W7s news গুৱাহাটী: গুৱাহাটীৰ পশ্চিম প্ৰান্তৰ খানামুখ চেকগেটৰ ৰূপকোঁৱৰ হাউছিং কমলেক্সস্থিত বৰ্ণিল ফাইন আৰ্টছ স্কুলৰ উদ্যোগত ১১ জুলাইৰ পৰা তিনিদিনীয়াকৈ অনুষ্ঠিত গ্ৰীষ্মকালীন কৰ্মশালাৰ ১৩ জুলাইত সামৰণি পৰে । ১১ জুলাইত বন্তি প্ৰজ্বলনৰে কৰ্মশালাৰ শুভাৰম্ভ কৰে ৰূপকোঁৱৰ হাউছিং কমপ্লেক্সৰ সভাপতি কমলাকান্ত দাস আৰু সম্পাদক শুভেশ্বৰ নাথে । আনহাতে চন্দনা পাঠক আৰু নিমাক্ষী ডেকাৰ তত্বাৱধানত অনুষ্ঠিত কৰ্মশালাত ভাগ লোৱা শিক্ষাৰ্থী সকলক পেলনীয়া সামগ্ৰীৰে শিল্প নিৰ্মাণ, কেনভাচ পেইন্টিং আৰু মৃৎশিল্প প্ৰস্তুত কার্য শিকোৱা হয় | ১৩ জুলাইত অনুষ্ঠিত সামৰণি অনুষ্ঠানত প্ৰাগজ্যোতিষ মহাবিদ্যালয়ৰ অৱসৰপ্ৰাপ্ত অধ্যাপক ৰঞ্জিত দাস, অৱসৰপ্ৰাপ্ত সেনা বিষয়া গিৰীশ পাঠক, মুকুল কলিতাই উপস্থিত থাকি অনুপ্ৰেৰণামূলক ভাষণ প্ৰদান কৰাৰ লগতে শিক্ষাৰ্থী সকলক মানপত্ৰ প্ৰদান কৰে ।
No comments:
Post a Comment