W7s, News নিউজ ডেস্ক : অসম জাতীয় পৰিষদৰ ক'ভিড সঁহাৰি অভিযানৰ অংশ স্বৰূপে দেওবাৰে ডিব্ৰুগড় জিলাৰ বিয়িয়াটিং চাহ বাগিছা; বৰবৰুৱা আৰু বৰপথাৰ পঞ্চায়ত এলেকাৰ অন্তৰ্গত 'কন্টেইনমেন্ট জোন'সমূহত খাদ্যৰ টোপোলা বিতৰণ কৰে অসম জাতীয় পৰিষদৰ সভাপতি লুৰিণ জ্যোতি গগৈয়ে৷ ডিব্ৰুগড় জিলাৰ জাতীয় সেৱকসকলে আক্ৰান্ত লোকসকলৰ ঘৰে ঘৰে গৈ খাদ্যৰ টোপোলা বিতৰণ কৰাৰ লগতে অন্য প্ৰয়োজনীয় সহযোগিতাও আগবঢ়ায়৷ ৰাজ্যৰ অন্যান্য অংশতো এইকেইদিন জাতীয় সেৱকসকলে এনেদৰে প্ৰয়োজনীয় সেৱা আগবঢ়াই আছে৷ এই কাৰ্যসূচীৰ জৰিয়তে অজাপৰ সভাপতি গৰাকীয়ে কয় 'মানুহৰ প্ৰযোজনত মানুহেই আগবাঢ়ি আহিব লাগিব৷ ভূপেনদাই গোৱা 'মানুহে মানুহৰ বাবে' গীতফাকিৰ সাৰ্থকতা এইখিনিতেই৷
আমাৰ জাতীয় সেৱকসকল আজি মানুহৰ বিপদৰ বন্ধু হৈ পৰিছে৷ আমাৰ বাবে ইয়াতকৈ উৎসাহবৰ্দ্ধক আৰু কি হ'ব পাৰে৷'
No comments:
Post a Comment