W7s news,,,গুৱাহাটী, ১৮ জুলাইঃ লিম্ফোমা ছাপ’ৰ্ট গ্ৰুপ ইণ্ডিয়াৰ সহযোগত গুৱাহাটী লুইত আৰু চেতনা লেডিজ ক্লাবৰ ৰোটাৰী ক্লাবে ৩০ জুলাই ২০২৩ তাৰিখে ছাত্ৰীবাৰীস্থিত লায়ন্স আই হস্পিটেলত দুপৰীয়া ১ বজাৰ পৰা কৰ্কট ৰোগীসকলৰ বাবে এক বিনামূলীয়া স্বাস্থ্য পৰীক্ষা শিবিৰৰ আয়োজন ক
ৰিব। গুৰুগ্ৰামৰ ফৰ্টিছ হস্পিটেলৰ হেমোটো অংক'লজীৰ মুখ্য সঞ্চালক ডাঃ ৰাহুল ভাৰ্গৱৰ নেতৃত্বত স্বাস্থ্য শিবিৰটো আয়োজিত হ’ব। লিম্ফোমা ছাপৰ্ট গ্ৰুপ ইণ্ডিয়া (এল এছ জি আই) হৈছে লিম্ফোমাত আক্ৰান্ত হোৱা আৰু যত্নকাৰীসকলে একত্ৰিত হৈ গঠন কৰা এটা ৰোগী সাহায্য গোট যিয়ে কেৱল কেন্সাৰ ৰোগীকে নহয়, আন যিকোনো গুৰুতৰ ৰোগকো সম্ভৱপৰ সকলোধৰণৰ সহায় আগবঢ়োৱাৰ লক্ষ্য লৈছে।এলএছজিআইয়ে ছয় বছৰধৰি অসম, পঞ্জাৱ, ৰাজস্থান আৰু উত্তৰ প্ৰদেশ আৰু নতুন দিল্লীৰ ওপৰত প্ৰাথমিক গুৰুত্ব দি বিভিন্ন অঞ্চলত সফলতাৰে শিবিৰ পৰিচালনা কৰি আহিছে।এয়া ড০ ৰাহুল ভাৰ্গৱৰ অসমত প্ৰথম ভ্ৰমণ হ'ব। ২০১৬ চনত ডাঃ ভাৰ্গৱ ২০ বছৰতকৈ অধিক অভিজ্ঞতাৰ সৈতে মাল্টিপল স্ক্লেৰোচিছত ষ্টেম চেল সংৰোপণ কৰা প্ৰথম ভাৰতীয় চিকিৎসক হিচাপে পৰিগণিত হৈছিল।ডাঃ ভাৰ্গৱ বৰ্তমান গুৰুগ্ৰামৰ ফৰ্টিছ মেম'ৰিয়েল ৰিচাৰ্চ ইনষ্টিটিউটত হেমাটোলজী, হেমাটো অংক'লজী আৰু বিএমটিৰ মুখ্য সঞ্চালক হিচাপে কাৰ্য্যনিৰ্বাহ কৰি আছে। তেওঁ আৰু তেওঁৰ দলটোৱে ১২০০ ৰো অধিক সংৰোপণ কাৰ্য সম্পন্ন কৰিছে।স্বাস্থ্য শিবিৰ আৰু পঞ্জীয়ন সম্পৰ্কে অধিক তথ্যৰ বাবে ৭০৯৯০২৩৭৪৪ নম্বৰত যোগাযোগ কৰিব পাৰে।
No comments:
Post a Comment