মানৱ শৰীৰত ৮০ শতাংশ ৰোগ জীৱন শৈলীৰ পৰিৱৰ্তনৰ বাবে হয়-ডাঃ শালিনী শর্মা
W7s news গুৱাহাটী : গুৱাহাটীৰ মাৰোৱাৰী চিকিৎসালয়ৰ উদ্যোগত শনিবাৰে- "স্বাস্থ্যকৰ জীৱনৰ বাবে জীৱনশৈলী ব্যৱস্থাপনা, প্ৰাচীন আৰু আধুনিক দৃষ্টিভংগী শীৰ্ষক এখন আলোচনাচক্ৰ অনুষ্ঠিত হয়। আলোচনা চক্ৰৰ মূল বক্তা হিচাপে আয়ুৰ্বেদিক দৃষ্টিভংগীৰে ভাষণ দিয়ে বিশেষজ্ঞ চিকিৎসক
ডাঃ শালিনী শৰ্মা আৰু ডাঃ বি.বি কুক্ৰেজাই।
গুৱাহাটীৰ লোহিয়া লায়ন্স অডিটৰিয়ামত অনুষ্ঠিত হোৱা এই আলোচনা চক্ৰখনত আদৰণি ভাষণ দিয়ে মাৰোৱাৰী হাস্পতালৰ সভাপতি ৰমেশ গোৱেংকাই। আদৰণি ভাষণত তেওঁ প্ৰতিৰোধমূলক স্বাস্থ্য-সেৱাৰ বিষয়ে গুৰুত্ব আৰোপ কৰে। তদুপৰি তেওঁ এই ধৰণৰ আলোচনা চক্ৰ সমাজৰ বাবে উপকৃত হ’ব বুলিও উল্লেখ কৰে। আনহাতে ডাঃ শলিনী শৰ্মাই ভাষণত সুস্থ জীৱনৰ বাবে প্ৰাচীন নীতি আৰু আয়ুৰ্বেদৰ মৌলিক নীতিসমূহ সামৰি লৈ বক্তব্য আগবঢ়ায়। তেওঁ উল্লেখ কৰে যে মানুহে কোনো ডাঙৰ ৰোগ নোহোৱাকৈ ১০০ বছৰ জীৱন জীয়াই থাকিব পাৰে। মানৱ শৰীৰত ৮০ শতাংশ ৰোগ জীৱন শৈলীৰ পৰিৱৰ্তনৰ বাবে হয়। গতিকে আমি নিজকে সুস্থ কৰি ৰাখিবলৈ সঠিক খাদ্য গ্ৰহণ কৰিব লাগে, সঠিক ব্যায়াম, যোগাসন কৰা জৰুৰী। তেওঁ লগতে আয়ুৰ্বেদৰ মৌলিক নীতিসমূহ মানি চলিবলৈ ৰাইজক আহ্বান জনায়। আনহাতে
ডাঃ বি.বি.কুক্ৰেজাই এলোফেটিক প্ৰস্পেক্টিভত চিকিৎসা বিজ্ঞানৰ শেহতীয়া অগ্ৰগতিৰ বিষয়েও অৱগত কৰে। তেওঁ লগতে কয় যে সুস্থ জীৱন যাপন কৰিবলৈ আয়ুৰ্বেদিক আৰু এলোফেটিক দুয়োটা প্ৰস্পেক্টিভৰ প্ৰয়োজন। জীৱনৰ ভাৰসাম্য ৰক্ষাৰ বাবে ব্যৱহাৰিক পন্থা অৱলম্বন কৰিব লাগে বুলিও তেওঁ কয়।
দুয়োগৰাকী বক্তাই দৈনিক ব্যায়াম, খাদ্যাভ্যাস আৰু নিয়মীয়া স্বাস্থ্য পৰীক্ষাৰ ওপৰত গুৰুত্ব আৰোপ কৰে। তেওঁলোকে কয় যে আমি সকলোৱে কম বয়সতে ব্যায়ামৰ ৰুটিন গঢ়ি তুলিব লাগে আৰু তাৰ পিছত আগন্তুক দশকবোৰত ইয়াক বজাই ৰাখিব লাগে। ইয়াৰ ফলত ওজন পৰিচালনা কৰি, পেশী গঠন কৰি, মানসিক চাপ কমাই শৰীৰটো সুস্থ হৈ উঠিব। ইয়াৰ উপৰিও হাড় শক্তিশালী কৰি, শৰীৰৰ ভাৰসাম্য বৃদ্ধি, ৰোগ প্ৰতিৰোধ ক্ষমতা বৃদ্ধি কৰি ভৱিষ্যতৰ স্বাস্থ্যৰ বাবেও উপকৃত হ’ব।কাৰ্যসূচীৰ শেষৰ ফালে মাৰোৱাৰী চিকিৎসালয়ৰ সাধাৰণ সম্পাদকে আলোচনা চক্ৰত উপস্থিত থকা সকলো বক্তা আৰু অতিথিলৈ ধন্যবাদ জ্ঞাপন কৰে।বিশ্বব্ৰহ্মাণ্ডৰ সকলো বস্তু-মৃত বা জীৱিত-সংলগ্ন বুলি তত্ত্বৰ ওপৰত ভিত্তি কৰি আয়ুৰ্বেদ ৰচনা কৰা হৈছে। যদি আপোনাৰ মন, শৰীৰ আৰু আত্মা বিশ্বব্ৰহ্মাণ্ডৰ লগত মিল আছে তেন্তে আপোনাৰ স্বাস্থ্য ভাল। "প্ৰত্যক্ষ উপলব্ধি"ৰ আক্ষৰিক অৰ্থ হৈছে "কিবা এটা লক্ষ্য বা বুজিব পৰা ক্ষমতা"। যিকোনো জ্ঞান ইন্দ্ৰিয়ই অনুভৱ কৰিলে প্ৰত্যক্ষ উপলব্ধি বুলি গণ্য কৰা হয়।মাৰোৱাৰী চিকিৎসালয়ৰ সভাপতি, সাধাৰণ সম্পাদক, ডি এম এছ আৰু এইচ এছৰ লগতে আলোচনা চক্ৰত সামাজিক সংগঠন, এন জি অ’ৰ প্ৰতিনিধি, লগতে মাৰোৱাৰী চিকিৎসালয়ৰ চিকিৎসক আৰু অন্যান্য কৰ্মচাৰীসকলেও ভালদৰে অংশগ্ৰহণ কৰে।
এই ধৰণৰ আলোচনা চক্ৰই নিশ্চয়কৈ সমাজ আৰু পৰিচালনাৰ বাবে ইতিবাচক দিশ কঢ়িয়াই আনিব
অদূৰ ভৱিষ্যতে এনেধৰণৰ অধিক সংখ্যক আলোচনা চক্ৰ অনুষ্ঠিত হ’ব বুলি উল্লেখ কৰে মাৰোৱাৰী হাস্পতালে।
:
No comments:
Post a Comment