গুৱাহাটীৰ কোম্পানী বৈঠকত শক্তি গ্ৰুপৰ উন্নত আৰু শক্তিশালী পাম্পিং সঁজুলিৰ প্ৰদৰ্শন

 

W7s news,,গুৱাহাটী, ২৫ জুন, ভাৰতৰ শক্তি সম্পন্ন পাম্প  আৰু সৌৰ পাম্পিং সমাধানৰ অন্যতম আগশাৰীৰ নিৰ্মাতা শক্তি পাম্পছ (ইণ্ডিয়া) লিমিটেডে গুৱাহাটী মহানগৰীত অলপতে ইয়াৰ অথৰাইজড চেনেল পাৰ্টনাৰ তিৰুপতি পাম্প হাউছৰ সহযোগত প্ৰডাক্ট লঞ্চিং মিট ২০২৬ সফলতাৰে আয়োজন কৰে। এই অনুষ্ঠানত সমগ্ৰ উত্তৰ-পূব ভাৰতৰ ডিলাৰ, চেনেল অংশীদাৰ, উদ্যোগটোৰ পেছাদাৰী আৰু মূল অংশীদাৰসকলক একত্ৰিত কৰা হৈছিল, যিয়ে  অঞ্চলটোত কোম্পানীটোৰ  উপস্থিতি সম্প্ৰসাৰণৰ প্ৰতিশ্ৰুতিক শক্তিশালী কৰে। অনুষ্ঠানত মুখ্য অতিথি হিচাপে উপস্থিত থাকে অসম ক্ষুদ্ৰ উদ্যোগ উন্নয়ন নিগমৰ অধ্যক্ষ কিশোৰ উপাধ্যায়। ভাষণ প্ৰসংগত তেওঁ ঔদ্যোগিক বিকাশ, উদ্ভাৱন, আত্মনিৰ্ভৰশীলতা আৰু বহনক্ষম উন্নয়নৰ ওপৰত মন্তব্য প্ৰদান কৰি অঞ্চলটোৰ অৰ্থনৈতিক অগ্ৰগতিক সমৰ্থন কৰাত প্ৰযুক্তি-চালিত সমাধানৰ  ওপৰত গুৰুত্ব আৰোপ কৰে।

এই কাৰ্যসূচীত অসম চৰকাৰৰ জলসিঞ্চন বিভাগৰ সচিব গোপাল চেত্ৰী, অসম চৰকাৰৰ  জনস্বাস্থ্য  কাৰিকৰী বিভাগৰ অতিৰিক্ত মুখ্য অভিযন্তা ঘনশ্যাম কলিতা, এ জি এছৰ সভাপতি কৃষ্ণ ভুজেল, অসম চৰকাৰৰ জলসিঞ্চন বিভাগৰ বকো চায়গাঁও চামৰীয়া সংমণ্ডলৰ কাৰ্যবাহী অভিযন্তা আকিকুল আমন, অসম চৰকাৰৰ জনস্বাস্থ্য কাৰিকৰী বিভাগৰ সহকাৰী অভিযন্তা অবিনাশ তালুকদাৰ আৰু পঞ্জাৱ নেচনেল বেংকৰ জ্যেষ্ঠ প্ৰবন্ধক মিনহাজ আহমেদ উপস্থিত থাকে। অনুষ্ঠানত  শক্তি পাম্পছে বহনক্ষম কৃষি আৰু পানী ব্যৱস্থাপনা কাৰ্য্যত দক্ষতাৰে সহায় কৰিবলৈ আৰ্হি প্ৰস্তুত কৰা সৌৰ পাম্পিং সমাধানকে ধৰি নিজৰ শেহতীয়া উদ্ভাৱন আৰু উন্নত শক্তিশালি আৰু উন্নত মানৰ  পাম্পিং প্ৰযুক্তিসমূহ প্ৰদৰ্শন কৰা হয়। কোম্পানীটোৱে সমগ্ৰ অঞ্চলটোৰ কৃষক আৰু গ্ৰাহকৰ বিকশিত প্ৰয়োজনীয়তাসমূহ পূৰণ কৰাৰ লক্ষ্যৰে ষ্টেইনলেছ ষ্টীল পাম্প আৰু বুদ্ধিমান পানী ব্যৱস্থাপনা ব্যৱস্থাৰ বিস্তৃত পৰিসৰৰ ওপৰতো আলোকপাত কৰে। সভাত শক্তি পাম্পছ (ইণ্ডিয়া) লিমিটেডৰ পৰিচালন সঞ্চালক ৰমেশ পাটিদাৰে নিজ মন্তব্যত  কয়, " দেশৰ উত্তৰ পূৰ্বাঞ্চলে বহনক্ষম পানী আৰু শক্তি সমাধানৰ বাবে এক গুৰুত্বপূৰ্ণ বজাৰ হিচাপে আত্মপ্ৰকাশ কৰিছে। শক্তি পাম্পত আমি উদ্ভাৱনীমূলক প্ৰযুক্তি, শক্তিশালী চেনেল অংশীদাৰিত্ব আৰু গ্ৰাহককেন্দ্ৰিক সমাধানৰ জৰিয়তে অঞ্চলটোৰ উন্নয়নত সহায় কৰিবলৈ প্ৰতিশ্ৰুতিবদ্ধ। আমাৰ গুৰুত্ব কৃষি উৎপাদনশীলতা বৃদ্ধি কৰা আৰু দীৰ্ঘম্যাদী বহনক্ষম বৃদ্ধিত অৰিহণা যোগোৱা সামগ্ৰী প্ৰদান কৰা। " অন্যহাতে শক্তি গ্ৰুপৰ সঞ্চালক আৰু মুখ্য বিপণন বিষয়া অংকিত পাটিদাৰে নিজ মন্তব্যত কয় যে , "উত্তৰ পূৰ্বাঞ্চলে বৃদ্ধি, বিকাশ আৰু উদ্ভাৱনৰ বাবে প্ৰচণ্ড সুযোগ প্ৰদান কৰে। পণ্য সামগ্ৰীৰ নিৰন্তৰ  বিকাশ আৰু শক্তিশালী অংশীদাৰ পৰিৱেশ তন্ত্ৰৰ জৰিয়তে আমি সমগ্ৰ অঞ্চলটোৰ কৃষক, ব্যৱসায়ী আৰু সমগ্ৰ কৃষি তন্ত্ৰটোৰ বিৱৰ্তনশীল প্ৰয়োজনীয়তাসমূহ পূৰণ কৰাৰ বাবে নিৰ্ভৰযোগ্য আৰু শক্তিশালী দক্ষতা সম্পন্ন সমাধান প্ৰদান কৰাৰ লক্ষ্য ৰাখিছো।" চাৰি দশকৰো অধিক অভিযান্ত্ৰিক অভিজ্ঞতা, ১২৫খনতকৈও অধিক দেশত উপস্থিতি আৰু সমগ্ৰ ভাৰতত ২.৫ লাখৰো অধিক সৌৰ পাম্প স্থাপনৰ অভিজ্ঞতা সম্পন্ন শক্তি পাম্পছে ভাৰতৰ সেউজ আৰু স্বাৱলম্বী ভৱিষ্যতৰ সপোন বাস্তৱ কৰাত অভূতপূৰ্ব অৰিহণা যোগোৱাৰ লগতে বহনক্ষম পানী আৰু শক্তি ব্যৱস্থাপনা সমাধানৰ এক বিশ্বাসযোগ্য ব্ৰেণ্ড হিচাপে নিজৰ স্থান শক্তিশালী কৰি আহিছে।