7s news,গুৱাহাটী, ৫ জুন, ২০২৬: কিছুমান ভোজনৰ অভিজ্ঞতা কেৱল সোৱাদৰ বাবেই চিৰস্মৰণীয় হৈ ৰয়। আকৌ কিছুমান অভিজ্ঞতাই মনত গভীৰ সাঁচ বহুৱাই যায় ইয়াৰ বিশেষ পৰিৱেশ আৰু অনুভূতিৰ বাবে। এছীয় খাদ্যৰ সাহসী তথা বৈচিত্ৰ্যময় সোৱাদ আৰু উদ্ভিদৰ উপাদানেৰে অনুপ্ৰাণিত পানীয়ৰ সূক্ষ্ম সৌন্দৰ্যক একত্ৰিত কৰি ৰেডিছন ব্লু গুৱাহাটীয়ে নেষ্ট এছিয়ালৈ লৈ আহিছে ‘দ্য ড্ৰেগন এণ্ড দ্য বোটানিষ্ট’। বিশেষভাৱে পৰিকল্পিত এই ভোজনৰ অভিজ্ঞতাৰ জৰিয়তে উদযাপন কৰা হব সজীৱ খাদ্য আৰু অতি যত্নৰে প্ৰস্তুত কৰা পানীয়ৰ নিখুঁত সংমিশ্ৰণক।
৩ জুনৰ পৰা ৭ জুন, ২০২৬-লৈ আয়োজন কৰা এই বিশেষ অনুষ্ঠান প্ৰতিদিনে সন্ধিয়া ৭ বজাৰ পৰা নেষ্ট এছিয়াত অনুষ্ঠিত হ’ব। ইয়াত অতিথিসকলে মছলাৰ ঝাঁজ, ধোঁৱাময় সোৱাদ, ভেষজ উপাদান আৰু মনোমোহা সুগন্ধিৰ এক অভিনৱ সমন্বয় উপভোগ কৰাৰ সুযোগ লাভ কৰিব।
‘দ্য ড্ৰেগন এণ্ড দ্য বোটানিষ্ট’ত বিশেষভাৱে প্ৰস্তুত কৰা এটা এছীয় স্বকীয় বৈশিষ্ট্যপূৰ্ণ খাদ্যসূচীৰ সৈতে পৰিৱেশন কৰা হ’ব উদ্ভিদৰ উপাদানেৰে অনুপ্ৰাণিত ককটেল আৰু মকটেল। এই আয়োজনৰ জৰিয়তে তীব্ৰ সোৱাদ আৰু পৰিশীলিত পানীয় প্ৰস্তুতকৰণৰ শিল্পক এক অনন্য অভিজ্ঞতালৈ ৰূপান্তৰ কৰা হৈছে।
এই স্বকীয় বৈশিষ্ট্যপূৰ্ণ এছীয় খাদ্যসূচীত অন্তৰ্ভুক্ত কৰা হৈছে টম য়াম থুকপা, লা জি জি, চিচুয়ান চিকেন, গেং মাটচামান কাৰি আৰু চাক-হাও ক্ষীৰৰ দৰে আকৰ্ষণীয় খাদ্যসম্ভাৰ। ইয়াৰ সৈতে পৰিৱেশন কৰা হ’ব চিচুয়ান নেগ্ৰোনি, থাই বেচিল স্মেচ, চাংহাই ব্লচম, দ্য জেন গাৰ্ডেন আৰু ফায়াৰী ড্ৰেগনৰ দৰে বিশেষ উদ্ভিদ-উৎসজাত পানীয়।
উল্লেখ্য যে, এই অভিজ্ঞতাৰ অন্যতম বিশেষ বৈশিষ্ট্য হ’ল এনে কিছুমান উপাদানৰ সৃজনীমূলক ব্যৱহাৰ, যিবোৰে এছিয়াৰ বিভিন্ন স্বতন্ত্ৰ খাদ্য পৰম্পৰাক প্ৰতিনিধিত্ব কৰে। লেমনগ্ৰাছ আৰু কাফিৰ লাইমৰ ছাইট্ৰাছ সতেজতাৰ পৰা আৰম্ভ কৰি চিচুয়ান জলকীয়া, ষ্টাৰ এনিচ, তুলসী আৰু বাৰ্ডছ আই চিলিৰ উষ্ণ তথা তীব্ৰ সোৱাদ- খাদ্যসূচীখনত তীব্ৰ, সুগন্ধি আৰু বহুস্তৰীয় সোৱাদৰ এক বিশাল জগত দাঙি ধৰা হৈছে। এই উপাদানসমূহৰ সৈতে উদ্ভিদৰ নিষ্কাশন আৰু ভেষজ-প্ৰধান পানীয়ৰ সংমিশ্ৰণে এনে কিছুমান যুগলবন্দী সৃষ্টি কৰিছে, যিয়ে সোৱাদৰ গভীৰতা আৰু পৰিশীলিততাৰ মাজত এক অভিনৱ ভাৰসাম্য বৰ্তাই ৰাখে।
এই পদক্ষেপ সন্দৰ্ভত ৰেডিছন ব্লু গুৱাহাটীৰ জেনেৰেল মেনেজাৰ গুৰমিত ৰন্ধাৱাই উল্লেখ কৰে, “বৰ্তমান যুগত আহাৰ গ্ৰহণ কেৱল খাদ্য উপভোগ কৰাৰ বিষয় হৈ থকা নাই, বৰঞ্চ এনে এটা স্মৰণীয় অভিজ্ঞতা সৃষ্টি কৰাৰ মাধ্যম হৈ পৰিছে, যিয়ে মানুহৰ সকলো ইন্দ্ৰিয়ক স্পৰ্শ কৰে। ‘দ্য ড্ৰেগন এণ্ড দ্য বোটানিষ্ট’ৰ জৰিয়তে আমি দুখন ভিন্ন জগতক একত্ৰিত কৰিব বিচাৰিছোঁ- এছীয় খাদ্যৰ সজীৱ তথা তীব্ৰ সোৱাদ আৰু উদ্ভিদ-উৎসজাত পানীয়ৰ পৰিশীলিত বৈশিষ্ট্য। ইয়াৰ ফলত এনে এক অভিজ্ঞতাৰ সৃষ্টি হৈছে, যিয়ে অতিথিসকলক লাহে লাহে উপভোগ কৰিবলৈ, নতুন সোৱাদৰ সংগতি আৱিষ্কাৰ কৰিবলৈ আৰু একেলগে এক পৰিশীলিত তথা মগ্ন সন্ধিয়া অতিবাহিত কৰিবলৈ উৎসাহিত কৰিব।”
নেষ্ট এছিয়াৰ পৰিৱেশেও ইয়াৰ সমসাময়িক এছীয় পৰিচয়ক সুন্দৰভাৱে প্ৰতিফলিত কৰে। অতিথিৰ বাবে ই এক আন্তৰিক আৰু আৰামদায়ক পৰিৱেশ গঢ়ি তোলে, য’ত তেওঁলোকে যত্নসহকাৰে সজোৱা খাদ্য আৰু পানীয়ৰ যুগলবন্দী উপভোগ কৰিব পাৰে। এই বিশেষ আয়োজনে অতিথিৰ সমুখত ৰন্ধনশিল্পৰ সৃজনীশীলতা আৰু পানীয় উদ্ভাৱনৰ এক অনন্য সমন্বয় দাঙি ধৰিব।
আসন সংৰক্ষণ আৰু অধিক তথ্যৰ বাবে অতিথিসকলে ৰেডিছন ব্লু গুৱাহাটীৰ ৮৮১১০৯৯৩৯৭ নম্বৰত যোগাযোগ কৰিব পাৰিব।
No comments:
Post a Comment