W7s news গুৱাহাটী : ব্যৱসায়ী তথা বিভিন্ন সামাজিক অনুষ্ঠানৰ লগত ওত:প্ৰোতভাৱে জড়িত ব্যক্তি কানিৰাম জালান (ৰাকেশ)ৰ শনিবাৰে আবেলি প্ৰায় ২ বজাত একপথ দুৰ্ঘটনাত মৃত্যু হয়৷ ১৯৭৩ চনৰ ২৭ মে’ত জন্মগ্ৰহণ কৰা কানিৰাম জালানৰ মৃত্যুৰ সময়ত বয়স আছিল ৪৯ বছৰ ৷ তেওঁ পত্নী বন্দনা জালানৰ সৈতে গুৱাহাটীৰ ফটাশিল-আমবাৰীত বসবাস কৰিছিল৷ অতি নম্ৰ, বিনয়ী, পৰোপকাৰী প্ৰয়াত জালানৰ পিতৃ-মাতৃ ক্ৰমে প্ৰয়াত বাসুদেৱ জালান আৰু পুষ্পাদেৱী জালান৷ দৈনিক কমেও দুঘণ্টা সময় পূজা-পাতলত ব্যস্ত থকা কানিৰাম জালানে বিভিন্ন ধৰ্মানুষ্ঠান তথা মন্দিৰ আদিৰ উন্নয়নৰ ক্ষেত্ৰত গুৰুত্বপূৰ্ণ ভূমিকা গ্ৰহণ কৰিছিল৷ মৃত্যুৰ সময়ত জালানে পত্নীৰ লগতে পাঁচজন ভাই-ককাইৰ পৰিয়ালক এৰি যায়৷ উল্লেখ্য যে প্ৰয়াত কানিৰাম জালান বিশিষ্ট নিবন্ধকাৰ, সাংস্কৃতিক কৰ্মী, ‘বাৰ্তাপখিলী’ৰ কাৰ্যবাহী সম্পাদক গোপাল জালানৰ ভাতৃ৷
No comments:
Post a Comment