উজনি অসমত বাণিজ্যিক বাহনৰ বিক্ৰী, সেৱা আৰু খুচৰা যন্ত্ৰাংশৰ সুবিধা অধিক শক্তিশালী
W7s news,,ডিব্ৰুগড়, ১৫ জুলাই: হিন্দুজা গ্ৰুপৰ মুখ্য প্ৰতিষ্ঠান তথা ভাৰতৰ অন্যতম আগশাৰীৰ বাণিজ্যিক বাহন নিৰ্মাতা অশোক লেলেণ্ড-এ উত্তৰ-পূৰ্বাঞ্চলৰ অগ্ৰণী মেছাৰ্স বিমল অটো কমাৰ্চিয়েল প্ৰাইভেট লিমিটেড-ৰ সহযোগত ডিব্ৰুগড়ত এক অত্যাধুনিক ৩এছ (বিক্ৰী, সেৱা আৰু খুচৰা যন্ত্ৰাংশ) কেন্দ্ৰ উদ্বোধন কৰি উজনি অসমত নিজৰ নেটৱৰ্ক আৰু গ্ৰাহক সেৱা অধিক শক্তিশালী কৰিলে।
প্ৰায় ৪০ হাজাৰ বৰ্গফুট এলেকাজুৰি বিস্তৃত এই অত্যাধুনিক কেন্দ্ৰটোত ১০টা আধুনিক সেৱা কক্ষ স্থাপন কৰা হৈছে। একেটা স্থানতে নতুন বাহন বিক্ৰী, বিক্ৰীৰ পিছৰ সেৱা আৰু কোম্পানীৰ প্ৰামাণিক খুচৰা যন্ত্ৰাংশৰ সুবিধা উপলব্ধ কৰা হৈছে।
কৌশলগতভাৱে ডিব্ৰুগড়ত স্থাপন কৰা কেন্দ্ৰটোৱে ডিব্ৰুগড় লগতে তিনিচুকীয়া, শিৱসাগৰ, যোৰহাট, ধেমাজি আৰু লখিমপুৰ জিলাৰ গ্ৰাহকসকলক সেৱা আগবঢ়াব। ইয়াৰ ফলত উজনি অসমৰ গ্ৰাহকসকলে অশোক লেলেণ্ডৰ বাহন আৰু বিক্ৰীৰ পিছৰ সেৱাসমূহ অধিক সহজ, দ্ৰুত আৰু সুবিধাজনকভাৱে লাভ কৰিব পাৰিব।
কেন্দ্ৰটোৰ অত্যাধুনিক কৰ্মশালাত চকাৰ সমতা পৰীক্ষণ ব্যৱস্থা, বায়ুচালিত আধুনিক সঁজুলি, দুৰ্ঘটনাগ্ৰস্ত বাহন মেৰামতিৰ সুবিধা আৰু ভ্ৰাম্যমাণ সেৱা ব্যৱস্থা উপলব্ধ কৰা হৈছে। ইয়াৰ ফলত বাহনৰ মেৰামতিৰ সময় যথেষ্ট হ্ৰাস পোৱাৰ লগতে বাহন অধিক সময় চলাচলক্ষম হৈ থাকিব।
উদ্বোধনী অনুষ্ঠানত ভাষণ প্ৰদান কৰি অশোক লেলেণ্ডৰ ৰাষ্ট্ৰীয় বিক্ৰী বিভাগৰ মুৰব্বী মাধৱী দেশমুখ-এ কয়, “উত্তৰ-পূৰ্বাঞ্চল অশোক লেলেণ্ডৰ বাবে এক অত্যন্ত গুৰুত্বপূৰ্ণ বজাৰ। এই অঞ্চলত আমাৰ গ্ৰাহকসকলক বিশ্বমানৰ বিক্ৰী আৰু বিক্ৰীৰ পিছৰ সেৱা অধিক সহজলভ্য কৰি তোলাৰ ক্ষেত্ৰত আমি সদায় প্ৰতিশ্ৰুতিবদ্ধ। ডিব্ৰুগড়ত এই নতুন ৩এছ কেন্দ্ৰ উদ্বোধন সেই লক্ষ্য পূৰণৰ দিশত এক উল্লেখযোগ্য পদক্ষেপ। এম/এছ বিমল অটো কমাৰ্চিয়েল প্ৰাইভেট লিমিটেডৰ সৈতে এই অংশীদাৰিত্ব আৰম্ভ কৰিবলৈ পাই আমি অত্যন্ত আনন্দিত।”
উদ্বোধনী অনুষ্ঠানত বক্তব্য ৰাখি এম/এছ বিমল অটো কমাৰ্চিয়েল প্ৰাইভেট লিমিটেড-ৰ পৰিচালন সঞ্চালক ৰোহিত ছাৰাৱগী-এ কয়, “ডিব্ৰুগড়ত অশোক লেলেণ্ডৰ এই নতুন ৩এছ কেন্দ্ৰ উদ্বোধন কৰিবলৈ পাই আমি অত্যন্ত আনন্দিত। আধুনিক আন্তঃগাঁথনি আৰু দক্ষ কৰ্মীবাহিনীৰে সজ্জিত এই প্ৰতিষ্ঠানটোৰ জৰিয়তে গ্ৰাহকসকলক উৎকৃষ্ট বিক্ৰী, সেৱা আৰু বিক্ৰীৰ পিছৰ সহায় আগবঢ়োৱাৰ লক্ষ্য লৈছোঁ। আমি দৃঢ়ভাৱে বিশ্বাস কৰোঁ যে এই কেন্দ্ৰই উজনি অসমত বাণিজ্যিক বাহনৰ সেৱা ব্যৱস্থা অধিক শক্তিশালী কৰাৰ লগতে অঞ্চলটোৰ দ্ৰুত বিকাশশীল পৰিবহণ খণ্ডৰ প্ৰয়োজনীয়তা পূৰণত এক গুৰুত্বপূৰ্ণ ভূমিকা পালন কৰিব।”
উল্লেখযোগ্য যে, অশোক লেলেণ্ডে দেশজুৰি নিজৰ বাণিজ্যিক বাহন বিক্ৰী আৰু সেৱা নেটৱৰ্ক ক্ৰমাগতভাৱে সম্প্ৰসাৰণ কৰি আহিছে। কোম্পানীটোৱে ইক'মেট শৃংখলাৰ মধ্যম ক্ষমতাসম্পন্ন বাণিজ্যিক বাহন, দূৰপাল্লাৰ মালবাহী ট্ৰাক, ট্ৰেক্টৰ-ট্ৰেইলাৰ, বিভিন্ন ক্ষমতাৰ ডাম্পাৰ, বিদ্যালয় বাছ, কৰ্মচাৰী পৰিবহণ বাছ আৰু নিয়মীয়া যাত্ৰীবাহী বাছকে ধৰি বিস্তৃত পৰিসৰৰ বাণিজ্যিক বাহন আগবঢ়োৱাৰ লগতে দক্ষ প্ৰশিক্ষিত কৰ্মীবাহিনী আৰু অত্যাধুনিক সেৱা আন্তঃগাঁথনিৰ জৰিয়তে গ্ৰাহকসকলক নিৰ্ভৰযোগ্য আৰু উচ্চমানৰ বিক্ৰীৰ পিছৰ সেৱা প্ৰদান কৰি আহিছে।
No comments:
Post a Comment