বিৰলা ফাৰ্টিলিটী এণ্ড আইভিএফ গুৱাহাটীয়ে উন্নত মাইক্ৰ'-টিইএছইৰ সৈতে গুৰুতৰ অণ্ডকোষীয় বিফলতাৰ ক্ষেত্ৰত লাভ কৰিছে বিৰল সফলতা*

 *

W7s news,,গুৱাহাটী : বিৰলা ফাৰ্টিলিটী এণ্ড আইভিএফ গুৱাহাটীয়ে পুৰুষৰ বন্ধ্যাত্বৰ এক অতি জটিল ক্ষেত্ৰত এক বিৰল চিকিত্সাজনিত অগ্ৰগতি লাভ কৰিছে—অণ্ডকোষৰ পৰিমাণ অতি কম থকা নন-অবষ্ট্ৰাক্টিভ এজ’স্পাৰ্মিয়া, যি অৱস্থাত শুক্ৰাণু উৎপাদন প্ৰায় অনুপস্থিত বা প্ৰায় নাই বুলিবই পাৰি। এই বিৰল সাফল্যৰ বাবে চিকিত্সা কেন্দ্ৰটোৱে নিজৰ উন্নত মাইক্ৰস্কপিক প্ৰযুক্তি ব্যৱহাৰ কৰিছিল, যি অঞ্চলটোত সাধাৰণতে উপলব্ধ প্ৰযুক্তিৰ বহু উৰ্ধ্বলৈ গৈছে। গতানুগতিক অণ্ডকোষ নিষ্কাশন পদ্ধতিৰ পৰিৱৰ্তে বিৰলা ফাৰ্টিলিটী এণ্ড আইভিএফে হাই ৰিজল্যুচন অস্ত্ৰোপচাৰ মাইক্ৰস্কোপ ব্যৱহাৰ কৰে, যাৰ ফলত চিকিৎসকসকলে অণ্ডকোষৰ কলাৰ ভিতৰত জীৱনমুখী শুক্ৰাণুৰ আটাইতকৈ বিৰল ক্ষেত্ৰ আৰু বিভিন্ন দিশ ধৰা পেলাবলৈ গভীৰভাৱে চাব পাৰে। ৬ বছৰ ধৰি সন্তান জন্ম দিবলৈ সংগ্ৰাম কৰি এহাল দম্পতী গুৱাহাটী কেন্দ্ৰলৈ আহিছিল। গুৰুতৰ অণ্ডকোষৰ বিকলতা আৰু হৃদযন্ত্ৰৰ অৱস্থাৰ বাবে পুৰুষ সংগীজনক পৰামৰ্শ লোৱা সকলো কেন্দ্ৰতে দাতাৰ বীৰ্য(ডনাৰ চিমেন) ব্যৱহাৰ কৰিবলৈ পৰামৰ্শ দিয়া হৈছিল। বিৰলা ফাৰ্টিলিটী এণ্ড আইভিএফত দম্পতীৰ ইচ্ছা আৰু ক্লিনিকত উপলব্ধ উন্নত প্ৰযুক্তিৰ কথা মনত ৰাখি ৩৯ বছৰীয়া স্বামীয়ে সমন্বিত আৰু বহুবিষয়ক যত্নৰ সৈতে মাইক্ৰ’-টিইএছই (মাইক্ৰ’চাৰ্জিকেল টেষ্টিকুলাৰ স্পাৰ্ম এক্সট্ৰেকচন) পদ্ধতি গ্ৰহণ কৰিছিল– যাৰ নেতৃত্বত আছিল বিৰলা ফাৰ্টিলিটী এণ্ড আইভিএফ গুৱাহাটী কেন্দ্ৰৰ মুৰব্বী তথা প্ৰজনন বিশেষজ্ঞা(ফাৰ্টিলিটী স্পেচিয়েলিষ্ট) ডাঃ কল্পনা জৈন।

তেওঁক কনচাল্টেণ্ট ডাঃ ৰিম্পীমণি বৰুৱাই সমৰ্থন কৰাৰ লগতে ইউৰলজিষ্ট ডাঃ চন্দন ফুকন আৰু ডাঃ শৌভিক দে'ই মাইক্ৰ'চাৰ্জিকেল সহযোগিতা আগবঢ়াইছিল।  ইয়াৰ লগতে, ডাঃ বিপ্লৱ পালৰ দ্বাৰা হৃদযন্ত্ৰৰ নিৰীক্ষণ আৰু সমৰ্থন প্ৰদান কৰা হৈছিল, ডাঃ অভিশ্ৰান্ত গগৈয়ে এনেস্থেচিঅ'লজি সমৰ্থন আৰু এমব্ৰায়লজী বিশেষজ্ঞ আচল তিৱাৰী আৰু সহযোগী দলটোৱে পূৰ্ণ সমৰ্থন প্ৰদান কৰিছিল। অত্যন্ত দুৰ্বল পূৰ্বানুমানৰ পিছতো অণুবীক্ষণ যন্ত্ৰই ১৫-২০টা জীৱন্ত শুক্ৰাণু পুনৰুদ্ধাৰ কৰিবলৈ সক্ষম হৈছিল-এনে ৰোগীৰ ক্ষেত্ৰত এয়া এক অসাধাৰণ ফলাফল।  "এয়া এক অতি জটিল ঘটনা আছিল য'ত শুক্ৰাণু লাভৰ সম্ভাৱনা প্ৰায় নগণ্য আছিল ", ডাঃ কল্পনাই এইদৰে কয়।  মহিলাগৰাকীক ভ্ৰূণ স্থানান্তৰৰ বাবে প্ৰস্তুত কৰাৰ পূৰ্বে এই শুক্ৰাণুবোৰক অত্যাধুনিক স্পাৰ্ম ভিট্ৰিফিকেচন ডিভাইচ (স্পাৰ্মভিডি) ব্যৱহাৰ কৰি সংৰক্ষণ কৰা হৈছিল যাতে সেইবোৰ ভৱিষ্যতৰ ব্যৱহাৰৰ বাবে ব্যৱহাৰযোগ্য হৈ থাকে।  গুৰুতৰ পুৰুষ বন্ধ্যাত্বৰ সন্মুখীন হোৱা পৰিয়ালসমূহৰ বাবে গুৱাহাটীতে এতিয়া বিশ্বমানৰ প্ৰযুক্তি উপলব্ধ হৈছে, যিয়ে অসাধাৰণ দক্ষতা প্ৰদৰ্শন কৰিবলৈ সক্ষম হৈছে।