W7s news,,গুৱাহাটী, ২৫ ডিচেম্বৰ – গুৱাহাটী ৰিয়েল্টৰ এছ’চিয়েশ্যনে (জি আৰ এ) উদ্যোগটোত গুৱাহাটীৰ প্রথম প্ৰিমিয়াৰ ৰিয়েল্টৰ ছামিট "গ্ৰটিটুডে ২০২৫" ৰ সফলতাৰে আয়োজন কৰে। উত্তৰ-পূব ভাৰতৰ ৰিয়েল এষ্টেট খণ্ডক শক্তিশালী কৰাৰ ওপৰত গুৰুত্ব আৰোপ কৰা এই অনুষ্ঠানত অঞ্চলটোৰ ভৱিষ্যত গঢ় দিয়াত ৰিয়েল্টৰসকলৰ গুৰুত্বপূৰ্ণ ভূমিকাক আলোকপাত কৰা হয়।
শীৰ্ষ সন্মিলনৰ এটা উল্লেখযোগ্য দিশ আছিল "অসমত ৰিয়েল এষ্টেট ২০৩০" আৰু "এই যাত্ৰাত ৰিয়েল্টৰ ৰ অৱদান” বিষয়ক পেনেল আলোচনা, য’ত উদ্যোগৰ নেতা পি.কে. শৰ্মা (সভাপতি, আৰেইডা), সুমন্ত ৰেড্ডী (অধ্যক্ষ, এন এ আৰ ইণ্ডিয়া), পুলক চামৰিয়া (সঞ্চালক, ইনফিনিটি গ্ৰুপ), অজয় জগতি (সঞ্চালক, জগতি গ্ৰুপ) আৰু সন্তোষ বাংকা (জ্যেষ্ঠ স্থপতিবিদ) উপস্থিত থাকে।
অনুষ্ঠানত মুখ্য অতিথি হিচাপে এন এ আৰ ইণ্ডিয়াৰ সভাপতি অমিত চোপ্ৰা ডাঙৰীয়া আৰু আৰেইডাৰ সভাপতি পি.কে. শৰ্মা সন্মানীয় অতিথি হিচাপে অংশগ্ৰহণ কৰে। শীৰ্ষ সন্মিলনত জি আৰ এৰ গৌৰৱ আগৰৱাল (সভাপতি), অভিমন্যু মোদী (সচিব), পবিত্ৰ ডেকা (কোষাধ্যক্ষ), আৰু কাৰ্যসূচীৰ আহ্বায়ক ৰাহুল জৈনৰ নেতৃত্বত অনুষ্ঠিত হয় আনুষ্ঠানিকভাৱে লেম্প প্ৰজ্বলন, পৃষ্ঠপোষক উপস্থাপন, আৰু পেনেল আলোচনা কৰা হয়।
এই অনুষ্ঠানত টাইটেল পৃষ্ঠপোষক ইনফিনিটি আৰু সহ-পৃষ্ঠপোষক জগতি গ্ৰুপে সহযোগ কৰে। জি আৰ এয়ে ৭৮ সংখ্যক ৰাষ্ট্ৰীয় শাসকীয় সংস্থাৰ বৈঠকৰো আয়োজন কৰিছিল, য’ত পূব ভাৰতৰ ৰাষ্ট্ৰীয় গণ্যমান্য ব্যক্তি আৰু ৰিয়েল্টৰসকলক আকৰ্ষণ কৰা হৈছিল।
গুৱাহাটী ৰিয়েল্টৰ এছ’চিয়েশ্যনৰ সভাপতি গৌৰৱ আগৰৱালাই কয়, "গ্ৰটিটুডে ২০২৫" য়ে অসম আৰু উত্তৰ-পূৰ্বাঞ্চলৰ বাবে সহযোগিতামূলক আৰু প্ৰগতিশীল ৰিয়েল এষ্টেট ভৱিষ্যতৰ দিশত এক উল্লেখযোগ্য পদক্ষেপ হিচাপে চিহ্নিত হৈছে।
No comments:
Post a Comment