W7s news গুৱাহাটী : জ্যেষ্ঠ সাংবাদিক দীপজ্যোতি শৰ্মাৰ পিতৃ তথা গড়ল খেলিয়াপাৰা নিবাসী লক্ষ্মীকান্ত শৰ্মাৰ শনিবাৰে মৃত্যু হয়৷ বাৰ্ধক্যজনিত ৰোগত আক্ৰান্ত হৈ নিজ বাসগৃহতে ৯০ বছৰ বয়সত ইহ সংসাৰৰ পৰা বিদায় লোৱা শৰ্মা মৃত্যুৰ সময়লৈ মা মনসা মন্দিৰ, গড়ল দূৰ্গা মন্দিৰ, গড়ল তালুক আদিৰ সৈতে ওতঃপ্ৰোতভাবে জড়িত আছিল৷ সামাজিক ভাৱে বিভিন্ন কামত জড়িত থকা শৰ্মা হস্ততাঁত বস্ত্ৰশিল্প বিভাগৰ অৱসৰপ্ৰাপ্ত কৰ্মচাৰী৷ কলি সন্ধিয়া শৰ্মাৰ মৃত্যুৰ বাতৰি বিয়পি পৰাৰ লগে লগে অসংখ্য গুনমুগ্ধ, আত্মীয় স্বজন তেওঁৰ বাসগৃহত উপস্থিত হৈ শেষ শ্ৰদ্ধা জনোৱাৰ লগতে শোকসন্তপ্ত পৰিয়ালবৰ্গলৈ সমবেদনা জ্ঞাপন কৰে৷ অসংখ্য লোকৰ উপস্থিতিত মৃতদেহটো লৈ শোভাযাত্ৰা কৰি খেলিয়াপাৰাৰ ৰাজহুৱা স্মশানত ধৰ্মীয় ৰীতিনীতিৰে শেষকৃত্য সম্পন্ন কৰা হয়৷ মৃত্যুৰ সময়ত লক্ষ্মীকান্ত শৰ্মাই পত্নীৰ লগতে তিনি পুত্ৰ, চাৰি বোৱাৰী, জী - জোঁৱাই, নাতি - নাতিনীসহ বহু আত্মীয় স্বজনক ইহ সংসাৰত এৰি থৈ যায়৷
No comments:
Post a Comment