W7s গুৱাহাটী : লায়ন্স জিলা ৩২২জিয়ে গভৰ্ণৰ পংকজ পোদ্দাৰৰ নেতৃত্বত আজি গুৱাহাটীৰ মাছখোৱাৰ প্ৰাগজ্যোতি আই টি আই চেণ্টাৰত লায়ন্স জিলা ৩২২জিয়ে আয়োজন কৰে "প্ৰাৰম্ভ" নামেৰে এক বিশেষ অনুষ্ঠানৰ। উক্ত অনুষ্ঠানত লায়ন্স ক্লাবৰ আন্তঃৰাষ্ট্ৰীয় সভাপতি অৰবিন্দৰ পাল সিঙে মুখ্য অতিথি হিচাপে উপস্থিত থাকে। ইপিনে আন্তঃৰাষ্ট্ৰীয় সভাপতি আৰু আন্তৰাষ্ট্ৰীয় ব’ৰ্ড এপইণ্টি পিআইডি সংগীতা জাটিয়াক গুৱাহাটী বিমাবন্দৰত লায়ন্স ক্লাব ৩২২জিৰ ডিষ্ট্ৰিক্ট সদস্য সকলে উষ্মআদৰণি জনায়। লায়ন্স ক্লাবৰ আন্তৰাষ্ট্ৰীয় সভাপতি গৰাকীয়ে হোটেল ৰেডিচন ব্লুত প্ৰাক্তন জিলা গভৰ্ণৰ আৰু জ্যেষ্ঠ বিষয়ববিয়া সকলৰ সৈতে এক বৈঠকত মিলিত হয়। মাছখোৱাৰ আই টি এ প্ৰকল্পত আয়োজিত মুখ্য অনুষ্ঠানত বৰাক উপত্যকা, শিলচৰ, শ্বিলং, আগৰতলা, উজনি অসম, গুৱাহাটী, শিলিগুৰিৰ লগতে অসমৰ বহু অঞ্চলৰ পৰা ৮০০ৰো অধিক লায়ন্সৰ সদস্য সকল অংশগ্ৰহণ কৰে। অসমৰ পৰম্পৰাগত বিহু আৰু পাঞ্জাবী ভাংৰা নৃত্যৰ সাংস্কৃতিক মিশ্ৰণেৰে অনুষ্ঠানৰ শুভাৰম্ভ কৰা হয়।জিলা গভৰ্ণৰ লায়ন্স পংকজ পোদ্দাৰে আনুষ্ঠানটোৰ সঞ্চালনা কৰে। লায়ন্স ক্লাব গুৱাহাটী চিটি সভাপতি আৰু" প্ৰাৰম্ভ'ৰ" চেয়াৰমেন সুনীল কাথোটিয়াই অনুষ্ঠানটো সুন্দৰভাৱে পৰিছালনা কৰে। ত্ৰিবেণী ফাউণ্ডেশ্যনৰ সহযোগত উক্ত অনুষ্ঠানত 'হৰ ঘৰ স্বচ্ছ জল' শীৰ্ষক প্ৰকল্পৰ অধীনত বিশুদ্ধ খোৱা পানী যোগানৰ পানীৰ ফিল্টাৰ বিতৰণ আঁচনিৰ শুভাৰম্ভ কৰে আন্তঃৰাষ্ট্ৰীয় সভাপতি অৰবিন্দৰ পাল সিঙে। হৰ ঘৰ স্বচ্ছ জল প্ৰকল্পৰ অধীনত ২৫০০ পৰিয়ালক বিশুদ্ধ খোৱাপানী যোগানৰ লক্ষ্য নিৰ্ধাৰণ কৰিছে। জিলা গভৰ্ণৰ পংকজ পোদ্দাৰে সাহসী নেতৃত্ব, সৰ্বাংগীন সেৱা আৰু পৰিৱৰ্তনশীল কাৰ্য্যৰ ওপৰত গুৰুত্ব আৰোপ কৰি আগন্তুক বৰ্ষৰ পৰিকল্পনাৰ ওপৰত আলোকপাত কৰে। এই অনুষ্ঠানত আন্তঃৰাষ্ট্ৰীয় সভাপতিৰ উপস্থিতিত লায়ন্স ৩২২জিৰ অধীনত ১২টা নতুন ক্লাব স্থাপন কৰা হয় আৰু ৫০০ৰো অধিক নতুন সদস্যই সামূহিকভাৱে অংশগ্ৰহণ কৰে। আনহাতে ৬৭টা মেলভিন জ’নছ ফেল’শ্বিপে এলচিআইএফলৈ উল্লেখযোগ্য ৬৭,০০০ ডলাৰ বৰঙণি আগবঢ়ায়। তেওঁ প্ৰতিটো লায়ন পৰিয়ালৰ সদস্যসকলক উদ্দেশ্য আৰু গৌৰৱেৰে জিলাখনক একত্ৰিত কৰিবলৈ “পৰিৱৰ্তনৰ স্ফুলিংগ আৰু সেৱাৰ মশালবাহক” হ’বলৈ আহ্বান জনায়। নতুন ডিষ্ট্ৰিক্ট কেবিনেট প্ৰতিষ্ঠা কৰে সংগীতা জাটিয়াই সকলৰে মাজত দিয়া প্ৰেৰণাদায়ক ভাষণে দৰ্শকক গভীৰভাৱে প্ৰভাৱিত কৰে। অনুষ্ঠানটোত আন্তঃৰাষ্ট্ৰীয় সভাপতি অৰবিন্দৰ পাল সিঙে মুখ্য অতিথিৰ ভাষণত বিশ্বব্যাপী দৃষ্টিভংগীৰ অংশীদাৰ মিছন ১.৫ৰ অধীনত সেৱাৰ কথা উল্লেখ কৰি নিজকে “লায়ন্স আন্দোলনৰ প্ৰথম দাস” বুলি ঘোষণা কৰে। এই গুৰুত্বপূৰ্ণ অনুষ্ঠানত এল চি আই এফ এলেকা মুৰব্বী লায়ন্স শ্ৰৱণ চৌধুৰী, জি এ টি এলেকাৰ মুৰব্বী লায়ন্স নিৰ্মল গিদৰা, জি এম টিৰ সমন্বয়ক লায়ন্স কেদাৰ গজমেৰ, এল চি আই এফৰ সমন্বয়ক লায়ন্স এম পি আগৰৱালাৰ লগতে সমগ্ৰ ডি জি দলৰ লগতে বিগত সকলো জিলাৰ গভৰ্ণৰ সকল উপস্থিত থাকে। ইপিনে জিলা ৩২২জিয়ে এইবাৰ 'প্ৰণাম সে প্ৰাইড' শক্তিশালী আৰু আধ্যাত্মিক শ্লোগানেৰে আগবাঢ়ি যোৱাৰ সংকল্প গ্ৰহনকৰিছে। ডি জি পংকজ পোদ্দাৰে কয় যে, “মোৰ মাজত থকা কৃষ্ণই আপোনালোকৰ মাজত থকা কৃষ্ণক প্ৰণাম কৰে।আৰু ইয়াৰ বিপৰীতে ইজনে সিজনক সন্মান আৰু গৌৰৱ কৰক।” আত্মা, সেৱা আৰু আত্মাৰ এক আচৰিত সংমিশ্ৰণ দেখা দিনটোৰ সৈতে জিলা ৩২২জিয়ে সঁচাকৈয়ে উৎকৃষ্টতাৰ ক্ষেত্ৰত এক নতুন মাপকাঠী স্থাপন কৰে । জিলা জনসংযোগ বিষয়া নীৰু কাবৰাই জনোৱা মতে, অনুষ্ঠানৰ পূৰ্বে আন্তঃৰাষ্ট্ৰীয় সভাপতি এ পি সিঙে স্তসকলোৰে সৈতে আহাৰ গ্ৰহণ কৰে আৰু প্ৰাক্তন জিলা গভৰ্ণৰ আৰু লায়ন্সৰ জ্যেষ্ঠ বিষয়াসকলৰ সৈতে মত বিনিময় কৰে।
No comments:
Post a Comment