W7s news গুৱাহাটী: অসমৰ লখিমপুৰ জিলাৰ নাৰায়ণপুৰৰ মাধবদেৱ বিশ্ববিদ্যালয়ত ৮ আৰু ৯ জুলাইত কৰ্মগোট বৈচিত্র্য, অন্তর্ভুক্তি, পাৰস্পৰিক সন্মানৰ চি ২০ (চিভিল -২০) নীতিৰ পৰামৰ্শৰ বাবে এখন সামূহিক আলোচনা চক্ৰৰ আয়োজন কৰা হৈছে। এই আলোচনাচক্ৰখন দুয়োদিনা পুৱা ৯.৩০ বজাৰ পৰা অনুষ্ঠিত হ'ব।সোমবাৰে গুৱাহাটী প্ৰেছ ক্লাৱত বিবেকানন্দ কেন্দ্ৰ ইনষ্টিটিউট অৱ কালচাৰ অসমৰ উদ্যোগত অনুষ্ঠিত এখন সংবাদ মেলত এইকথা সদৰী কৰে বিবেকানন্দ কেন্দ্ৰ ইনষ্টিটিউট অৱ কালচাৰ অসমৰ প্ৰান্ত সংগঠক মীৰা কুলকাৰ্ণীয়ে। তেওঁ লগতে কয়- তেজপুৰ সমষ্টিৰ সংসদ সদস্য পল্লৱ লোচন দাসে মুখ্য অতিথি হিচাপে এই আলোচনা চক্ৰত অংশ গ্রহণ কৰিব। বিবেকানন্দ কেন্দ্ৰ সংস্কৃতি প্রতিষ্ঠান (ভিকেআইচি) আৰু দেউৰীচুচেবাচেংচা (দেউৰী সাহিত্য সভা)ৰ যৌথ উদ্যোগত ‘দেউৰী সম্প্ৰদায়ৰ পৰম্পৰাগত ব্যৱস্থা পৰিৱৰ্তন আৰু ধাৰাবাহিকতা' শীর্ষক আলোচনা চক্ৰৰ আয়োজন কৰা হৈছে। সামূহিক আলোচনা চক্ৰ হৈছে উত্তৰ- পূব ভাৰতৰ জনগোষ্ঠীসমূহৰ বাবে বিবেকানন্দ কেন্দ্ৰ সংস্কৃতি প্ৰতিষ্ঠানৰ দ্বাৰা নিয়মিতভাৱে আয়োজন কৰা অশৈক্ষিক আলোচনা চক্র।আলোচনা চক্ৰসমূহৰ লক্ষ্য হৈছে সংস্কৃতিৰ জৰিয়তে সামগ্রিক উন্নয়নৰ দৃষ্টিভংগীৰ জৰিয়তে ৰাষ্ট্ৰসংঘৰ বহনক্ষম উন্নয়নৰ দিশত গতি কৰা। আধুনিকতাৰ ভাৰসাম্য ৰক্ষা কৰি প্ৰাচীন ৰীতি- নীতি আৰু প্ৰথাক পুনৰুজ্জীৱিত কৰাৰ চেষ্টা কৰাৰ উপৰিও, সম্প্রদায়সমূহৰ লগত আলোচনাৰ ব্যৱস্থা কৰি সংঘাতমুক্ত, সংস্কৃতি ভিত্তিক অস্তিত্বৰ মাজত ভাৰসাম্য ৰক্ষা কৰা পৰম্পৰা আৰু উন্নয়নৰ সম্প্রদায়ক আত্মবিশ্বাস প্ৰদান কৰা ।
বিবেকানন্দ ৰ'ক মেম'ৰিয়েল আৰু বিবেকানন্দ কেন্দ্ৰ কন্যাকুমাৰীক জি-২০ৰ চি-২০ ‘চিভিল ২০’ এংগেজমেন্ট গ্ৰুপৰ প্ৰতিষ্ঠানিক অংশীদাৰ হিচাপে দায়িত্ব অর্পণ কৰা হৈছে। বিবেকানন্দ কেন্দ্র কন্যাকুমাৰীৰ উপ- সভাপতি পদ্মশ্রী নিবেদিতা ভিদে চি-২০ৰ পৰিচালনা সমিতিৰ সদস্য। ষোল্লজন য'ত কেন্দ্ৰক দুটা বিষয় যেনে ‘বসুধৈৱকুটুম্বকম’ আৰু ‘বৈচিত্র্য, অন্তর্ভুক্তি, পাৰস্পৰিক সন্মানৰ ওপৰত নীতিগত পৰামৰ্শৰ বাবে সমগ্র দেশতে নীতিগত আলোচনা চাউপাল, সজাগতা কার্যসূচী (সমাজশালা) আয়োজনৰ দায়িত্ব অর্পণ কৰা হৈছে। কেন্দ্ৰৰ গবেষণা প্রকল্প বিবেকানন্দ কেন্দ্র ইনষ্টিটিউট অৱ কালচাৰ, গুৱাহাটী (ভিকেআইচি)য়েও পৰৱৰ্তী বিষয়বস্তুৰ বাবে একে কাম কৰি আছে।' সংবাদ মেলত ভি কে আই চিৰ সঞ্চালক ড০ পৰিমল চন্দ্ৰ ভট্টাচাৰ্য, দেউৰী সাহিত্য সভাৰ সভাপতি ড০ ষড়ানন দেউৰী,দেউৰী সাহিত্য সভাৰ প্ৰাক্তন সহকাৰী সম্পাদক হেমৰাজ দেউৰী, দেউৰী সাহিত্য সভাৰ গুৱাহাটী মহানগৰ সমিতিৰ সভাপতি ভাৰত দেউৰী উপস্থিত থাকি এই আলোচনাচক্ৰৰ সফলতা কামনা কৰে।
No comments:
Post a Comment