কেবিনেটৰ সিদ্ধান্ত পুনৰীক্ষণৰ বাবে পেকেজড খোৱাপানী সংস্থাৰ আহ্বান

 

W7s news,,,,গুৱাহাটী :  ইংৰাজী ২০২৩ ৰ ২ অক্টোবৰৰ পৰা ১ লিটৰ পেক আকাৰতকৈ কম আৰু ২০২৪ ৰ ২ অক্টোবৰৰ পৰা ২ লিটৰ পেক আকাৰতকৈ কম পেকেজড খোৱাপানী (পিডিডব্লিউ) সামগ্ৰী প্ৰস্তুত আৰু বিক্ৰী নিষিদ্ধ কৰি শেহতীয়াকৈ অসম চৰকাৰে জাৰি কৰা নিষেধাজ্ঞাৰ সন্দৰ্ভত ২২ জুলাই, ২০২৩ তাৰিখে উত্তৰ-পূব পেকেজড খোৱাপানী সন্থাই গুৱাহাটীত বৈঠকত মিলিত হয়। উদ্যোগৰ পৰা অসমৰ সন্থাৰ সদস্যসকলে অংশগ্ৰহণ কৰা বৈঠকত এই সিদ্ধান্তক লৈ গভীৰ উদ্বেগ প্ৰকাশ কৰে কাৰণ ই পিডিডব্লিউ আৰু পলিইথাইলিন টেৰেফ্থালেট (পিইটি) উদ্যোগৰ সৈতে প্ৰত্যক্ষ আৰু পৰোক্ষভাৱে জড়িত হাজাৰ হাজাৰ লোকৰ জীৱিকা আৰু কৰ্মসংস্থাপনত বিৰূপ প্ৰভাৱ পেলাব।এই নিষেধাজ্ঞাই সুলভ মূল্যত নিৰাপদ আৰু পৰিষ্কাৰ খোৱাপানীৰ উপলব্ধতাক লৈ তীব্ৰ উদ্বেগ প্ৰকাশ কৰিছে, যিটো প্ৰতিজন মানুহৰ বাবে এক অপৰিহাৰ্য প্ৰয়োজনীয়তা। এইখিনিতে উল্লেখ কৰিব পাৰি যে পিডিডব্লিউত ব্যৱহৃত পিইটি বটলবোৰ বন্ধ লুপত বটলৰ পৰা বটললৈ সম্পূৰ্ণৰূপে পুনঃব্যৱহাৰযোগ্য, যিটো আমাৰ দেশৰ প্ৰায় ১০০% জনসংখ্যাই ব্যৱহাৰ কৰা আটাইতকৈ খৰচী, পৰিষ্কাৰ-পৰিচ্ছন্ন আৰু বহনযোগ্য সামগ্ৰী। উক্ত সামগ্ৰীসমূহৰ নিৰ্মাণ আৰু বিক্ৰীৰ বিৰুদ্ধে এনে নিষেধাজ্ঞাই প্ৰতিজন নাগৰিকৰ দৈনন্দিন জীৱনত প্ৰভাৱ পেলাব। সংঘই প্ৰশাসনৰ অংশীদাৰসকলৰ সৈতে এই বিষয়ত সম্যক আলোচনাৰ বাবে অনুৰোধ জনাইছে, আৰু সকলো ধৰণৰ পেলনীয়া পিইটি বটলৰ বাবে হোৱা প্ৰদূষণৰ সমস্যাটো সমাধানৰ ক্ষেত্ৰত সহযোগিতা আগবঢ়াব বিচাৰিছে। সংস্থাই কই আমাৰ প্ৰধানমন্ত্ৰী শ্ৰীযুত নৰেন্দ্ৰ মোদীয়ে আৰম্ভ কৰা স্বচ্ছ ভাৰত অভিযানৰ ৰাষ্ট্ৰীয় নিৰ্দেশনাক সমৰ্থন কৰি সংস্থাটোৱে গ্ৰাহকক সেৱা প্ৰদান কৰাৰ সমান্তৰালকৈ তেওঁলোকৰ উদ্বেগ লাঘৱ কৰিবলৈ চৰকাৰৰ সৈতে কাম কৰিব বিচাৰিছে।