বিশ্ব দুগ্ধ দিৱস: পুৰবী ডেইৰীয়ে বহনক্ষম দুগ্ধ উৎপাদন পদ্ধতিৰ প্ৰতি ইয়াৰ প্ৰতিশ্ৰুতি পুনৰ নিশ্চিত কৰিছে

 

W7s news ষ্টাফৰিপোৰ্টাৰ:  বিশ্ব দুগ্ধ দিৱস উপলক্ষে মঙলবাৰে গুৱাহাটীস্থিত পশ্চিম অসম দুগ্ধ উৎপাদক সমবায় সংঘ লিমিটেডে (WAMUL), যাক পুৰবী ডেইৰী বুলি জনা যায়, দুগ্ধ উৎপাদনৰ পাৰিপাৰ্শ্বিক, পুষ্টিগত আৰু আৰ্থ-সামাজিক দিশবোৰ বিবেচনা কৰি 'দুগ্ধ খণ্ডত স্থিৰতা'ৰ ওপৰত গুৰুত্ব আৰোপ কৰে।

ৰাষ্ট্ৰসংঘৰ খাদ্য আৰু কৃষি সংস্থাৰ দ্বাৰা স্থাপিত এই বছৰৰ বিশ্ব দুগ্ধ দিৱসৰ বিষয়বস্তু আছিল 'দুগ্ধ খণ্ডত স্থিৰতা'। ইয়াৰ লক্ষ্য হৈছে দুগ্ধপালনক বিশ্বৰ আগত পুনৰ প্ৰৱৰ্তন কৰা, দুগ্ধজাত সামগ্ৰীৰ বাবে এক নিম্ন-কাৰ্বন ভৱিষ্যত সৃষ্টি কৰাত সহায় কৰা।

এই উপলক্ষে WAMUL-এ অসমৰ দুগ্ধ খেতিয়কসকলৰ বাবে এই সংঘৰ দ্বাৰা গ্ৰহণ কৰা বিভিন্ন পদক্ষেপৰ অংশীদাৰী ত্বৰান্বিত কৰে। 

বিভিন্ন ক্ষেত্ৰ-আধাৰিত মধ্যস্থতাৰ জৰিয়তে WAMUL-এ সদায়ে দুগ্ধ সংঘ আৰু ইয়াৰ সৈতে জড়িত কৃষকসকলৰ সৰ্বাধিক লাভালাভ নিশ্চিত কৰাৰ বাবে শক্তিৰ বহনক্ষম উৎসব্যৱহাৰৰ ওপৰত গুৰুত্ব আৰোপ কৰি আহিছে। এই দুগ্ধ সংঘৰ এক বিবৃতিত কোৱা হৈছে, "দুগ্ধ সমবায় সমিতি সমূহত সৌৰ শক্তিচালিত স্বয়ংক্ৰিয় গাখীৰ সংগ্ৰহ প্ৰণালী (AMCS) স্থাপন কৰাৰ পৰা আৰম্ভ কৰি দুগ্ধ খেতিয়কসকলক পাইলট ভিত্তিত ফ্লেক্সি বায়োগেছ প্ৰণালী প্ৰৱৰ্তন কৰালৈকে, WAMUL -এ দুগ্ধজাত সামগ্ৰীৰ সৈতে সম্পৰ্কিত সকলো অংশীদাৰৰ বাবে ব্যয় হ্ৰাস আৰু সৰ্বাধিক লাভালাভ নিশ্চিত কৰিছে।"   

সংগঠনটোৱে অনুষ্ঠানটোত ঘোষণা কৰে যে এই ধৰণৰ মধ্যস্ততা বিশ্ব বেংকৰ দ্বাৰা অনুদানপ্ৰাপ্ত অসম চৰকাৰৰ কৃষি ব্যৱসায় আৰু গ্ৰাম্য পৰিৱৰ্তনৰ বাবে APART প্ৰকল্পৰ অধীনতো আৰম্ভ কৰা হৈছে, য'ত ২২০তকৈও অধিক সৌৰ শক্তিচালিত স্বয়ংক্ৰিয় গাখীৰ সংগ্ৰহ প্ৰণালী আৰু দুটা সৌৰ শক্তিচালিত তাৎক্ষণিক গাখীৰ শীতলকৰণ প্ৰণালী দুগ্ধ সমবায় সমিতি আৰু বাল্ক মিল্ক কুলিং চেণ্টাৰক প্ৰদান কৰা হৈছে।

লগতে এই বিবৃতিত কোৱা হয়, "সৌৰ শক্তি ব্যৱহাৰৰ লক্ষ্য হৈছে, কাৰ্বন নিৰ্গমন হ্ৰাস কৰাৰ লগতে কাৰ্যকৰী ব্যয় হ্ৰাস কৰা, গাখীৰৰ মানদণ্ড উন্নত কৰা আৰু এক স্বচ্ছ গাখীৰ সংগ্ৰহৰ পৰিৱেশ বজাই ৰখা। ওপৰোক্ত প্ৰণালীবোৰৰ সফলতা আৰু দক্ষতাৰ প্ৰতি লক্ষ্য ৰাখি, আহিবলগীয়া সময়ত, WAMUL-এ একত্ৰিত সাৰ ব্যৱস্থাপনা থকা ফ্লেক্সি বায়োগেছ মডেল আৰু সমগ্ৰ অসমত সৌৰ শক্তিচালিত যথেষ্ট পৰিমাণৰ গাখীৰ শীতলকৰণ কেন্দ্ৰ আৰম্ভ কৰাৰ পৰিকল্পনা কৰিছে"।

WAMUL-ৰ পৰিচালনা সমিতিৰ সদস্য, শ্ৰী ভৰত কলিতাই কয় কৰে যে তেওঁলোকৰ উৎপাদিত সামগ্ৰীৰ বাবে এক সুসংগত বজাৰ প্ৰদান কৰাৰ উপৰিও, ২৮টা পশু চিকিৎসা কাৰ্যবাহী আৰু ৪৫০ৰো অধিক ভ্ৰাম্যমাণ কৃত্ৰিম প্ৰজনন টেকনিচিয়ানৰ (MAIT) এক সমৰ্পিত গোটে গাখীৰ উৎপাদনশীলতা বৃদ্ধিত সহায় কৰিছে আৰু এনেদৰে ৰাষ্ট্ৰীয় দুগ্ধ উন্নয়ন ব'ৰ্ডৰ, চমুকৈ NDDB, ৰেচন বেলেন্সিং কাৰ্যসূচীৰ জৰিয়তে ব্যয় হ্ৰাস কৰিছে। এই কাৰ্যসূচীয়ে গৰুৰ বাবে সন্তুলিত ৰেচনৰ ওপৰত গুৰুত্ব দিয়ে। এনে ধৰণৰ পদক্ষেপে ঘটনাক্ৰমে মিথেন নিৰ্গমন যথেষ্ট হ্ৰাস কৰে।

WAMUL -এ অনুভৱ কৰে যে এনে ধৰণৰ নতুন প্ৰজন্মৰ পদক্ষেপ আৰু পদ্ধতিয়ে নতুন উদ্যোগীসকলক দুগ্ধ ব্যৱসায়ত প্ৰৱেশ কৰিবলৈ আৰু অসমত দুগ্ধ সমবায় আন্দোলন শক্তিশালী কৰিবলৈ উৎসাহিত কৰিছে। তদুপৰি, নাগৰিকসকলৰ, বিশেষকৈ চহৰবাসীসকলৰ পুষ্টিৰ ক্ৰমান্বয়ে বৰ্ধিত প্ৰয়োজনীয়তাই দুগ্ধজাত সামগ্ৰীৰ জৰিয়তে কৃষকসকলক জীৱিকাৰ এক অনন্য সুযোগ প্ৰদান কৰে - কিয়নো গাখীৰ আৰু দুগ্ধ-আধাৰিত সামগ্ৰী হৈছে পুষ্টি প্ৰদান কৰাৰ এক আদৰ্শ উপায়।

২০১৮ চনৰ এই দিনটোতে WAMUL -এ NDDB আৰু টাটা ট্ৰাষ্টৰ (TINI) সহযোগত সমৃদ্ধিৰ বাবে FSSAIৰ কাৰ্যসূচী প্ৰৱৰ্তন কৰা ভাৰতৰ প্ৰথম সমবায় গাখীৰ সংঘ হৈ উঠিছিল। খাদ্য শক্তিশালী কৰাৰ এই পদক্ষেপে সমগ্ৰ জনসংখ্যাৰ ক্ষুদ্ৰ পুষ্টিৰ অভাৱ দূৰ কৰাত এক দীঘলীয়া পথ অতিক্ৰম কৰিব।

পুৰবী ডেইৰী অসমৰ সতেজ দুগ্ধ বজাৰৰ অগ্ৰণী হোৱা বাবে গ্ৰাহকসকলক অত্যাৱশ্যকীয় গাখীৰ আৰু গাখীৰ সামগ্ৰীৰ উপলব্ধতা নিশ্চিত কৰিছে আৰু ইয়াৰ দ্বাৰা কৃষকসকলৰ পৰা গাখীৰ সংগ্ৰহৰ ধাৰাবাহিকতা বজাই ৰাখিছে, লগতে ৰাজ্য চৰকাৰৰ সমৰ্থনত কোভিডৰ সীমাবদ্ধতাৰ সময়তো গ্ৰাহকসকলক দৈনিক দুগ্ধ-আধাৰিত পুষ্টিৰ যোগান নিশ্চিত কৰিছে।

বিশ্ব দুগ্ধ দিৱস উপলক্ষে, WAMULৰ ১৪,০০০ৰো অধিক দুগ্ধ খেতিয়কে গ্ৰাহকসকলক তেওঁলোকৰ পৃষ্ঠপোষকতাৰ বাবে আৰু সকলো অংশীদাৰক তেওঁলোকৰ সমৰ্থনৰ বাবে গভীৰ কৃতজ্ঞতা জ্ঞাপন কৰে।