গুৱাহাটীত এংকৰেজৰ পোষ্টাৰ উন্মোচন
W7s news গুৱাহাটী বিএনআই এংকৰে অহা ২৫ আৰু ২৬ মাৰ্চত দুদিনীয়াকৈ মহানগৰীৰ পল্টন বজাৰৰ আশী অপ্সৰা প্রেক্ষাগৃহত আয়োজন কৰা হৈছে মেগা বিজনেছ এক্সিভিশ্যন 'এংকৰেজ'। দুদিনীয়া ব্যৱসায় এক্সপো শনিবাৰে প্ৰখ্যাত ব্যক্তিসকলে উদ্বোধন কৰিব। বিএনআই গুৱাহাটীৰ কাৰ্যবাহী সঞ্চালক সিদ্ধাৰ্থ গাৰোদিয়াই আজি বিএনআই এংকৰৰ সভাপতি ৰোহিত চাৰাৱগী, উপ-সভাপতি অংকিত জাজোদিয়া, কাৰ্যসূচী সমন্বয়ক সুকান্ত বিশ্বাস, অংকিত জৈন, পৱন খাটুৱালাৰ উপস্থিতিত আটাইতকৈ প্ৰতীক্ষিত অনুষ্ঠান এংকৰেজৰ পোষ্টাৰসমূহ আনুষ্ঠানিক ভাৱে উন্মোচন কৰে। অনুষ্ঠানটোত ভাষণ প্ৰদান কৰি বিএন আই গুৱাহাটীৰ কাৰ্যবাহী সঞ্চালক সিদ্ধাৰ্থ গাৰোদিয়াই কয় যে বিএনআই এংকৰে আয়োজন কৰা দুদিনীয়া মেগা অনুষ্ঠানত ৫০ ৰো অধিক প্ৰসিদ্ধ ব্যৱসায়িক প্ৰতিষ্ঠানে অংশ গ্ৰহণ কৰি তেওঁলোকৰ বিভিন্ন সামগ্ৰী আৰু সেৱা প্ৰদৰ্শন কৰিব। এংকৰেজ হৈছে চহৰৰ আটাইতকৈ ডাঙৰ ব্যৱসায়িক অনুষ্ঠান আপোনাৰ সকলো প্ৰয়োজনীয় সামগ্ৰী এটা চালৰ তলত লাভ কৰিব। বিভিন্ন দিশ প্ৰস্তুত কৰা হৈছে যিয়ে বহুতো ব্যৱসায়ৰ বিনিময়ত সহায় কৰিব। বিএনআই এংকৰৰ সভাপতি ৰোহিত চাৰাৱগীয়ে কয় উৎসৱৰ বতৰ আৰম্ভ হোৱাৰ লগে লগে, এই বৃহৎ প্ৰদৰ্শনীভ্ৰমণৰ বাবে এইটো সৰ্বশ্ৰেষ্ঠ সময়। উপ-সভাপতি অংকিত জাজোদিয়াই কয় যে "বিএনআই এংকৰ" চেপ্টাৰ সদায় ইয়াৰ উদ্ভাৱন আৰু সৃজনশীলতাৰ বাবে জনাজাত আৰু আমি উত্তৰাধিকাৰীক আগবঢ়াই নিয়াত সহায় কৰি আহিছো, এংকৰেজে এক ডাঙৰ আৰু উন্নত সংস্কৰণ হ'ব বুলি তেওঁ আশা প্ৰকাশ কৰে। এংকৰেজৰ কাৰ্যসূচী সমন্বয়ক সুকান্ত বিশ্বাস, অংকিত জৈন, পৱন খাটুৱালাই কয় যে এই বৃহৎ অনুষ্ঠানটোৱে প্ৰদৰ্শক আৰু দৰ্শনাৰ্থীসকলক ইজনে সিজনৰ বাবে সহযোগিতা, সংযোগ আৰু নতুন ব্যৱসায় সৃষ্টি কৰাৰ যথেষ্ট সম্ভাৱনা প্ৰদান কৰিব।মিউচুৱেল ফাণ্ড, ৰিয়েল ইষ্টেট, সুৰক্ষা প্ৰণালী, ছফ্টৱেৰ, কম্পিউটাৰ আদিকে ধৰি বিভিন্ন প্ৰতিষ্ঠানে সামগ্ৰী প্ৰদৰ্শন কৰে ইত্যাদি। আনহাতে দৰ্শনাৰ্থীসকলৰ বাবে ব্যক্তিগত ১-২-১প্ৰদৰ্শনৰ ব্যৱস্থা আছে।" ইয়াৰ উপৰিও অনুষ্ঠানটোত বিশিষ্ট চেলিব্ৰেটি সকলে বক্তব্য প্ৰদান কৰাৰ লগতে ২৫ মাৰ্চত ব্যৱসায় প্ৰশিক্ষক ৰাজীৱ তালৰেজাৰ সন্ধিয়াৰ অনুষ্ঠান অনুষ্ঠিত হব। একেদৰে বিত্তীয় প্ৰশিক্ষক - অমিত ত্ৰিবেদী উপস্থিত থাকিব। ৫০০০ৰো অধিক দৰ্শনাৰ্থী অংশ গ্ৰহণ কৰিব বুলি আশা প্ৰকাশ কৰে।
No comments:
Post a Comment