W7s news গুৱাহাটী :সদ্য ঘোষিত হাইস্কুল শিক্ষান্ত পৰীক্ষাত বিদ্যা ভাৰতী, অখিল ভাৰতীয় শিক্ষা সংস্থানৰ সংবদ্ধ শিশু শিক্ষা সমিতি অসমৰ অন্তৰ্গত শংকৰদেৱ শিশু নিকেতন সমূহৰ ৫ জন শিক্ষাৰ্থীয়ে শীৰ্ষ দহটা স্থানৰ ভিতৰত স্থান লাভ কৰি এক চমকপ্ৰদ ফলাফল প্ৰদৰ্শন কৰিবলৈ সক্ষম হৈছে । প্রাপ্ত ফলাফল অনুসৰি শীৰ্ষ দহটা স্থানৰ ভিতৰত নৱম স্থানত বিদিশা নাথ, শংকৰদেৱ শিশু নিকেতন, চৰাইবাহী; দশম স্থানত ক্রমে কৌক্তৱজ্যোতি নাথ, শংকৰদেৱ বিদ্যা নিকেতন, মৰিগাঁও; দিব্যজ্যোতি লহকৰ, শংকৰদেৱ শিশু নিকেতন আৰু দেবেন্দ্ৰ চন্দ্ৰপ্ৰভা বিদ্যা নিকেতন, নলবাৰী; ধৃতিস্মিতা ডেকা, শংকৰদেৱ শিশু নিকেতন আৰু দেবেন্দ্র চন্দ্রপ্রভা বিদ্যা নিকেতন, নলবাৰী আৰু অনুৰাগ বৰা, শংকৰদেৱ শিশু নিকেতন, বনগাঁও, মাজুলীৰ এই সকল ছাত্ৰ-ছাত্ৰীয়ে স্থান লাভ কৰে। তাৰোপৰি ডিষ্টিংছন ১০৮৬ জন, ষ্টাৰ নম্বৰ লাভ কৰে ১৩৭৪ জনে। আগন্তক ১৩ জুনত পূৱা ১০:৩০ বজাৰ পৰা গুৱাহাটীৰ দিছপুৰস্হিত গড়কাপ্তানি বিভাগৰ প্ৰেক্ষাগৃহত শিশু শিক্ষা সমিতি, অসমৰ তৰফৰ পৰা এই মেধাৱী ছাত্ৰ- ছাত্ৰীসকলক যুগল কিশোৰ আৰু ৰামদুলাৰী মালপানী সোঁৱৰণী মেধা বঁটা, ২০২২ প্ৰদান কৰা হ'ব। ইয়াৰ লগতে এশ শতাংশ উৰ্ত্তীণ হোৱা শিশু শিক্ষা সমিতিৰ অন্তৰ্গত নিকেতন সমুহৰ প্ৰধান আচাৰ্য - আচাৰ্যা সকলকো অভিনন্দন তথা সম্বৰ্ধনা জনোৱা হ'ব বুলি শিশু শিক্ষা সমিতি, অসমৰ প্ৰচাৰ সম্পাদক অজয় কুমাৰ বৰা, মুকুটেশ্বৰ গোস্বামী আৰু শান্তিৰাম ঠাকুৰীয়াই সংবাদ মাধ্যমক অৱগত কৰে ।
No comments:
Post a Comment