W7s news
গুৱাহাটী: গুৱাহাটীৰ নাৰেংগী আজি আনুষ্ঠানিকভাৱে নতুন অনুমোদিত ৰয়েল এনফিল্ড ডিলাৰশ্বিপ উদ্বোধন কৰে মিট্টাল মটোকোপ। ৰয়েল এনফিল্ডৰ আঞ্চলিক ব্যৱসায়িক প্ৰবন্ধক সৌম্য শংকৰ ভূঞা আৰু মহেন্দ্ৰ মিট্টাল শ্ব’ৰূমখন উদ্বোধন কৰে। এই উপলক্ষে অনুষ্ঠিত অনুষ্ঠানত কুণাল মিট্টাল, বিনীত মিট্টাল আৰু লোকেশ মিট্টাল উপস্থিত থাকে। নতুন ডিলাৰশ্বিপটোৰ শুভাৰম্ভে অসমৰ অটোম’বাইল খণ্ডত এক উল্লেখযোগ্য মাইলৰ খুঁটি স্থাপন কৰাৰ লগতে ৰাজ্যখনৰ মটৰচাইকেল অনুৰাগীসকলৰ বাবে এক নতুন প্ৰিমিয়াম গন্তব্যস্থানৰ সূচনা কৰিছে।
নাৰেংগীৰ মাৰিয়া পাব্লিক স্কুলৰ সমীপত কৌশলগতভাৱে স্থাপন কৰা এই অত্যাধুনিক ডিলাৰশ্বিপটো গ্ৰাহকসকলক একে ঠাইতে সম্পূৰ্ণ ৰয়েল এনফিল্ড অভিজ্ঞতা প্ৰদান কৰাৰ লক্ষ্যৰে গঢ়ি তোলা হৈছে। ইয়াত বিশ্বমানৰ বিক্ৰী, সেৱা আৰু স্পেয়াৰ পাৰ্টছৰ সুবিধা উপলব্ধ কৰা হৈছে, যাতে গ্ৰাহকসকলে অধিক সুবিধাজনক আৰু সন্তোষজনকভাৱে তেওঁলোকৰ বাহন ব্যৱহাৰ কৰিব পাৰে।
১৯০১ চনৰ পৰা উৎপাদন হৈ অহা ৰয়েল এনফিল্ড হৈছে বিশ্বৰ আটাইতকৈ পুৰণি আৰু অবিৰতভাৱে উৎপাদন চলি থকা মটৰচাইকেল ব্ৰেণ্ড। সমৃদ্ধ ঐতিহ্য আৰু দুঃসাহসিক যাত্ৰাৰ চেতনাৰ বাবে বিশ্বজুৰি সমাদৃত এই ব্ৰেণ্ডে বহু প্ৰজন্মৰ ৰাইডাৰক নতুন নতুন পথ অন্বেষণ আৰু স্মৰণীয় যাত্ৰাৰ বাবে অনুপ্ৰাণিত কৰি আহিছে।
নতুন শ্ব’ৰূমখনত ৰয়েল এনফিল্ডৰ বহু জনপ্ৰিয় আৰু আইকনিক মডেল প্ৰদৰ্শন কৰা হৈছে। ইয়াৰ ভিতৰত আছে ক্লাছিক ৩৫০, বুলেট ৩৫০, হাণ্টাৰ ৩৫০, দীঘলীয়া যাত্ৰাৰ বাবে উপযোগী মিটিঅ’ৰ ৩৫০, দুঃসাহসিক অভিযানৰ বাবে নিৰ্মিত হিমালয়ান ৪৫০, আৰু শক্তিশালী টুইন-চিলিণ্ডাৰ মডেল ইণ্টাৰচেপ্টৰ ৬৫০ আৰু কণ্টিনেণ্টেল জি টি ৬৫০।
এই ডিলাৰশ্বিপ উদ্যোগৰ নেতৃত্ব দিছে ভাতৃদ্বয় বিনীত মিট্টাল আৰু লোকেশ মিট্টাল। এছবিএম গ্ৰুপৰ জৰিয়তে তেওঁলোকৰ অটোম’বাইল খণ্ডত ১৫ বছৰৰো অধিক অভিজ্ঞতা আছে। মিট্টাল অটোজোন নামৰ অনুমোদিত মাৰুতি চুজুকি ডিলাৰশ্বিপ আৰু মিট্টাল আইশ্বাৰ নামৰ ভিইচিভি ট্ৰাক আৰু বাছ ডিলাৰশ্বিপৰ জৰিয়তে ইতিমধ্যে উদ্যোগটোত এক শক্তিশালী স্থান দখল কৰাৰ পিছত গ্ৰুপটোৱে এতিয়া ৰয়েল এনফিল্ডৰ সৈতে প্ৰিমিয়াম দু-চকীয়া বাহনৰ ক্ষেত্ৰতো পদাৰ্পণ কৰিছে। এই সম্প্ৰসাৰণে বিভিন্ন শ্ৰেণীৰ বাহনৰ জৰিয়তে সামগ্ৰিক পৰিবহণ সম্পৰ্কীয় সেৱা আগবঢ়োৱাৰ ক্ষেত্ৰত গ্ৰুপটোৰ সুদূৰপ্ৰসাৰী দৃষ্টিভংগীক প্ৰতিফলিত কৰে।
বৰ্তমান এছবিএম গ্ৰুপে দু-চকীয়া বাহনৰ পৰা আৰম্ভ কৰি ২২-চকীয়া বাণিজ্যিক বাহনলৈকে বিভিন্ন ধৰণৰ পৰিবহণ সম্পৰ্কীয় সেৱা আগবঢ়াই আহিছে। ইয়াৰ জৰিয়তে অঞ্চলটোৰ বিভিন্ন পৰিবহণৰ প্ৰয়োজনীয়তা পূৰণৰ ক্ষেত্ৰত গ্ৰুপটোৰ অংগীকাৰ অধিক সুদৃঢ় হৈছে।
অনুষ্ঠানত ভাষণ প্ৰদান কৰি বিনীত মিট্টাল কয়, “গুৱাহাটী হৈছে সমগ্ৰ উত্তৰ-পূৰ্বাঞ্চলৰ প্ৰৱেশদ্বাৰ। এই অঞ্চলত মটৰচাইকেল চলোৱাৰ এক সমৃদ্ধ সংস্কৃতি গঢ় লৈ উঠিছে। আমাৰ লক্ষ্য কেৱল মটৰচাইকেল বিক্ৰী কৰাই নহয়, বৰঞ্চ মটৰচাইকেল অনুৰাগীসকলৰ এক শক্তিশালী সমাজ গঢ়ি তোলা, য’ত তেওঁলোকে পৰস্পৰৰ সৈতে সংযোগ স্থাপন কৰিব, অভিজ্ঞতা বিনিময় কৰিব আৰু অসমৰ অপূৰ্ব প্ৰাকৃতিক সৌন্দৰ্য উপভোগ কৰিব পাৰিব। এই ডিলাৰশ্বিপৰ জৰিয়তে আমি মটৰচাইকেলৰ সৈতে জড়িত আবেগ, স্বাধীনতা আৰু জীৱনশৈলীক উদযাপন কৰা এক বিশেষ গন্তব্যস্থান গঢ়ি তুলিবলৈ বিচাৰিছোঁ।”
তেওঁ লগতে কয় যে খুচুৰা বিক্ৰীৰ উপৰিও এই ডিলাৰশ্বিপত নিয়মীয়া ৰক্ষণাবেক্ষণ আৰু বিস্তৃত বিক্ৰীৰ-পৰৱৰ্তী সেৱা উপলব্ধ কৰা হৈছে, যাতে গ্ৰাহকসকলে তেওঁলোকৰ বাহন ব্যৱহাৰৰ সমগ্ৰ সময়ছোৱাত পেছাদাৰী সহায় লাভ কৰিব পাৰে। শ্ব’ৰূম আৰু চাৰ্ভিচ চেণ্টাৰ সম্পূৰ্ণৰূপে কাৰ্যক্ষম হৈ উঠিছে আৰু বৰ্তমান টেষ্ট ৰাইড, বুকিং আৰু ছাৰ্ভিচিং সুবিধাৰ বাবে মুকলি কৰা হৈছে।
মিট্টাল মটৰকৰ্পৰ মূলমন্ত্ৰ হৈছে— “প্ৰতিগৰাকী গ্ৰাহকক শ্ৰেষ্ঠ মানৰ সেৱা আগবঢ়োৱা আৰু প্ৰতিজন ৰাইডাৰৰ বাবে এক অসাধাৰণ যাত্ৰা অভিজ্ঞতা সৃষ্টি কৰা।”
No comments:
Post a Comment