শিশুসকল ডাঙৰ হোৱাৰ লগে লগে তেওলোকৰ বাবে প্ৰয়োজনীয় সুৰক্ষা প্ৰদান কৰিব পৰাকৈ এই নতুন বয়স-ভিত্তিক একাউণ্টসমূহ ডিজাইন কৰা হৈছে, যিয়ে অভিভাৱকসকলক অধিক নিৰীক্ষণ ক্ষমতা আৰু নিয়ন্ত্ৰণৰ সুবিধা দিব।
W7s news,,নতুন দিল্লী, 18 জুন: Roblox ক’ৰ্প’ৰেচন (NYSE: RBLX)এ 16 বছৰৰ কম বয়সৰ ব্যৱহাৰকাৰীসকলৰ বাবে Roblox Kids আৰু Roblox Select একাউণ্টসমূহ সমগ্ৰ বিশ্বতে মুকলি কৰাৰ কথা ঘোষণা কৰিছে, যিবোৰ শিশুৰ বয়স বৃদ্ধিৰ লগে লগে সুৰক্ষা প্ৰদান কৰিব পৰাকৈ ডিজাইন কৰা হৈছে।
যোৱা মাহত অষ্ট্ৰেলিয়া, ইণ্ডোনেচিয়া, নেদাৰলেণ্ডচ আৰু নিউজিলেণ্ডত সীমিত পৰিসৰত কৰা পৰীক্ষামূলক মুকলিৰ পিছত, এতিয়া সমগ্ৰ বিশ্বতে Roblox Kids আৰু Roblox Select একাউণ্টসমূহ মুকলি কৰা হৈছে। এই একাউণ্টসমূহ ব্যৱহাৰকাৰীৰ বয়সৰ লগত সংগতি ৰাখি গেম খেলাৰ অধিকাৰ, চাট সুবিধা আৰু পেৰেণ্টেল কণ্ট্ৰ’ল নিয়ন্ত্ৰণ কৰিব পৰাকৈ ডিজাইন কৰা হৈছে, যাৰ জৰিয়তে অভিভাৱকসকলে সন্তানৰ Robloxৰ অভিজ্ঞতাৰ ওপৰত অধিক সুন্দৰকৈ চকু ৰাখিব পাৰিব আৰু নমনীয়তা লাভ কৰিব।
Robloxৰ বয়স পৰীক্ষা প্ৰণালীৰ আধাৰত ব্যৱহাৰকাৰীসকলক স্বয়ংক্ৰিয়ভাৱে তেওঁলোকৰ বাবে উপযুক্ত একাউণ্টৰ শ্ৰেণীত অন্তৰ্ভুক্ত কৰা হ’ব। এই নতুন ব্যৱস্থাই বয়স পৰীক্ষা, বয়স-ভিত্তিক একাউণ্ট ছেটিং, সমল ৰেটিং, নিয়মিত তদাৰকী আৰু বৰ্ধিত পেৰেণ্টেল কণ্ট্ৰ’লক এটা বিশেষ ফ্ৰেমৱৰ্কৰ অধীনলৈ আনিছে, যিয়ে শিশুসকলক ডাঙৰ হোৱাৰ পথত সুৰক্ষা প্ৰদান কৰিব। আৰম্ভণিতে, বয়স নিৰ্ধাৰণ কৰা 16 বছৰৰ কম বয়সৰ ব্যৱহাৰকাৰীসকলে তেওঁলোকৰ প্ৰিয় গেমসমূহ খেলাৰ সুবিধা পাই থাকিব, আনহাতে 16 বছৰ বা তাতকৈ অধিক বয়সৰ ব্যৱহাৰকাৰীসকলৰ বাবে এই অভিজ্ঞতা পূৰ্বৰ দৰেই অপৰিৱৰ্তিত থাকিব।
“শিশুসকল ডাঙৰ-দীঘল হোৱাৰ লগে লগে তেওঁলোকৰ প্ৰয়োজনসমূহো যথেষ্ট সলনি হয়, আৰু অনলাইন অভিজ্ঞতাসমূহও ইয়াৰ লগত খাপ খাই পৰিব লাগে,” Robloxৰ চীফ চেফটি অফিচাৰ মেট কাফমেনে কয়, “Roblox Kids আৰু Roblox Selectৰ জৰিয়তে আমি বিভিন্ন পৰ্যায়ত থকা কম বয়সীয়া ব্যৱহাৰকাৰীসকলক সহায় কৰিব পৰাকৈ বয়স-ভিত্তিক সুৰক্ষা ব্যৱস্থা প্ৰস্তুত কৰিছোঁ, আৰু লগতে অভিভাৱকসকলকো তেওঁলোকৰ পৰিয়ালৰ পছন্দ অনুসৰি এই অভিজ্ঞতাসমূহ সঁজুলিৰ জৰিয়তে সজাই লোৱাৰ সুবিধা দিছোঁ।”
Roblox Kids আৰু Roblox Select একাউণ্টসমূহ
● Roblox Kids একাউণ্টত (Ages 5–8)* প্লেটফৰ্মৰ আটাইতকৈ শক্তিশালী ডিফ’ল্ট সুৰক্ষা লাভ কৰিব পাৰি। ব্যৱহাৰকাৰীসকলে Robloxৰ নিৰন্তৰ বাছনি প্ৰক্ৰিয়াত উত্তীৰ্ণ হোৱা ন্যূনতম বা মৃদু সমল পৰিপক্কতাৰ লেবেল সম্বলিত গেমসমূহৰ তালিকাখন চাব পাৰিব। ইয়াত ডিফ’ল্টভাৱে চাট সুবিধা বন্ধ থাকে।
● Roblox Select একাউণ্টে (Ages 9–15) Moderate ৰেটিং থকা আৰু Robloxৰ ধাৰাবাহিক বাছনি প্ৰক্ৰিয়াত উত্তীৰ্ণ হোৱা গেমসমূহ খেলাৰ সুবিধা দিয়ে। চাট ছেটিং ব্যৱহাৰকাৰীৰ বয়স আৰু অঞ্চলভেদে বেলেগ বেলেগ হ’ব পাৰে, আৰু 16 বছৰৰ কম বয়সৰ ব্যৱহাৰকাৰীৰ বাবে অতিৰিক্ত সুৰক্ষা ব্যৱস্থা বাহাল থাকিব।
দুয়োবিধ একাউণ্টৰ ক্ষেত্ৰতে, কম বয়সীয়া ব্যৱহাৰকাৰীসকলৰ বাবে উপলব্ধ কৰা গেমসমূহত Robloxএ অতিৰিক্ত মূল্যায়ন প্ৰয়োগ কৰে, যাৰ ভিতৰত ডেভেলপাৰ সত্যাপন, বাস্তৱ সময়ৰ মূল্যায়ন আৰু উন্নত সমল সমীক্ষা অন্যতম। ডিফ’ল্টভাৱে, সংবেদনশীল বিষয়, সামাজিকভাৱে আড্ডা মৰা আৰু যিকোনো ছবি অঁকা আদি বৈশিষ্ট্য থকা গেমসমূহ Roblox Kids আৰু Roblox Selectৰ তালিকাৰ পৰা আঁতৰাই ৰখা হয়।
Robloxৰ বয়স-ভিত্তিক একাউণ্ট প্ৰণালীয়ে ব্যৱহাৰকাৰীসকলৰ বয়স বৃদ্ধিৰ লগে লগে স্বয়ংক্ৰিয়ভাৱে নতুন একাউণ্টৰ অভিজ্ঞতালৈ লৈ যায়: 9 বছৰ বয়সত ব্যৱহাৰকাৰীসকলে Roblox Kidsৰ পৰা Roblox Selectলৈ আৰু 16 বছৰ বয়স হ’লে Roblox Selectৰ পৰা সাধাৰণ Roblox একাউণ্টলৈ স্থানান্তৰিত হয়।
পেৰেণ্টেল কণ্ট্ৰ’লৰ পৰিসৰ বৃদ্ধি
Robloxএ পেৰেণ্টেল কণ্ট্ৰ’লৰ পৰিসৰো বৃদ্ধি কৰিছে। যিসকল অভিভাৱকে নিজৰ একাউণ্ট সন্তানৰ একাউণ্টৰ লগত সংযোগ কৰিছে, তেওঁলোকে ইতিমধ্যে পেৰেণ্টেল কণ্ট্ৰ’লৰ সুবিধা লাভ কৰিছে। ইয়াৰ জৰিয়তে তেওঁলোকে সন্তানৰ গেম খেলাৰ কাৰ্যকলাপ আৰু বন্ধুৰ তালিকা নিৰীক্ষণ কৰাৰ উপৰি সমল ৰেটিং, যোগাযোগ ছেটিং, স্ক্ৰীণৰ সময়সীমা আৰু খৰচৰ সীমা নিৰ্ধাৰণ কৰিব পাৰে।
এই নতুন ব্যৱস্থাৰ সৈতে Robloxএ সন্তানৰ বয়স 16 বছৰ নোহোৱালৈকে কিছুমান নিৰ্দিষ্ট নিয়ন্ত্ৰণ বৃদ্ধি কৰিছে, যাৰ ভিতৰত আছে সবিশেষ গেম ব্লক কৰা আৰু পোনপটীয়া চাট পৰিচালনা কৰা। ইয়াৰ উপৰি ইয়াত এটা নতুন গেম অনুমোদনৰ সুবিধা প্ৰৱৰ্তন কৰা হৈছে, যাৰ জৰিয়তে অভিভাৱকে সন্তানৰ ডিফ’ল্ট একাউণ্ট ছেটিংৰ বাহিৰেও আন নিৰ্দিষ্ট গেম খেলাৰ অনুমতি দিব পাৰিব।
SRDAV পাব্লিক স্কুলৰ IT হে’ড আৰু Robloxৰ গ্ল’বেল পেৰেণ্ট কাউঞ্চিলৰ সদস্য বিনীতা গাৰ্গে কয়, “এগৰাকী শিক্ষাবিদ আৰু অভিভাৱকৰ সমৰ্থক হিচাপে মই Robloxৰ বয়স-ভিত্তিক একাউণ্ট ব্যৱস্থাক আদৰণি জনাইছোঁ, যিয়ে স্বীকাৰ কৰে যে শিশুসকল ডাঙৰ হোৱাৰ লগে লগে তেওঁলোকৰ অনলাইন প্ৰয়োজনীয়তাসমূহো সলনি হয়। Roblox Kids আৰু Roblox Selectৰ শুভাৰম্ভই অভিভাৱকসকলক অধিক নিৰীক্ষণ ক্ষমতা আৰু নিয়ন্ত্ৰণৰ সুবিধা দিয়াৰ লগতে সুৰক্ষিত তথা বয়সোপযোগী ডিজিটেল অভিজ্ঞতা সৃষ্টিৰ ক্ষেত্ৰত এক গুৰুত্বপূৰ্ণ পদক্ষেপ। বিশেষকৈ বয়স-ভিত্তিক সুৰক্ষা, বৰ্ধিত পেৰেণ্টেল কণ্ট্ৰ’ল আৰু যোগাযোগ তথা সমলৰ ব্যৱহাৰৰ ক্ষেত্ৰত লোৱা সুৰক্ষামূলক ব্যৱস্থাই মোক উৎসাহিত কৰিছে। ভাৰতৰ দৰে এখন দেশত য’ত কম বয়সৰ পৰাই অধিক সংখ্যক শিশু ইন্টাৰনেটৰ সৈতে জড়িত হৈ পৰিছে, তাত পৰিয়ালসমূহক ব্যৱহাৰিক সঁজুলি আৰু স্পষ্টতাৰে শক্তিশালী কৰাটো অত্যন্ত প্ৰয়োজনীয়। এই পৰিৱৰ্তনসমূহে অভিভাৱকসকলক তেওঁলোকৰ সন্তানৰ বাবে এক সুৰক্ষিত আৰু ইতিবাচক ডিজিটেল অভিজ্ঞতা সুনিশ্চিত কৰাত সহায় কৰিব।”
বয়সোপযোগী অভিজ্ঞতা
কম বয়সীয়া ব্যৱহাৰকাৰীসকলৰ বাবে বয়সোপযোগী অভিজ্ঞতা সৃষ্টিৰ বাবে Robloxএ চলাই থকা ব্যাপক প্ৰচেষ্টাৰ অংশ হিচাপে এই নতুন পদক্ষেপ গ্ৰহণ কৰা হৈছে। ইয়াৰ ভিতৰত চাট সুবিধা ব্যৱহাৰ কৰিবলৈ মুখমণ্ডলৰ দ্বাৰা বয়স পৰীক্ষা প্ৰক্ৰিয়া বাধ্যতামূলক কৰা প্ৰথমটো অগ্ৰণী অনলাইন গেমিং প্লেটফৰ্ম হোৱাটো অন্যতম। এই প্ৰক্ৰিয়া সম্পূৰ্ণ হোৱাৰ পিছত, যিসকল ব্যৱহাৰকাৰীয়ে বয়স পৰীক্ষা প্ৰক্ৰিয়া সম্পূৰ্ণ কৰা নাই, তেওঁলোকে বয়স যিয়েই নহওক কিয়, সাধাৰণ Roblox একাউণ্ট বা Roblox চাট সুবিধা ব্যৱহাৰ কৰিব নোৱাৰিব।
ইয়াৰ উপৰি চাট সুবিধাত লিংক, ছবি আৰু ভিডিঅ’ শ্বেয়াৰ কৰাটো প্ৰতিৰোধ কৰিবলৈ Robloxএ সুৰক্ষামূলক ব্যৱস্থা গ্ৰহণ কৰি আহিছে। যদিও চাট সুবিধাত ছ’চিয়েল মিডিয়া লিংক শ্বেয়াৰ কৰাৰ অনুমতি কেতিয়াও দিয়া হোৱা নাই, তথাপিও এই মাহৰ শেষৰ পিনে Robloxএ 16 বছৰৰ কম বয়সৰ ব্যৱহাৰকাৰীসকলক ব্যৱহাৰকাৰী প্ৰ’ফাইল, গেমৰ সবিশেষ পেজ, সমূদায়ৰ পৃষ্ঠা বা Creator Hubত সেইবোৰ শ্বেয়াৰ কৰা বা চোৱাৰ অনুমতি নিদিয়ে।
এই বছৰৰ শেষৰ ফালে, Robloxএ ডিজিটেল গেম আৰু অ্যাপসমূহৰ সমল ৰেটিং নিৰ্ধাৰণৰ বিশ্বব্যাপী স্বীকৃতিপ্ৰাপ্ত মানক পদ্ধতি ইণ্টাৰনেচনেল এজ ৰেটিং ক’লিচন (IARC) ফ্ৰেমৱৰ্কলৈ পৰিৱৰ্তন কৰিব।
সামগ্ৰিকভাৱে, এই আপডেটসসমূহ হৈছে Robloxৰ নিৰন্তৰ প্ৰচেষ্টাৰ অংশ, যাৰ লক্ষ্য হৈছে ব্যৱহাৰকাৰীসকল ডাঙৰ হোৱাৰ লগে লগে তেওঁলোকৰ বাবে বয়স-ভিত্তিক সুৰক্ষা প্ৰদান কৰা, অভিভাৱকসকলক অধিক স্পষ্টতা আৰু নিয়ন্ত্ৰণ প্ৰদান কৰা তথা সুৰক্ষিত আৰু ইতিবাচক অনলাইন অভিজ্ঞতা সৃষ্টিত সহায় কৰা।
No comments:
Post a Comment