W7s News ষ্টাফৰিপোৰ্টাৰ: ভাৰতৰ আগশাৰীৰ অট'ম'টিভ ব্ৰেণ্ড টাটা মটছে শনিবাৰে গুৱাহাটীস্থ সৰুসজাই বিমল কাৰ্ছত গ্রামাঞ্চলৰ গ্ৰাহকসকলৰ বাবে 'অনুভৱ' নামৰ মোবাইল শ্বৰোম মুকলি কৰে। এই অনুষ্ঠানৰ ফ্লেগ হোষ্টিং কৰে ভাৰতীয় ষ্টেট বেংকৰ মুখ্য প্রবন্ধক নীতী বিদ্যার্থী আৰু ব্যৱসায় বিশ্লেষক বিশ্বজিৎ ঘোষে। লগতে অনুষ্ঠানটোত উপস্থিত থাকে বিমল কাৰৰ ডাইৰেক্টৰ আৰিহান্ত সৌৰাওগী, অনুৰাগ সৌৰাওগী, টাটা মটছৰ চিনিঅৰ মেনেজাৰ অভিক দাস, টাটা মটৰ্ছৰ প্রডাক্ট বিশেষজ্ঞ মানস প্রতিম দত্ত আৰু বিমল কাৰ্ছৰ জেনেৰেল মেনেজাৰ দীপাংকৰ দাস৷এই ব্যৱস্থাই ইয়াৰ গ্ৰাম্য বিপণন ৰণনীতিৰ সৈতে সংগতি ৰাখি, এই পদক্ষেপে তহচিল আৰু তালুকাত প্ৰসাৰ বৃদ্ধি কৰাত সহায় কৰিব লগতে গ্রাম্য জনসংখ্যা আৰু অৰ্থনীতিত ই যথেষ্ট সম্ভাৱনাৰ সৃষ্টি কৰিব। গ্রাম্য অঞ্চলত টাটা মটর্ছ ব্ৰেণ্ডৰ সজাগতা বৃদ্ধি কৰাৰ বাবে সমগ্র দেশতে মুঠ ১০৩টা মোবাইল শ্ব'ৰুম প্ৰসাৰিত কৰা হৈছে। এই ম'বাইল শ্ব'ৰুমবোৰে নিকটতম ডিলাৰশ্বিপবোৰক গ্ৰাহকসকলক দুৱাৰমুখত বিক্ৰীৰ অভিজ্ঞতা আগবঢ়োৱাত সহায় কৰিব আৰু তেওঁলোকক গাড়ীৰ নিউ ফৰেভাৰ পৰিসৰৰ বিষয়ে তথ্য প্রদান কৰাত সহায় কৰিব আৰু এছ.ইউ.ভি, আনুষঙ্গিক সামগ্রী, বিত্তীয় আঁচনিৰ সুবিধা, টেষ্ট ড্রাইভ বুক কৰা আৰু বিনিময়ৰ বাবে মজুত থকা গাড়ীবোৰ মূল্যাঙ্কন কৰিব।উল্লেখ্য, এই ম'বাইল শ্ব'ৰুমবোৰ টাটা মটৰ্চৰ তত্বাৱধান আৰু নিৰ্দেশনাত ডিলাৰশ্বিপৰ দ্বাৰা পৰিচালিত হ'ব। সকলো ডিলাৰশ্বিপে এই ভানবোৰৰ বাবে মাহিলী পথ নিৰ্ধাৰণ কৰিব, য'ত তেওঁলোকে চলাব আৰু লক্ষ্য কৰা গাঁও বা তহচিল কভাৰ কৰিব। এই ম'বাইল শ্ব'ৰুমবোৰৰ চলাচল নিৰীক্ষণ কৰিবলৈ জিপিএছ ট্ৰেকাৰেৰে সজ্জিত থাকিব।
No comments:
Post a Comment