বৰঝাৰ বিমানবন্দৰত উচ্চ প্ৰযুক্তিযুক্ত নিৰাপত্তা ব্যৱস্থা নিয়ন্ত্ৰণ কক্ষ উদ্ধোধন

 

W7s news

গুৱাহাটী : গুৱাহাটীৰ বৰঝাৰস্থিত লোকপ্ৰিয় গোপীনাথ বৰদলৈ আন্তৰ্জাতিক বিমানবন্দৰত বিমানবন্দৰ পৰিচালনাৰ দায়িত্বত থকা গুৱাহাটী ইণ্টাৰনেশ্যনেল এয়াৰপৰ্ট লিমিটেড চমুকৈ জি আই এ  এলে বিমানবন্দৰত নিৰাপত্তা ব্যবস্থা শক্তিশালীকৰণকে ধৰি   ৰাজহ ফাঁকি ৰোধ , পৰিচালনাৰ কাৰ্য কুশলতা বৃদ্ধি , বিত্ত আৰু বাণিজ্যিক দক্ষতা বৃদ্ধি , নিৰীক্ষণ কার্য নিখুঁত কৰা আদিৰ বাবে অত্যাধুনিক তথ্য প্ৰযুক্তিৰ ব্যৱহাৰৰ ওপৰত গুৰুত্ব আৰোপ কৰিছে । ইয়াৰ বাবে বৰঝাৰ বিমানবন্দৰত আই টিৰ সহযোগত এটা নিয়ন্ত্ৰণ কক্ষ স্থাপন কৰা হৈছে । আজি অনুষ্ঠিত এক গাম্ভীৰ্য্যপূৰ্ণ অনুষ্ঠানত  এই নিয়ন্ত্ৰণ কক্ষটো উদ্ধোধন কৰে বৰঝাৰৰ মুখ্য বিমানকোঠ বিষয়া উৎপল বৰুৱাই । এই উপলক্ষে অনুষ্ঠিত চমু অনুষ্ঠানত উৎপল বৰুৱাই নতুন প্ৰযুক্তিৰ সংযোজনৰ ফলত বিমানবন্দৰৰ বহু কাম সহজ হোৱাৰ লগতে স্বচ্ছতা , ক্ষিপ্ৰ আৰু পৰিচালনাগত দিশত বহুখিনী উন্নত মানৰ হব বুলি আশা প্ৰকাশ কৰে ।