ৰটাৰী ক্লাবেৰ উদ্যোগত অংগদানৰ সজাগতা কাৰ্যসূচী

 

ছয়টা ক্লাবৰ সামূহিক প্ৰচেষ্টাৰ 'সংগীত বিজ্ঞান - সংগীত সে সঞ্জীৱনী'ৰ আয়োজন

W7s news,,গুৱাহাটী, ২৭ ডিচেম্বৰ। জন সাধাৰণ মাজত অংগদানৰ বিষয়ে প্ৰতি সজাগ কৰাৰ লক্ষ্যৰে গুৱাহাটীৰে ছটা ৰটাৰী ক্লাবে সামূহিক প্ৰচেষ্টা চলাই সমাজলৈ এক ইতিবাচক বাৰ্তা প্ৰেৰণ কৰে। ৰটাৰী গুৱাহাটী, ৰটাৰী গুৱাহাটী দক্ষিণ, ৰটাৰী গুৱাহাটী মেট্ৰ’, ৰটাৰী গুৱাহাটী পশ্চিম, ৰটাৰী গুৱাহাটী লুইট আৰু ৰটাৰী গুৱাহাটী আইকনৰ যৌথ তত্বাৱধানত ‘সংগীতবিজ্ঞান – সংগীত সে সঞ্জীৱনী’ শীৰ্ষক এক সুন্দৰ অনুষ্ঠানৰ আয়োজন কৰা হয়। সাধাৰণ ৰাইজক একত্ৰিত কৰি তেওঁলোকৰ উৎসাহ বৃদ্ধি আৰু স্থানীয় প্ৰতিভাক সুযোগ দিয়াৰ লক্ষ্যৰে এক বৃহৎ অনুষ্ঠান ‘সংগীতবিজ্ঞান - সংগীত সে সঞ্জীৱনী’ৰ আয়োজন কৰা হয়, যাক সকলোৱে আন্তৰিকতাৰে শলাগ লয়। জুবিলী ফাউণ্ডেশ্যন আৰু আই এফ আৰ এম ৩২৪০ গুৱাহাটী চিম্ফনীৰ সহযোগত অসম ট্ৰিবিউনক ছপা মাধ্যমৰ অংশীদাৰ হিচাপে লৈ এই অনুষ্ঠানৰ আয়োজন কৰা হৈছে। ইয়াৰ উপৰিও সুভম, এছ বি আই, গুপ-শ্বপ, ডি ৱাই ৩৬৫ আদিৰ দৰে সুনামধন্য গোটেও যোগদান কৰি সমৰ্থন আগবঢ়ায়। এই বিশেষ কাৰ্যসূচীত অংগদান সম্পৰ্কে সজাগতা বৃদ্ধিৰ ওপৰত গুৰুত্ব আৰোপ কৰা হৈছিল, যিয়ে সমগ্ৰ সমাজখনকে এক ইতিবাচক বাৰ্তা প্ৰদান কৰিছিল।

মাছখোৱাত অৱস্থিত প্ৰাগজ্যোতি আই টি এ চেণ্টাৰত ৰটাৰী ক্লাবৰ বিশিষ্ট ব্যক্তি আৰু পৃষ্ঠপোষকসকলক সম্বৰ্ধনা জনাই ‘সংগীতবিজ্ঞান – সংগীত সে সঞ্জীৱনী’ কাৰ্যসূচী আৰম্ভ কৰা হয়। কাৰ্যসূচীত ৰটাৰী জিলা ৩২৪০ৰ ডিষ্ট্ৰিক্ত গভৰ্ণৰ

সুখমিন্দৰ সিঙে উদ্বোধন কৰে। অনুষ্ঠানৰ বাবে মুখ্যমন্ত্ৰী ড০ হিমন্ত বিশ্ব শৰ্মাৰ পৰা বিশেষ বাৰ্তা প্ৰেৰণ কৰা হয়, যিটো অনুষ্ঠানত পাঠ কৰা হয়, অংগদানৰ জীৱন ৰক্ষাকাৰী প্ৰথাৰ বিষয়ে সজাগতা সৃষ্টিৰ ক্ষেত্ৰত ছয়টা ৰটাৰী ক্লাবক এই উল্লেখযোগ্য পদক্ষেপৰ বাবে প্ৰশংসা কৰা হয়।

ইয়াৰ পিছত ছয়টা ৰটাৰী ক্লাবৰ সভাপতি আৰু সম্পাদকক ডিষ্ট্ৰিক্ত গভৰ্ণৰ সম্বৰ্ধনা জনায়। জুবিলী ফাউণ্ডেশ্যনৰ শ্ৰীমতী প্ৰিয়ংকা বৰা আৰু আই এফ আৰ এম ৩২৪০ গুৱাহাটী চিম্ফনীৰ তৰুণ বৰদলাইলৈ কৃতজ্ঞতা প্ৰকাশ কৰে। এই উপলক্ষে কাৰ্যসূচীৰ অধ্যক্ষ ৰাজীৱ জৈনেও উপস্থিত ৰাইজক সম্বোধন কৰি সকলোকে সহযোগিতাৰ বাবে কৃতজ্ঞতা জ্ঞাপন কৰে।

পৰিচালক বিশাল শৰ্মাই উপস্থিত ৰাইজক কয় যে অংগদানৰ উদাৰ উদ্দেশ্যৰ উপৰিও মহান গায়ক মহম্মদ ৰফিৰ জন্ম শতবাৰ্ষিকী উদযাপনৰ বাবেও এই কাৰ্যসূচী আয়োজন কৰা হৈছে। তেওঁ দৃষ্টিহীন শিল্পী শ্বাহিদ আফ্ৰিদী আৰু আকাদাশী মণ্ডলক মঞ্চত মাতি আনি তেওঁক সম্বৰ্ধনা জনায়। দুয়োগৰাকী দৃষ্টিশক্তিহীন গায়ককে আৰ পি সুৰেকাই প্ৰদান কৰে এ আই স্মাৰ্ট চশমা।

তাৰ পিছত বাঁহীবাদক প্ৰিয়ংকু বৰাই কৃষ্ণ থিমৰ একক গীত আগবঢ়ায়। বিখ্যাত বলীউডৰ ট্ৰুম্পেটাৰ কিশোৰ সোধাই, বলীউডৰ কণ্ঠশিল্পী অভয় যোধপুৰকাৰ, গায়ক আৰু সংগীত শিল্পী অজয় সিনহা (মীকু) মঞ্চৰ পৰা দৰ্শকক বিনোদন কৰে। 

কাৰ্যসূচীৰ সময়ত অংগদানৰ গুৰুত্ব আৰু ছটা ৰটাৰী ক্লাবৰ গুৰুত্বপূৰ্ণ কল্যাণমূলক প্ৰকল্পৰ ভিডিঅ’ প্ৰদৰ্শন কৰা হয়।

ইয়াৰ পূৰ্বে অংগদান সন্দৰ্ভত সজাগতা বিয়পাই লতাশিল খেলপথাৰৰ পৰা ‘অৰ্গান-অ-ৱাক’ৰ আয়োজন কৰা হৈছিল। অসম চৰকাৰৰ স্বাস্থ্য আৰু পৰিয়াল কল্যাণ বিভাগৰ সচিব বৰ্ণালী শৰ্মাই পতাকা উত্তোলন কৰা এই সমাৱেশত ছয়টা ক্লাবৰ সদস্য আৰু অন্যান্য নাগৰিকে অংশগ্ৰহণ কৰে। অংগদানৰ গুৰুত্ব দেখুওৱা বেনাৰ আৰু প্লেকাৰ্ড লৈ এক সমাৱেশৰ আয়োজন কৰা হয়। ৰেলীৰ শেষত ফিটনেছ পাৰ্টনাৰ গোল্ড জিম, গণেশগুডীৰ পৰা জুম্বা প্ৰশিক্ষক শ্ৰীমতী হাছিনাই সমাজত ফিটনেছৰ গুৰুত্বৰ ওপৰত আলোকপাত কৰে। ইয়াত ৩০০ৰো অধিক লোক অংশগ্ৰহণ কৰে। ৰটাৰী ক্লাবৰ ছয়টা শাখাৰ সদস্যসকলে এই কাৰ্যসূচী সফল কৰি তোলাত গুৰুত্বপূৰ্ণ অৱদান আগবঢ়াইছিল।