W7s news,,গুৱাহাটী, ৬ জুলাই: উত্তৰ-পূৰ্বাঞ্চলৰ প্ৰিমিয়াম হাৰ্ডৱেৰ আৰু গৃহ-অভ্যন্তৰীণ সমাধানৰ ক্ষেত্ৰত অন্যতম আগশাৰীৰ তথা বিশ্বস্ত প্ৰতিষ্ঠান বিনায়ক ডিষ্ট্ৰিবিউটৰ্ছ-এ ২৬ বছৰৰ সফল যাত্ৰা উদযাপন উপলক্ষে বিশেষ গ্ৰেণ্ড এনিভাৰ্ছাৰী ছেল ঘোষণা কৰিছে। সীমিত সময়ৰ বাবে চলিবলগীয়া এই বিশেষ বিক্ৰী অভিযানত নিৰ্বাচিত সামগ্ৰীত সৰ্বাধিক ৮০ শতাংশ পৰ্যন্ত ৰেহাই আগবঢ়োৱা হৈছে।
গুৱাহাটীৰ উলুবাৰী উৰণসেঁতুৰ সমীপত ড° বি. কে. কাকতি পথত অৱস্থিত প্ৰতিষ্ঠানটোৰ প্ৰায় ১০,০০০ বৰ্গফুট বিস্তৃত অত্যাধুনিক শ্ব'ৰূমত স্থাপত্য হাৰ্ডৱেৰ, মডিউলাৰ কিচেন, কিচেন এপ্লায়েন্স, মডিউলাৰ ৱাৰ্ডৰ’ব, স্লাইডিং পাৰ্টিচন, লেমিনেট, ডেক’ৰেটিভ পেনেল, ডিজিটেল লক, ড'ৰ হাৰ্ডৱেৰ, কেবিনেট এক্সেছৰিজ আৰু অন্যান্য গৃহ-অভ্যন্তৰীণ সমাধানৰ বিস্তৃত সম্ভাৰ উপলব্ধ। একে ছাদৰ তলত উন্নত মানৰ সামগ্ৰী লাভ কৰাৰ সুবিধাৰ বাবে এই শ্ব'ৰূম গৃহস্বামী, স্থপতি, ইণ্টেৰিয়ৰ ডিজাইনাৰ, নিৰ্মাতা আৰু ডেভেলপাৰসকলৰ অন্যতম পছন্দৰ গন্তব্যস্থল হিচাপে পৰিচিত।
২০০০ চনত প্ৰতিষ্ঠালাভৰ পিছৰে পৰা গ্ৰাহকসকলে আগবঢ়োৱা অকুণ্ঠ আস্থা, মৰম আৰু সহযোগিতাৰ স্বীকৃতি স্বৰূপে এই বিশেষ বাৰ্ষিকী উদযাপনৰ আয়োজন কৰা হৈছে। প্ৰতিষ্ঠানটোৱে কয় যে গ্ৰাহকৰ অব্যাহত সমৰ্থনেই তেওঁলোকৰ সফলতাৰ মূল শক্তি।
এই উপলক্ষে বিনায়ক ডিষ্ট্ৰিবিউটৰ্ছৰ স্বত্বাধিকাৰী পৱন চুৰেকাই কয়, “যোৱা ২৫ বছৰত আমাৰ সফলতাৰ মূল ভিত্তি হৈছে গ্ৰাহকৰ সন্তুষ্টি। আমি সদায় বিশ্বাস কৰি আহিছোঁ যে কোনো সামগ্ৰী বিক্ৰী কৰাটোৱেই আমাৰ দায়িত্বৰ অন্ত নহয়, বৰঞ্চ এক দীঘলীয়া সম্পৰ্কৰ আৰম্ভণি। উন্নত মানদণ্ডৰ সামগ্ৰী, সময়মতে সেৱা আৰু নিৰ্ভৰযোগ্য বিক্ৰীৰ-পৰৱৰ্তী সহায় আগবঢ়োৱাৰ জৰিয়তে আমি অসম আৰু সমগ্ৰ উত্তৰ-পূৰ্বাঞ্চলৰ হাজাৰ হাজাৰ গ্ৰাহকৰ আস্থা অৰ্জন কৰিবলৈ সক্ষম হৈছোঁ। এই এনিভাৰ্ছাৰী ছেল আমাৰ গ্ৰাহকসকলৰ অব্যাহত বিশ্বাস, সমৰ্থন আৰু আনুগত্যৰ প্ৰতি কৃতজ্ঞতা জ্ঞাপনৰ এক আন্তৰিক প্ৰয়াস।”
বিশেষ এনিভাৰ্ছাৰী অফাৰৰ অধীনত গ্ৰাহকে কিচেন এপ্লায়েন্স, ডিজিটেল লক, ড'ৰ লক, প্ৰিমিয়াম হাৰ্ডৱেৰ এক্সেছৰিজ আৰু আন বহু নিৰ্বাচিত সামগ্ৰীত সৰ্বাধিক ৮০ শতাংশ পৰ্যন্ত ৰেহাই লাভ কৰিব। সীমিত সময়ৰ বাবে বৈধ এই অফাৰে নতুন ঘৰ নিৰ্মাণ, গৃহ সংস্কাৰ অথবা ইণ্টেৰিয়ৰ সজ্জাৰ পৰিকল্পনা কৰা গ্ৰাহকৰ লগতে আৱাসিক আৰু বাণিজ্যিক প্ৰকল্পৰ সৈতে জড়িত পেছাদাৰীসকলৰ মাজতো বিশেষ সঁহাৰি লাভ কৰিব বুলি আশা প্ৰকাশ কৰা হৈছে।
বিগত দুটা দশকৰো অধিক সময় ধৰি উন্নত মানদণ্ডৰ সামগ্ৰী, নিৰ্ভৰযোগ্য বিক্ৰীৰ-পৰৱৰ্তী সেৱা, দ্ৰুত গ্ৰাহক সহায় আৰু বিশেষজ্ঞ পৰামৰ্শ আগবঢ়াই বিনায়ক ডিষ্ট্ৰিবিউটৰ্ছ-এ হাৰ্ডৱেৰ আৰু গৃহ-অভ্যন্তৰীণ সমাধানৰ ক্ষেত্ৰত এক সুকীয়া পৰিচয় গঢ়ি তুলিবলৈ সক্ষম হৈছে। গুণগত মান আৰু গ্ৰাহককেন্দ্ৰিক দৃষ্টিভংগীৰ বাবেই প্ৰতিষ্ঠানটোৱে আজিও ৰাজ্যখনৰ অন্যতম বিশ্বস্ত নাম হিচাপে নিজৰ স্থান অক্ষুণ্ণ ৰাখিছে।
প্ৰতিষ্ঠানটোৱে সকলো গ্ৰাহকক শ্ব'ৰূম পৰিদৰ্শন কৰি আধুনিক গৃহ-অভ্যন্তৰীণ সমাধানৰ নৱতম প্ৰযুক্তি আৰু সামগ্ৰীৰ সৈতে পৰিচিত হোৱাৰ লগতে এই বিশেষ এনিভাৰ্ছাৰী অফাৰৰ সুবিধা গ্ৰহণ কৰিবলৈ আহ্বান জনাইছে। গুণগত মান, উদ্ভাৱন আৰু গ্ৰাহককেন্দ্ৰিক সেৱাৰ প্ৰতি অটল প্ৰতিশ্ৰুতিৰে বিনায়ক ডিষ্ট্ৰিবিউটৰ্ছ-এ আগন্তুক দিনতো আধুনিক জীৱনশৈলীক অধিক সমৃদ্ধ কৰাৰ লগতে উদ্যোগখনত নতুন মানদণ্ড স্থাপন কৰাৰ লক্ষ্যৰে আগবাঢ়ি যাব বুলি জানিবলৈ দিছে।
No comments:
Post a Comment