W7s news,,গুৱাহাটী, ২৮ নৱেম্বৰ: গুৱাহাটীৰ ডন বস্কো স্কুলে বিদ্যালয়খনৰ দুদিনীয়া বাৰ্ষিক দিৱস উপলক্ষে আজি আৰু কালি পৰিৱেশন কৰা "জীৱন জুবিন— দ্য লাইফ এণ্ড লিগেচী অফ দ্য লেজেণ্ড" শীৰ্ষক সংগীতালেখ্যখনৰ জৰিয়তে কিংবদন্তি শিল্পীগৰাকীক আন্তৰিক শ্ৰদ্ধাঞ্জলি জনোৱা হয় ৷
অভিনেত্ৰী তথা কথক নৃত্যপটীয়সী বি পাল্কীৰ এই দ্বিতীয়টো পৰিচালনা বিদ্যালয়খনৰ জ্যেষ্ঠ শিক্ষয়িত্ৰী ইলোৰা দাস, পাৰমিতা বেনাৰ্জী, শ্বেহনাজ আহমেদ, দীপশিখা শৰ্মা আৰু দীপাঞ্জলি শৰ্মা শ্যামৰ তত্ত্বাৱধানত ৰূপায়ণ কৰা হয় ৷ সংগীতালেখ্যখনৰ জৰিয়তে ৰোহণ গৌতম শৰ্মাই তেওঁৰ ৰচনাৰে সুন্দৰকৈ জুবিন গাৰ্গৰ জীৱন আৰু দৰ্শনক প্ৰতিফলিত কৰাৰ প্ৰয়াস কৰিছে ।
১৩০ গৰাকীৰো অধিক ছাত্ৰ-ছাত্ৰীয়ে এই সংগীতালেখ্যত অংশগ্ৰহণ কৰি ঈশ্বৰপুত্ৰৰ প্ৰেৰণাদায়ক যাত্ৰা আৰু উত্তৰাধিকাৰক জীৱন্ত কৰি তোলে । ২৭ আৰু ২৮ নৱেম্বৰত বিদ্যালয়ৰ প্ৰেক্ষাগৃহত পৰিৱেশন কৰা এই সংগীতালেখ্যখনে উপস্থিত বিশিষ্ট অতিথিসকলৰ লগতে অভিভাৱক, শিক্ষক, ছাত্ৰ-ছাত্ৰীৰ যথেষ্ট সমাদৰ লাভ কৰে।
No comments:
Post a Comment