বিষ্ণু নিৰ্মলা ভৱনত গ্ৰন্থ উন্মোচন

 

W7s news ষ্টাফৰিপোৰ্টাৰ :  গুৱাহাটীৰ বিষ্ণু নিৰ্মলা ভৱনত সোমবাৰে অংকুৰণ প্ৰকাশনৰ উদ্যোগত দুখন গ্ৰন্থ উন্মোচন কৰা হয়। অংকুৰণ প্ৰকাশনৰ প্ৰকাশক হেমেন নাথে আঁতধৰা সভাখনত চন্দনা হীৰাৰ কবিতা পুথি 'মোৰ প্ৰেম কবিতাৰ স'তে উন্মোচন কৰে ৰাষ্ট্ৰীয় পুৰস্কাৰ প্ৰাপ্ত তথা বৰাক উপত্যকাৰ  কবি, সাহিত্যিক সুহাগমণি বৰ্মনে আৰু শৰ্মিষ্ঠা বৰ্মনৰ কবিতা পুথি 'মোৰ আবেগৰ নীলা কামিজ' উন্মোচন কৰে অঞ্জু সাণ্ডিল্যই। উন্মোচকদ্বয়ে শুভেচ্ছামূলক বক্তব্য আগবঢ়ায়। 

এই উপলক্ষে লেখক, পাঠক আৰু উপস্থিত সুধী সমাজৰ মাজত এক মত বিনিময় অনুষ্ঠান অনুষ্ঠিত কৰা হয়। অনুষ্ঠানত  বাবুল দাস, অনুপমা বৰ্মন অধিকাৰী, পুতুল দাস, আইৰিছ বৰ্মণ, শেৱালি অধিকাৰী আদি উপস্থিত থাকে।