W7s news গুৱাহাটী :- দেশৰ আন ৰাজ্যৰ লগতে গুৱাহাটীৰ বৰঝাৰস্থিত লোকপ্ৰিয় গোপীনাথ বৰদলৈ আন্তঃৰাষ্ট্ৰীয় বিমানকোঠত আজি ৰাষ্ট্ৰীয় ডাক দিৱস পালন কৰা হয়। দিৱসৰ লগত সংগতি ৰাখি যাত্ৰীসকলক একোখনকৈ ষ্টাম্প , লগোৱা লেফাফা দিয়া হয় য'ত যাত্ৰী সকলে নিজৰ সম্পৰ্কীয় লোকসকলৈ চিঠি লিখে। চিঠিসমূহ ডাক বিভাগৰ স্থানীয় কাৰ্যালয়ৰ জৰিয়তে নিৰ্দিষ্ট স্থানলৈ প্ৰেৰণ কৰা হব বুলি বৰঝাৰ বিমানকোঠৰ মুখপাত্ৰই জানিবলৈ দিছে । উল্লেখযোগ্য যে মবাইল ফোন , ইণ্টাৰনেট আৰু ডিজিটেল যুগত সম্প্ৰতি ডাক যোগে চিঠি প্ৰেৰণ কৰা পদ্ধতি সম্প্ৰতি পাহৰণিৰ গৰ্ভলৈ গতি কৰিছে । তেনে সময়ত নতুন প্ৰজন্মক কিছু বছৰ আগলৈকে প্ৰশাসন , সমাজ জীৱনৰ অভিন্ন অংগ স্বৰূপ ডাক যোগে চিঠি প্ৰেৰণ কৰা পদ্ধতিটো পুনৰ দাঙি ধৰা বাবে সচেতন যাত্ৰী সকলে বিমানকোঠ কৰ্তৃপক্ষক ধন্যবাদ জ্ঞাপন কৰিছে ।
No comments:
Post a Comment