৩০০ সদস্য সংস্থাৰ সীমা অতিক্ৰম, মানসিক স্বাস্থ্যৰ বাবে দেশৰ সৰ্ববৃহৎ সহযোগী সংস্থা হিচাপে পৰিগণিত ইণ্ডিয়া মেন্টেল হেল্থ এলায়েন্স

 

*শিক্ষা, লিংগ আৰু জীৱিকাৰ সৈতে জড়িত অলাভজনক সংস্থা, তৃণমূল পৰ্যায়ৰ মানসিক স্বাস্থ্য সংস্থা আৰু যত্ন লোৱা গোট, দানশীলতা, শৈক্ষিক প্ৰতিষ্ঠান আৰু বহুতো।

 

*৩০ খন ৰাজ্য আৰু কেন্দ্ৰীয় শাসিত অঞ্চলৰ সদস্য সংস্থাসমূহৰ ৰাষ্ট্ৰীয় মিত্ৰতাত যোগদানেৰে ভাৰতৰ মানসিক স্বাস্থ্য পৰিৱেশ তন্ত্ৰৰ বাবে মাইলৰ খুঁটি স্থাপন।

 

*বিকশিত ভাৰতৰ প্ৰতি ৰাষ্ট্ৰীয় উন্নয়নৰ অগ্ৰাধিকাৰ হিচাপে মানসিক স্বাস্থ্যক আগুৱাই নিয়া।

 

W7s news,,নতুন দিল্লী, ৩০ এপ্ৰিল, ২০২৬:  ইণ্ডিয়া মেন্টেল হেল্থ এলায়েন্সে(আই এম এইচ এ) আজি ঘোষণা কৰে যে তেওঁলোকে ৩০খন ৰাজ্য আৰু কেন্দ্ৰীয় শাসিত অঞ্চলৰ ৩০০টা সদস্য সংগঠনৰ সীমা অতিক্ৰম কৰি ভাৰতৰ বিকাশশীল মানসিক স্বাস্থ্য পৰিৱেশ তন্ত্ৰৰ বাবে এক উল্লেখযোগ্য মাইলৰ খুঁটি স্থাপন কৰিছে।

 

বিকাশৰ ক্ষেত্ৰত মাইলৰ খুঁটি স্থাপনৰ পৰিসৰ অতিক্ৰমি এই সাফল্যই অংশীদাৰসকলৰ মাজত অধিক সহযোগিতা, ভাগ-বতৰা কৰা শিক্ষণ আৰু মানসিক স্বাস্থ্যৰ বাবে সমন্বিত কাৰ্য্যৰ দিশত এক বহল পৰিৱৰ্তন প্ৰতিফলিত কৰে, যিয়ে দীৰ্ঘদিন ধৰি বিভিন্ন ভাগত কাম কৰি আহিছিল।

মানসিক স্বাস্থ্যসেৱাৰ অৰ্থপূৰ্ণ অগ্ৰগতিৰ বাবে সামূহিক দানশীলতা, চৰকাৰ আৰু ব্যক্তিগত খণ্ডৰ পৰা সম্পদ সংগ্ৰহৰ সহায়ত ক্লিনিকেল আৰু সজীৱ অভিজ্ঞতাৰ বিশেষজ্ঞতাক একেলগে অনাৰ প্ৰয়োজন পূৰণৰ বিশ্বাসেৰেই  আইএমএইচএ প্ৰতিষ্ঠা কৰা হৈছিল।

 

 

আই এম এইচ এৰ সহ-প্ৰতিষ্ঠাপক নেহা কিৰপালে কয় - “ ৩০০ সদস্যৰ কাষ চপাটো তাৎপৰ্যপূৰ্ণ কাৰণ ইয়াৰ বাবেই

এয়া সম্ভৱ হৈ উঠিছে। যেতিয়া ভিন্ন- খণ্ডৰ  সংস্থাসমূহৰ সংযোগ স্থাপনৰ ক্ষেত্ৰত  সহযোগৰ অংশীদাৰিত্ব থাকে, তেওঁলোকে সাংস্কৃতিক প্ৰেক্ষাপটত বাস্তৱিক শিক্ষণৰ ভাগ-বতৰা কৰে  আৰু একেলগে সামৰ্থ্য গঢ়ি তোলে,তেনেক্ষেত্ৰত সমগ্ৰ পৰিৱেশ তন্ত্ৰটো অধিক শক্তিশালী আৰু ফলপ্ৰসূ হৈ পৰে। আইএমএইচএৰ ভূমিকা হৈছে অনুঘটক আৰু সুবিধা প্ৰদানকাৰী হিচাপে কাম কৰি অংশীদাৰিত্বৰ সম্ভাৱনা সৃষ্টি কৰা আৰু এনে পথৰ সূচনা কৰা যিয়ে জ্ঞান, বিশেষজ্ঞতা আৰু সমৰ্থন সমগ্ৰ দেশতে অধিক মুক্তভাৱে প্ৰবাহিত কৰিবলৈ সক্ষম কৰে। এই ধৰণৰ সহযোগিতামূলক আন্তঃগাঁথনি প্ৰান্তৰ পৰা মূলসুঁতিলৈ মানসিক স্বাস্থ্যক বিকাশৰ অগ্ৰাধিকাৰ হিচাপে লৈ বিকশিত  ভাৰতৰ দিশত আমাৰ যাত্ৰাৰ ক্ষেত্ৰত  অতি প্ৰয়োজনীয়।”

 

যোৱা এটা বছৰত এই দৃষ্টিভংগী এক কেন্দ্ৰীভূত প্ৰচেষ্টালৈ ৰূপান্তৰিত হৈছে - সমগ্ৰ মানসিক স্বাস্থ্য পৰিৱেশ তন্ত্ৰত সংযোগ, আহ্বান, সহযোগিতা, আৰু সামৰ্থ্য গঢ়ি তোলা। যোৱা বছৰটোত এই লক্ষ্যসমূহৰ দিশত আইএমএইচএৰ মূল পদক্ষেপসমূহৰ ভিতৰত আছিল:

 

● সমগ্ৰ ভাৰতৰ সংস্থাসমূহৰ সৈতে সংযোগ স্থাপন কৰিবলৈ সকলো সদস্য, পুঁজিদাতা আৰু ৰাজহুৱা প্ৰতিষ্ঠানৰ বাবে QR-সক্ষম আৱিষ্কাৰযোগ্য সঁজুলিৰ সৈতে এটা ৰাষ্ট্ৰীয় সদস্য ডাইৰেক্টৰী গঢ়ি তোলা।

 

● সক্ৰিয় ডিজিটেল সম্প্ৰদায়, দেশব্যাপী সক্ৰিয় এক হোৱাটছএপ গ্ৰুপ।

 

● আঞ্চলিক মিট আপৰ সৈতে ভিন্ন ভৌগোলিক স্থানৰ  মাজত সদস্যৰ সংযোগ বাহাল ৰখা।

 

● মাহেকীয়া কিউৰেটেড অধিবেশন আৰু আন্তঃৰাষ্ট্ৰীয় বিশেষজ্ঞসকলৰ সৈতে আলোচনাৰ জৰিয়তে সদস্যসকলৰ ক্ষমতা গঢ়ি তোলা; থিমসমূহৰ ভিতৰত আছে সাংগঠনিক শক্তিশালীকৰণ, যুৱ প্ৰজন্মৰ মানসিক স্বাস্থ্য, সজীৱ অভিজ্ঞতা বিশেষজ্ঞতা, জনস্বাস্থ্য সংহতি, ক্ৰছ-ছেক্টৰ প্ৰগ্ৰেমিং আৰু পুঁজিদাতা আৰু চৰকাৰৰ সৈতে সংযোগ স্থাপন।

 

এই প্ৰচেষ্টাসমূহে একেলগে সংস্থাসমূহক ইজনে সিজনক আৱিষ্কাৰ কৰাত, জ্ঞানৰ বিনিময় কৰাত সহায় কৰিছে আৰু ই সমগ্ৰ দেশতে অধিক ফলপ্ৰসূভাৱে সহযোগিতা গঢ়ি তুলিব।

 

এই সংযোগসমূহৰ ওপৰত ভিত্তি কৰি  আইএমএইচএই সংস্থাসমূহক একত্ৰিত হ'বলৈ, ধাৰণা বিনিময় কৰিবলৈ আৰু অংশীদাৰিত্ব গঢ়ি তুলিবলৈ স্থান সৃষ্টি কৰি পৰিৱেশ তন্ত্ৰ-নিৰ্মাণৰ এটা মূল স্তম্ভ হিচাপে গঢ়ি  তোলাটোকো অগ্ৰাধিকাৰ দিছে। 'কানেকটিং ইণ্ডিয়া ফ’ৰ মেন্টেল হেল্থ’ ছিৰিজৰ জৰিয়তে আইএমএইচএই মুম্বাইত প্ৰথম আঞ্চলিক মিট-আপ আয়োজন কৰিছিল। আগন্তুক অধিৱেশনৰ পৰিকল্পনা এনেধৰণৰ:

 

*গুৱাহাটী (মে' ২০২৬)

 

*চেন্নাই (আগষ্ট ২০২০)

 

*বাংগালুৰু (ডিচেম্বৰ ২০২৬)

 

এয়া যোৱা বছৰৰ আইএমএইচএৰ প্ৰথম বাৰ্ষিক অধিৱেশনৰ  ওপৰত  ভিত্তি কৰি কৰা  হৈছে, যিটো গভীৰ আলোচনা আৰু অংশীদাৰিত্ব-নিৰ্মাণৰ বাবে সমগ্ৰ দেশৰ ১৩০+মিত্ৰজোঁটৰ সদস্যৰ এক অভিলাষী  বন্ধ দুৱাৰৰ সমাৱেশ।২০২৬ বৰ্ষৰ অক্টোবৰ/নৱেম্বৰ মাহৰ বাবে  বাৰ্ষিক অধিৱেশনৰ দ্বিতীয় সংস্কৰণ অতি সোনকালে ঘোষণা কৰা হ’ব।

 

ভাগ-বতৰা কৰা শিক্ষণৰ এই সংস্কৃতি আই এম এইচ এৰ জ্ঞান কেন্দ্ৰত প্ৰতিফলিত হৈছে, যিটো হৈছে  ভাৰত-নিৰ্দিষ্ট মানসিক স্বাস্থ্য সম্পদৰ বিশ্বাসযোগ্য কেন্দ্ৰ। প্লেটফৰ্মটোৱে বৰ্তমান ৩০০+ কিউৰেট কৰা সম্পদ আগবঢ়াই, য'ত আছে টুলকিট, ক্ষমতা-নিৰ্মাণ সামগ্ৰী, সজীৱ  অভিজ্ঞতা কেন্দ্ৰিক  সম্পদ, আইন আৰু নীতি, লেণ্ডস্কেপ প্ৰতিবেদন আৰু তথ্য-চালিত অন্তৰ্দৃষ্টি। এন জি অ’,  পুঁজিদাতা, নীতি নিৰ্ধাৰক, ছাত্ৰ-ছাত্ৰী আৰু মানসিক স্বাস্থ্য পেছাদাৰীসকলৰ বাবে ডিজাইন কৰা এই জ্ঞান কেন্দ্ৰটোৱে ভাৰতীয় বিশেষজ্ঞসকলৰ পৰা ভিডিঅ’ ভিত্তিক শিক্ষণ আৰু প্ৰসংগভিত্তিক প্ৰাসংগিকতা গভীৰ কৰিবলৈ আঞ্চলিক ভাষাৰ বিষয়বস্তুৰ সম্প্ৰসাৰণ কৰিব।

 

ইণ্ডিয়া মেন্টেল হেল্থ এলায়েন্সৰ প্ৰতিষ্ঠাপক অধ্যক্ষ বাসৱী ভাৰত ৰামে কয়- "এখন সঁচা অৰ্থত বিকশিত ভাৰত এখন মানসিকভাৱেও সুস্থ ভাৰত হ'ব লাগিব। অৰ্থনৈতিক বিকাশ, শৈক্ষিক ফলাফল, কৰ্মশক্তিৰ উৎপাদনশীলতা আৰু সামাজিক সংহতি নাগৰিকৰ মানসিক মংগলৰ সৈতে গভীৰভাৱে জড়িত। ইয়াক গঢ়ি তোলাৰ বাবে প্ৰণালীবদ্ধ সামৰ্থ্য-নিৰ্মাণ আৰু কৰ্মশক্তি বিকাশৰ পৰা আৰম্ভ কৰি জ্ঞান সৃষ্টি আৰু যত্নৰ সামগ্ৰিক গুণগত মান উন্নত কৰালৈকে সমন্বিত বিনিয়োগ, দীৰ্ঘম্যাদী চিন্তা আৰু একাধিক ক্ষেত্ৰত ভাগ-বতৰাৰ দায়বদ্ধতাৰ প্ৰয়োজন।মূলধন, চৰকাৰী পুঁজি, আৰু ব্যক্তিগত খণ্ডৰ বিনিয়োগ প্ৰত্যেকৰে এটা সুকীয়া ভূমিকা আছে যাতে ভাৰতৰ প্ৰয়োজনীয়তাৰ প্ৰতি অধিক সুলভ, স্থিতিস্থাপক আৰু সঁহাৰি জনোৱা মানসিক স্বাস্থ্য পৰিৱেশ তন্ত্ৰ গঢ়ি তোলা হয়।"

 

সেয়েহে আইএমএইচএই মানসিক স্বাস্থ্যৰ দীৰ্ঘম্যাদী পৰিৱেশ তন্ত্ৰ-নিৰ্মাণৰ বাবে শেহতীয়াকৈ ভাৰতীয় কনভাৰ্জেন্স ফাউণ্ডেশ্যনৰ মনীষা ধাৱন আৰু প্ৰখ্যাত দানবীৰ ডাঃ ফেৰোজা গোড্ৰেজৰ দৰে দাতাৰ প্ৰতিশ্ৰুতিৰে

নিয়োজিত বাধাহীন দানশীল পুঁজিৰ দিশটো সক্ৰিয়ভাৱে সম্প্ৰসাৰণ কৰি আছে।

 

ভাৰতে ২০৪৭ চনৰ দিশে আগবাঢ়ি যোৱাৰ লগে লগে আইএমএইচএৰ সম্প্ৰসাৰিত শক্তিয়ে মানসিক স্বাস্থ্যৰ ক্ষেত্ৰত এক নতুন, বিকেন্দ্ৰীকৃত পদ্ধতিক প্ৰতিফলিত কৰে: যি শিপাই আছে সমতা,ভাগ বতৰা কৰা  মালিকীস্বত্ব,খণ্ড ভিত্তিক সহযোগিতাত আৰু  সকলো যত্নৰ পৰিকল্পনা নিহিত হৈ আছে সজীৱ অভিজ্ঞতা বিশেষজ্ঞ আৰু তেওঁলোকৰ যত্ন লোৱাসকলৰ সৈতে।