W7s News ষ্টাফৰিপোৰ্টাৰ : ঋণগ্ৰহণকাৰী সকলৰ সুবিধার্থে অসমৰ এন বি এফ চি ইক’ ফাইনেন্স “অমৰ শক্তি কমাৰ্চ এণ্ড ইণ্ডাষ্ট্রিজ লিমিটেডে পহিলা মাৰ্চৰ পৰা ৩১ মার্চলৈ মাহজোৰা কাৰ্যসূচীৰে আয়োজন কৰিছে এক মেগা লোন ৰিষ্ট্রাকচাৰিং মেলা। শনিবাৰে গুৱাহাটীত অনুষ্ঠিত এখন সংবাদমেলত এই কথা সদৰি কৰে ইক' ফাইনেন্সৰ পৰিচালন সঞ্চালক কুমাৰ গৌৰৱে । তেওঁ লগতে কয় “ক'ভিড পৰিস্থিতিৰ প্ৰতি লক্ষ্য ৰাখি লোন ৰিষ্ট্রাকচাৰিঙৰ অধীনত আমাৰ ঋণগ্ৰহণকাৰীসকলৰ বাবে আমি এক উত্তম আঁচনি গঠন কৰিছো, য'ত তেওঁলোকে জৰিমনা আৰু শাস্তিমূলক সুতত ৫০ শতাংশ ৰেহাই লাভ কৰিব পাৰিব। একে সময়তে নতুন ঋণৰ সৈতে ঋণৰ ধনৰাশি ৰিষ্ট্রাকচাৰিং কৰাৰ পাচত ঋণগ্রহণকাৰীয়ে ৪ শতাংশ কম সুদৰ হাৰত ঋণ লাভ কৰিব, যিয়ে তেওঁলোকৰ ধন ৰাহি কৰাত সহায় কৰিব । যদিহে কোনোৱে ইচ্ছাকৃতভাৱে আগবাঢ়ি নাহে আৰু গ্ৰহণ কৰা ধনৰাশি সময়ত আদায় নিদিয়ে, তেন্তে এনে ইচ্ছাকৃতভাৱে ধন আদায় নিদিয়া ব্যক্তিৰ বিৰুদ্ধে এন বি এফ চি হিচাপে ইক’ ফাইনেন্সে আইনী ব্যৱস্থা গ্ৰহণ কৰিব। ইয়াৰ বাবে, ইক’ ফাইনেন্সৰ চি জি এম ৰমেন কলিতা আৰু প্ৰাঞ্জল মজুমদাৰক এই আঁচনি নিয়াৰিকৈ চলাই নিয়াৰ দায়িত্ব অর্পণ কৰা হৈছে।'
No comments:
Post a Comment