‘
W7s news,,গুৱাহাটী, ২৯ ছেপ্টেম্বৰ: ভাৰতৰ জেমছ এণ্ড জুৱেলাৰী উদ্যোগৰ নৱপ্ৰজন্মৰ নেতৃত্ব, দৃষ্টিভংগী আৰু অৱদানক স্বীকৃতি প্ৰদানৰ বাবে আয়োজিত প্ৰতিষ্ঠিত ‘পাৱাৰ অৱ ইয়ং’ অনুষ্ঠানত এল. গোপাল জুৱেলাৰ্ছৰ এক ইউনিট স্বৰ্ণবেদা জুৱেলছৰ প্ৰতীক ছোনীক সন্মানিত কৰা হয়। নতুন দিল্লীৰ ভাৰত মণ্ডপমত দিল্লী জুৱেলাৰী এণ্ড জেম ফেয়াৰৰ সমান্তৰালভাৱে অনুষ্ঠিত এই বিশেষ অনুষ্ঠানটো ইনফৰ্মা মাৰ্কেটছ আৰু আইডিটি জেম’লজিকেল লেবৰেটৰিজ ৱৰ্ল্ডৱাইডৰ সহযোগত আয়োজন কৰা হয়। অনুষ্ঠানত জুৱেলাৰী উদ্যোগৰ নৱপ্ৰজন্মৰ উদ্যোগী আৰু পেছাদাৰীসকলক তেওঁলোকৰ উদ্যোগী দৃষ্টিভংগী, উদ্ভাৱনী চিন্তা আৰু উদ্যোগলৈ আগবঢ়োৱা অৱদানৰ বাবে স্বীকৃতি প্ৰদান কৰা হয়।
প্ৰতীক ছোনীৰ এই সন্মানে তেওঁৰ জুৱেলাৰী উদ্যোগৰ যাত্ৰাত এক গুৰুত্বপূৰ্ণ মাইলৰ খুঁটি সংযোজন কৰাৰ লগতে ভাৰতীয় জুৱেলাৰী উদ্যোগৰ বিকাশত যুৱ নেতৃত্বৰ বৰ্ধিত ভূমিকাকো প্ৰতিফলিত কৰিছে। অনুষ্ঠানটোৱে নৱপ্ৰজন্মৰ উদ্যোগী আৰু পেছাদাৰীসকলক উদ্যোগটোৰ বিশিষ্ট ব্যক্তিসকলৰ সৈতে মত-বিনিময়, জ্ঞান আদান-প্ৰদান আৰু যোগাযোগ স্থাপনৰ এক গুৰুত্বপূৰ্ণ সুযোগ প্ৰদান কৰে।
অনুষ্ঠানটোৰ নেতৃত্ব দিয়ে ইনফৰ্মা মাৰ্কেটছ ইন ইণ্ডিয়াৰ ছিনিয়ৰ গ্ৰুপ ডাইৰেক্টৰ পল্লৱী মেহৰা আৰু আইডিটি জেম’লজিকেল লেবৰেটৰিজ ৱৰ্ল্ডৱাইডৰ ছিনিয়ৰ ডাইৰেক্টৰ, কৰ্প’ৰেট ষ্ট্ৰেটেজী ডাঃ জিতাৰাণী উদগতাই।
এই সন্মান লাভৰ সময়তে এল. গোপাল জুৱেলাৰ্ছৰ এক ইউনিট স্বৰ্ণবেদা জুৱেলছে গুৱাহাটীত নিজৰ উপস্থিতি অধিক শক্তিশালী কৰি শেহতীয়াকৈ জেইল ৰোডত এটা নতুন শ্ব’ৰুম মুকলি কৰিছে। নতুন শ্ব’ৰুমটোৱে স্বৰ্ণবেদা জুৱেলছৰ উৎকৃষ্ট গহনা, সমসাময়িক বিলাসিতা আৰু উন্নতমানৰ গ্ৰাহক অভিজ্ঞতাৰ ওপৰত গুৰুত্ব প্ৰতিফলিত কৰিছে। নতুন শ্ব’ৰুমৰ জৰিয়তে স্বৰ্ণবেদা জুৱেলছে গুৱাহাটীত নিজৰ উপস্থিতি অধিক সুদৃঢ় কৰাৰ লগতে এল. গোপাল জুৱেলাৰ্ছৰ সমৃদ্ধ ঐতিহ্যকো আগুৱাই লৈ গৈছে।
No comments:
Post a Comment