W7s news,,গুৱাহাটী, ৫ জুলাই: টয়োটা কিৰ্লোস্কাৰ মটৰ (টিকেএম)-এ আজি গুৱাহাটীত ‘সুচিতা টয়োটা’ নামৰ নতুন ডিলাৰশ্বিপৰ শুভাৰম্ভ ঘোষণা কৰে। এই নতুন ডিলাৰশ্বিপৰ জৰিয়তে কোম্পানীটোৱে অসমত নিজৰ খুচুৰা বিক্ৰী নেটৱৰ্ক অধিক সম্প্ৰসাৰণ কৰাৰ লগতে গ্ৰাহকৰ সহজ প্ৰৱেশাধিকাৰ নিশ্চিত কৰা, আস্থা অধিক সুদৃঢ় কৰা আৰু উত্তৰ-পূৰ্বাঞ্চলৰ ক্ৰমবৰ্ধমান যাতায়াতৰ প্ৰয়োজনীয়তা পূৰণৰ দিশত এক গুৰুত্বপূৰ্ণ পদক্ষেপ গ্ৰহণ কৰিছে।
নতুন ডিলাৰশ্বিপটোৰ শুভ উদ্বোধন কৰে টয়োটা কিৰ্লোস্কাৰ মটৰৰ পূবাঞ্চলৰ বিক্ৰী, সেৱা আৰু ব্যৱহৃত গাড়ী বিভাগৰ উপ-সভাপতি শচীন শৰ্মা আৰু ‘সুচিতা টয়োটা’ৰ ডিলাৰ প্ৰিন্সিপাল ৰঘুপতি ভূৱালকাই।
গুৱাহাটীৰ মালিগাঁৱত অৱস্থিত প্ৰায় ১৯,০০০ বৰ্গফুট এলেকাজুৰি বিস্তৃত এই অত্যাধুনিক প্ৰতিষ্ঠানটোৱে ৩এছ (বিক্ৰী, সেৱা আৰু খুচুৰা যন্ত্ৰাংশ)-ৰ সম্পূৰ্ণ সুবিধা আগবঢ়াব। দক্ষ আৰু বিশেষভাৱে প্ৰশিক্ষিত কৰ্মচাৰীৰে সজ্জিত এই ডিলাৰশ্বিপটোৱে টয়োটাৰ বিশ্বমানৰ সেৱা অনুসৰি গ্ৰাহকসকলক উৎকৃষ্ট অভিজ্ঞতা প্ৰদান কৰিব। ইয়াৰ উপৰি, টয়োটা ইউ-ট্ৰাষ্ট সুবিধাৰ জৰিয়তে ব্যৱহৃত গাড়ী ক্ৰয়, বিক্ৰী আৰু বিনিময়ৰ নিৰ্ভৰযোগ্য ব্যৱস্থাও উপলব্ধ কৰা হৈছে, যাৰ ফলত গ্ৰাহকৰ সুবিধা আৰু সন্তুষ্টি অধিক বৃদ্ধি পাব।
অনুষ্ঠানত ভাষণ প্ৰদান কৰি টয়োটা কিৰ্লোস্কাৰ মটৰৰ পূবাঞ্চলৰ বিক্ৰী, সেৱা আৰু ব্যৱহৃত গাড়ী বিভাগৰ উপ-সভাপতি শচীন শৰ্মাই কয়, “টয়োটা পৰিয়াললৈ ‘সুচিতা টয়োটা’ক আদৰণি জনাবলৈ পাই আমি আনন্দিত। গুৱাহাটীত এই নতুন ডিলাৰশ্বিপৰ শুভাৰম্ভ উত্তৰ-পূৰ্বাঞ্চলত আমাৰ উপস্থিতি অধিক শক্তিশালী কৰাৰ ক্ষেত্ৰত এক উল্লেখযোগ্য পদক্ষেপ। এই অঞ্চলত বিকাশৰ বিপুল সম্ভাৱনা আছে। আমাৰ লক্ষ্য হৈছে এক শক্তিশালী আৰু ভৱিষ্যতমুখী নেটৱৰ্ক গঢ়ি তুলি গ্ৰাহকসকলক টয়োটাৰ বিশ্বস্ত, একে মানদণ্ডৰ আৰু উৎকৃষ্ট মালিকানাৰ অভিজ্ঞতা প্ৰদান কৰা।”
‘সুচিতা টয়োটা’ৰ ডিলাৰ প্ৰিন্সিপাল ৰঘুপতি ভূৱালকাই কয়, “টয়োটা কিৰ্লোস্কাৰ মটৰৰ সৈতে এই অংশীদাৰিত্ব আমাৰ বাবে এক গুৰুত্বপূৰ্ণ মাইলৰ খুঁটি। টয়োটাৰ বিশ্বমানৰ গুণগত মান, নিৰ্ভৰযোগ্যতা আৰু স্বচ্ছতাৰ নীতি অনুসৰি গঢ়ি তোলা এই প্ৰতিষ্ঠানটোৰ লক্ষ্য হৈছে গ্ৰাহকৰ আস্থা বৃদ্ধি, অধিক সুবিধা নিশ্চিত কৰা আৰু দীৰ্ঘম্যাদী সম্পৰ্ক গঢ়ি তোলা। গুৱাহাটীৰ গ্ৰাহকসকললৈ উন্নত আৰু সন্তোষজনক মালিকানাৰ অভিজ্ঞতা আগবঢ়াবলৈ আমি প্ৰতিশ্ৰুতিবদ্ধ।”
এই নতুন ডিলাৰশ্বিপত টয়োটাৰ সমগ্ৰ গাড়ীৰ সম্ভাৰ উপলব্ধ থাকিব। ইয়াৰ ভিতৰত আছে আৰ্বান ক্ৰুজাৰ ইবেলা (Urban Cruiser Ebella), অল-নিউ কেম্ৰী, আৰ্বান ক্ৰুজাৰ টাইচৰ, নিউ ইনোভা ক্ৰিষ্টা, ইনোভা হাইক্ৰছ, ফৰ্চুনাৰ লেজেণ্ডাৰ, হাইলাক্স, গ্লানজা, আৰ্বান ক্ৰুজাৰ হাইৰাইডাৰ, ৰুমিয়ন, লগতে প্ৰিমিয়াম মডেল এলচি ৩০০ আৰু ভেলফায়াৰ।
এই নতুন ডিলাৰশ্বিপৰ শুভাৰম্ভৰ লগে লগে অসমত টয়োটা কিৰ্লোস্কাৰ মটৰৰ গ্ৰাহক সংযোগ কেন্দ্ৰৰ সংখ্যা ৩৪টালৈ বৃদ্ধি পালে। গ্ৰাহকমুখী নেটৱৰ্ক অধিক সম্প্ৰসাৰণ, নিৰ্ভৰযোগ্য সামগ্ৰী, স্বচ্ছ প্ৰক্ৰিয়া আৰু উৎকৃষ্ট সেৱাৰ জৰিয়তে গ্ৰাহকক এক নিৰৱচ্ছিন্ন আৰু সন্তোষজনক মালিকানাৰ অভিজ্ঞতা প্ৰদান কৰাৰ ক্ষেত্ৰত কোম্পানীটোৱে পুনৰ নিজৰ প্ৰতিশ্ৰুতি ব্যক্ত কৰিছে।
No comments:
Post a Comment