W7s news,,,গুৱাহাটী, ১৮ আগষ্টঃ গুৱাহাটীৰ পল্টন বজাৰস্থিত আশি অপ্সৰাত ব্যতিক্ৰমী ইণ্টেৰিঅ’ৰ তথা নিৰ্মাণ বি২বি প্ৰদৰ্শনী অনুষ্ঠিত কৰা হৈছে৷ তিনিদিনীয়াকৈ অনুষ্ঠিত আই এন টি চি অ’ এন মেলা, গুৱাহাটী, ২০২৩ৰ চতুৰ্দশ সংস্কৰণ ২০ আগষ্টলৈ বাহাল থাকিব৷ উত্তৰ-পূৰ্বাঞ্চলৰ উৎপাদক, পাইকাৰী ব্যৱসায়ী, বিতৰক, ডিলাৰ, সমাধান নিয়ামক আৰু উপভোক্তাৰ সম্পৰ্ক উন্নীতকৰণৰ অৰ্থে এই অনুষ্ঠান হৈছে একমাত্ৰ বি২বি পৰ্ব৷ তিনিদিনীয়া মেলাত ৬০ৰো অধিক জনাজাত ৰাষ্ট্ৰীয় গোষ্ঠীয়ে অংশগ্ৰহণৰ লগতে নিজৰ সামগ্ৰী প্ৰদৰ্শন কৰিছে৷ এই ব্যতিক্ৰমী মেলা মুকলি কৰে ইণ্টেৰিঅ’ৰ তথা নিৰ্মাণ খণ্ডৰ বাণিজ্যিক প্ৰতিষ্ঠানে৷ অনুষ্ঠান আয়োজনত সহায় কৰিছে গুৱাহাটীৰ ছেনিটাৰী এণ্ড হাৰ্ডৱেৰ মাৰ্চেণ্ট এছ’ছিয়েশ্যন আৰু বিল্ডাৰ্ছ এছ’ছিয়েশ্যন অৱ ইণ্ডিয়াই৷ এনে অনুষ্ঠান নিৰ্মাণ তথা ডিজাইন উদ্যোগৰ বাবে প্ৰয়োজনীয় হিচাপে অভিহিত কৰিছে এক্সিবিটৰ্গ প্ৰাইভেট লিমিটেডৰ সঞ্চালক তথা প্ৰদৰ্শনীৰ আয়োজক জয়ন্ত সৰকাৰে৷
No comments:
Post a Comment