W7s news গুৱাহাটী : কেন্দ্ৰীয় সংৰক্ষিত আৰক্ষী বাহিনীৰ ( চি আৰ পি এফ ) পশ্চিম গুৱাহাটীৰ ৰাণীস্থিত ১৭৫ বেটেলিয়ান মুখ্য কাৰ্যালয় চৌহদত বাহিনীটোৰ জনহিতকৰ কাৰ্যসূচীৰ অংশ হিচাপে অখিল ভাৰতীয় টেৰাপন্থ যুৱক পৰিষদৰ ( এ বি টি ওৱাই পি সৌজন্যত আজি এক স্বেচ্ছামূলক ৰক্তদান শিবিৰ অনুষ্ঠিত হৈ যায় । শিবিৰটো উদ্ধোধন কৰে ১৭৫ চি আৰ পি এফ বেটেলিয়ানৰ ভাৰপ্ৰাপ্ত কমাণ্ডেণ্ট কে এল ধীমানে । চমু ভাষণত কে এল ধীমানে বাহিনীটোৱে বিগত সময়চোৱাত কৰা জনহিতকৰ কাম - কাজৰ এক চমু খতিয়ান দাঙি ধৰে । অনুষ্ঠানত এ বি টি ওৱাই পিৰ সঞ্চালক মনীষ ভাঞ্চালীকে ধৰি কেবাজনো কৰ্মকর্তা , চিকিৎসক , চিকিৎসা কর্মী , ১৭৫ চি আৰ পি এফ বেটেলিয়ানৰ ডেপুটী কমাণ্ডেণ্ট ৰবি কুমাৰ শ্ৰীবাস্তবকে ধৰি কেবাজনো বিষয়া , ডাঃ দীপ্তিকে ধৰি কেবাজনো বিশিষ্ট লোক উপস্থিত থাকে । আনহাতে শিবিৰত চি আৰ পি এফৰ ১৫ জন জোৱানে ৰক্তদান কৰে ।
No comments:
Post a Comment