দক্ষতা, শিক্ষা, আৰু উদ্যোগীকৰণৰ পৰিৱৰ্তনক ইন্ধন যোগায় এ আই এছ ই চি টিৰ উত্তৰ-পূব সন্মিলনে

 

 ~দক্ষতা, শিক্ষা, আৰু উদ্যোগীকৰণৰ ওপৰত আলোকপাত কৰি এই সন্মিলনে  অঞ্চলটোৰ যুৱচামৰ  বাবে পৰিৱৰ্তনশীল সুযোগৰ পথ প্ৰশস্ত কৰে

W7s news গুৱাহাটী:: শিক্ষা আৰু দক্ষতা বিকাশৰ ক্ষেত্ৰত ভাৰতৰ আগশাৰীৰ সামাজিক উদ্যোগ এ আই এছ ই চি টিয়ে গুৱাহাটীৰ গণেশগুৰিৰ হোটেল কামৰূপাত  সফলতাৰে  আয়োজন  কৰে  এক  উত্তৰ-পূব-কেন্দ্ৰিক সন্মিলন  । অঞ্চলটোৰ অনন্য প্ৰত্যাহ্বানসমূহৰ সৈতে মোকাবিলা কৰাৰ  লগতে  শৈক্ষিক আৰু অৰ্থনৈতিক বিকাশৰ উদ্ভাৱনীমূলক পদ্ধতিৰ সন্ধান কৰাৰ  উদ্দেশ্যে এই সন্মিলনখনত নীতি নিৰ্ধাৰক, শিক্ষাবিদ, ঔদ্যোগিক নেতা আৰু সামাজিক উদ্যোগীসকলক একত্ৰিত কৰা   হয়  ।

সন্মিলনখন উদ্বোধন কৰে অসম ৰাজ্যিক  বি জে পিৰ সভাপতি ভৱেশ কলিতাই । তেওঁ দক্ষতা বিকাশৰ পৰিৱৰ্তনশীল সম্ভাৱনাৰ ওপৰত গুৰুত্বসহকাৰে আলোকপাত  কৰে  । অনুষ্ঠানটোত   উপস্থিত  থকা  আন  বিশিষ্ট ব্যক্তিসকলৰ ভিতৰত আছিল  বি.কে.সিনহা, আৰ ডি এছ ডি ইৰ সঞ্চালক; এ এছ ডি এমৰ মিছন সঞ্চালক, এ চি এছ হানিফ নুৰানি; এছ বি আই মুখূ কাৰ্যালয়ৰ উত্তৰ পূৰ্বাঞ্চলৰ  ডি জি এম নৰেন্দ্ৰ প্ৰতাপ সিং আৰু এ আই এছ ই চি টি গ্ৰুপৰ অধ্যক্ষ তথা  ৰবীন্দ্ৰনাথ টেগৰ বিশ্ববিদ্যালয়ৰ আচাৰ্য সন্তোষ চৌবে  ।

এই সন্মিলনত এ  আই এছ ই  চি টিৰ নৰ্থ-ইষ্ট প্ৰফাইল আৰু চি এছ আৰ প্ৰতিবেদন প্ৰকাশ কৰা হয়, য’ত দক্ষতা বিকাশ আৰু নিয়োগ সৃষ্টিৰ ক্ষেত্ৰত ইয়াৰ অৱদান প্ৰদৰ্শন কৰা হয় ।  অনুষ্ঠানটোৰ এটা গুৰুত্বপূৰ্ণ  দিশ  আছিল নেচনেল চেণ্টাৰ ফৰ স্কিল ডেভেলপমেণ্ট এণ্ড এণ্টাৰপ্ৰিনিউৰশ্বিপ (এন চি এছ ডি ই)ৰ দ্বাৰা সহায়ক হোৱা বুজাবুজিৰ চুক্তি, যিয়ে উত্তৰ-পূবৰ দক্ষতা, শিক্ষা, আৰু উদ্যোগীকৰণৰ বিকাশৰ বাবে আঞ্চলিক প্ৰতিষ্ঠানসমূহৰ সৈতে সহযোগিতা অধিক  মজবুত কৰি তুলিছিল । তদুপৰি ইয়াত নিয়োগযোগ্যতা বৃদ্ধিৰ বাবে এ আই এছ ই  চি  টিৰ নিষ্ঠাক শক্তিশালী কৰি  নিৰ্বাচিত প্ৰশিক্ষিত অংশগ্ৰহণকাৰীসকলৰ বাবে নিয়োগৰ  সুযোগো  প্ৰদান কৰা হৈছিল  ।

অনুষ্ঠানটোত কেইটামান মূল বিষয়বস্তুৰ ওপৰত অন্তৰ্দৃষ্টিসম্পন্ন অধিবেশনও অনুষ্ঠিত কৰা হয়, য’ত অন্তৰ্ভুক্ত আছিল:

• দক্ষতা আৰু উদ্যোগৰ প্ৰস্তুতিৰ ভৱিষ্যত:  বি.কে.সিনহা,  মৌচুমী সেন,  আইটিলুংবি  ডেনিয়েল হিয়েখা আৰু  সাৰিকা  ৰাণীৰ  নেতৃত্বত  আয়োজিত এই  আলোচনাত  উদ্যোগৰ দাবীৰ সৈতে শিক্ষাক একাকাৰ কৰাত গুৰুত্ব আৰোপ কৰা  হয়  ।  অভিষেক গুপ্তাই দক্ষতা বিকাশ আৰু জীৱিকা খণ্ডৰ উদ্যোগীসকলৰ বাবে সুযোগ সম্পৰ্কে বক্তব্য আগবঢ়ায়  । অৰবিন্দ চতুৰ্বেদী  আৰু অভিষেক পণ্ডিতে এই অধিৱেশনৰ সভাপতিত্ব কৰে  । 

• বিত্তীয় অন্তৰ্ভুক্তিৰ জৰিয়তে সবলীকৰণ: নৰেন্দ্ৰ প্ৰতাপ সিং,  বিনয় কুমাৰ সিং আৰু  অনুৰাগ গুপ্তাই উদ্যোগীকৰণৰ বিকাশৰ ক্ষেত্ৰত বিত্তীয় সেৱাৰ ভূমিকাৰ  ওপৰত  আলোকপাত কৰে  ।  এই অধিবেশনৰ সভাপতিত্ব কৰে অনুৰাগ গুপ্তা আৰু অভিষেক পণ্ডিতে  ।

•  এন ই পি, ৱৰ্ক-ইন্টিগ্ৰেটেড  লাৰ্নিং, আৰু এপ্ৰেন্টিচশ্বিপ: শিক্ষা আৰু উদ্যোগৰ সংহতিৰ ওপৰত গুৰুত্ব আৰোপ কৰি আলোচনাত  মিলিত  হয়   ৰেকিব আহমেদ, ববি মজুমদাৰ আৰু  লেমটি পঞ্জেন  ।  অভিষেক পণ্ডিতে উত্তৰ-পূৰ্বাঞ্চলৰ উদ্যোগ আৰু এপ্ৰন্টিচশ্বিপ এম্বেডেড শিক্ষা কাৰ্যসূচীৰ ভৱিষ্যতৰ বিষয়ে আলোচনা কৰে আৰু প্ৰভাকৰ সিনহাই এন চি এছ ডি ইৰ সৈতে এ আই এছ ই চি টিৰ সহযোগিতা আৰু অন্যান্য পদক্ষেপৰ জৰিয়তে উদ্যোগীসকলৰ বাবে উদীয়মান সুযোগ  সৃষ্টিৰ বিষয়ে আলোচনা কৰে  । এই অধিবেশনৰ সভাপতিত্ব কৰে অধ্যাপক অমিতাভ ছাক্সেনাই  ।

• উদ্যোগীসকলৰ বাবে বিকাশৰ সুযোগ: দক্ষতা বিকাশ আৰু সফলতাৰ পথ প্ৰদৰ্শন কৰি দেৱেন্দ্ৰ যাদৱ, ড° ব্ৰিজেশ  সিং আৰু ৰাজেশ পাণ্ডাই ভাষণ প্ৰদান কৰে  । এই অধিৱেশনৰ সভাপতিত্ব কৰে  সন্তোষ চৌবে,  অৰবিন্দ চতুৰ্বেদী, আৰু অধ্যাপক অমিতাভ ছাক্সেনাই  ।

এ আই এছ ই চি টিৰ দায়বদ্ধতাৰ ওপৰত   আলোকপাত কৰি এ আই এছ ই চি টিৰ গোটৰ অধ্যক্ষ তথা ৰবীন্দ্ৰনাথ টেগৰ বিশ্ববিদ্যালয়ৰ আচাৰ্য শ্ৰী সন্তোষ চৌবেয়ে কয়, “উত্তৰ-পূৰ্বাঞ্চলত সম্প্ৰদায়সমূহৰ সৱলীকৰণ  কৰা আৰু  প্ৰয়োজন  সাপেক্ষে  দক্ষতা বিকাশত  গুৰুত্ব  আৰোপ  কৰাই  হৈছে  আমাৰ   প্ৰধান   কাম  । এই অনুষ্ঠানে আমাৰ অগ্ৰগতিক উদযাপন কৰাৰ   লগতে বহনক্ষম শৈক্ষিক আৰু অৰ্থনৈতিক সুযোগ সৃষ্টিৰ দিশত আমাৰ প্ৰতিশ্ৰুতিকো প্ৰতিফলিত কৰে  । এই প্ৰতিবেদন প্ৰকাশ কৰি আমি লাভ কৰা অগ্ৰগতিৰ ওপৰত আলোকপাত কৰাৰ লগতে উত্তৰ-পূৰ্বাঞ্চলৰ অনন্য আকাংক্ষাক সমৰ্থন কৰা নতুন পদক্ষেপৰ পথ প্ৰশস্ত কৰাৰ লক্ষ্য ৰাখিছো  ।”

এই সন্মিলনে উত্তৰ-পূব ভাৰতত প্ৰকৃত পৰিৱৰ্তনক আগুৱাই নিয়াত গুৰুত্ব আৰোপ কৰি সৰ্বাংগীন শিক্ষা আৰু দক্ষতা বিকাশৰ প্ৰতি এ আই এছ ই চি টিৰ দায়বদ্ধতাক প্ৰতিফলিত কৰে  । উদ্যোগ, শিক্ষা, আৰু চৰকাৰৰ বিভিন্ন কণ্ঠক একত্ৰিত কৰি, এ আই এছ ই চি টিয়ে সহযোগিতা, জ্ঞান-বিনিময়, আৰু কাৰ্য্যকৰী অন্তৰ্দৃষ্টিৰ বাবে এক মঞ্চ সৃষ্টি কৰিছে  ।  ইয়াৰ নিৰন্তৰ প্ৰচেষ্টা আৰু কৌশলগত সহযোগিতাৰ  জৰিয়তে এ আই এছ ই চি টিয়ে অঞ্চলটোৰ যুৱক-যুৱতীসকলক শক্তিশালী কৰি তোলাৰ  লগতে তেওঁলোকৰ দক্ষতা বৃদ্ধিত সহায় কৰিছে, নতুন সুযোগ সৃষ্টি কৰিছে, আৰু অগ্ৰগতিৰ ক্ষেত্ৰত সহায় আগবঢ়াইছে  । এই অনুষ্ঠানে অগ্ৰগতিসমূহ উদযাপন কৰাৰ  সমান্তৰালকৈ এনে এটা ভৱিষ্যত গঢ়ি তোলাৰ বাবে এ আই এছ ই চি টিৰ সমৰ্পণকো শক্তিশালী কৰে য’ত উন্নতি, আত্মনিৰ্ভৰশীলতা, আৰু বহনক্ষম বিকাশ সকলোৰে বাবে সুলভ  হয়  ।