প্ৰথমটো একক হেডলাইন শ্ব'ৰ বাবে পোষ্ট মেল’নক গুৱাহাটীলৈ আদৰণি বুকমাইশ্ব’ লাইভৰ

 

~২০ ছেপ্টেম্বৰৰ দুপৰীয়া ১২ বজাৰ পৰা BookMyShowত বিশেষভাৱে উপলব্ধ হব কনচাৰ্টৰ টিকট ~ 

W7s news,,ৰাষ্ট্ৰীয়, ১৭ ছেপ্টেম্বৰ, ২০২৫: পুনৰ ভাৰতলৈ আহি আছে ৯ বাৰৰ ডাইমণ্ড চাৰ্টিফাইড গ্ৰেমী ®️ বঁটাৰ বাবে মনোনীত বিশ্ববিখ্যাত ছুপাৰষ্টাৰ পোষ্ট মেল’ন। চলিত বৰ্ষৰ ডিচেম্বৰ মাহত তেওঁৰ প্ৰথম একক হেডলাইন শ্ব’ৰ বাবে গুৱাহাটীলৈ আহিব তাৰকাগৰাকী। অসম চৰকাৰৰ সহযোগত বুকমাইশ্ব’ৰ লাইভ মনোৰঞ্জন অভিজ্ঞতা বিভাগ বুকমাইশ্ব’ লাইভ আৰু লাইভ নেশ্যনৰ  দ্বাৰা প্ৰযোজিত আৰু প্ৰচাৰ কৰা এই একচেটিয়া কনচাৰ্টটো অহা ৮ ডিচেম্বৰ, ২০২৫ ত অসমৰ গুৱাহাটীৰ খানাপাৰা পশু চিকিৎসা খেলপথাৰত অনুষ্ঠিত হ'ব। লক্ষ্যণীয়ভাৱে এয়া হ’ব পোষ্ট মেল’নৰ উত্তৰ-পূব ভাৰতৰ প্ৰথমটো ষ্টেডিয়াম শ্ব’।

ভাৰতৰ অন্যতম মনোৰঞ্জন ক্ষেত্ৰ বুকমাইশ্ব’ত বিশেষভাৱে উপলব্ধ হ’ব পোষ্ট মেল’নৰ গুৱাহাটী কনচাৰ্টৰ টিকট। ২০ ছেপ্টেম্বৰ অৰ্থাৎ শনিবাৰে দুপৰীয়া ১২ বজাৰ পৰা আৰম্ভ হ’ব এই টিকট বিক্ৰী।

উত্তৰ-পূৰ্বাঞ্চলে আজি ভাৰতৰ লাইভ মনোৰঞ্জন উদ্যোগৰ বাবে অন্যতম গুৰুত্বপূৰ্ণ দিশটোক প্ৰতিনিধিত্ব কৰে।গভীৰভাৱে শিপাই থকা সংগীত ঐতিহ্য আৰু যুৱ দৰ্শকৰ সৈতে এই অঞ্চলটোৱে এই খণ্ডটোৰ বাবে বৃদ্ধিৰ পৰৱৰ্তী ঢৌক শক্তি প্ৰদান কৰিবলৈ অনন্যভাৱে স্থান লাভ কৰিছে। বুকমাইশ্ব’ৰ থ্ৰ’বেক ২০২৪ৰ প্ৰতিবেদনত টায়াৰ-২ চহৰসমূহত লাইভ ইভেণ্টৰ ৬৮২% বৃদ্ধিৰ কথা প্ৰকাশ পাইছে, উত্তৰ-পূবে এই ৰূপান্তৰৰ নেতৃত্ব দিছে। এই গতিবেগক স্বীকাৰ কৰি বুকমাইশ্ব’ৱে অসম চৰকাৰৰ সৈতে, এই বছৰ, ৰাজ্যখনৰ লাইভ মনোৰঞ্জনৰ পৰিৱেশ গঢ়ি তোলা আৰু পৰিসৰ বৃদ্ধিৰ বাবে এক ঐতিহাসিক বুজাবুজি চুক্তি স্বাক্ষৰ কৰে। গুৱাহাটীত পোষ্ট মেল’নৰ আগন্তুক অনুষ্ঠান, একচেটিয়াভাৱে ভাৰতত তেওঁৰ একমাত্ৰ পৰিৱেশন আৰু ইয়েই অংশীদাৰিত্বৰ প্ৰথম মাইলৰ খুঁটি হ’ব, যিয়ে অঞ্চলটোৰ লাইভ মনোৰঞ্জনৰ পৰিৱেশৰ বাবে এক ঐতিহাসিক মুহূৰ্ত হিচাপে চিহ্নিত কৰিব।

বুকমাইশ্ব’ৰ লাইভ ইভেণ্টছৰ মুখ্য ব্যৱসায়িক বিষয়া নমন পুগালিয়াই কয়, ‘পোষ্ট মেল’ন আধুনিক বিশ্ব সংগীতৰ এনে এক প্ৰতিমূৰ্তি, যাৰ অনন্য সংগীত আৰু ব্যক্তিত্বই বিশ্বৰ লাখ লাখ দৰ্শকৰ মাজত গভীৰভাৱে অনুৰণন ঘটায়। তেওঁক বিশেষভাৱে গুৱাহাটীলৈ অনাৰ অৰ্থ হৈছে উত্তৰ-পূব ভাৰতত লাইভ সংগীতৰ বাবে এক শক্তিশালী নতুন অধ্যায়ৰ সূচনা কৰা। এই অঞ্চলটোৱে দীৰ্ঘদিন ধৰি সংগীতপ্ৰেমী আৰু বিচক্ষণ দৰ্শকক প্ৰতিপালন কৰি আহিছে, য’ত সংগীত তেওঁলোকৰ সাংস্কৃতিক জীৱনৰ সৈতে অবিচ্ছেদ্যভাৱে জড়িত। ইয়াত পোষ্ট মেল’নৰ দৰে এগৰাকী শিল্পীক আতিথ্য দি আমি কেৱল অনুৰাগীৰ বাবে এক স্মৰণীয় মুহূৰ্তৰ সৃষ্টি কৰাই নহয়, সংগীত অভিজ্ঞতাৰ বাবে গুৱাহাটীক বিশ্বমানৰ গন্তব্যস্থান হিচাপে স্থান দিছো। এয়া এটা দীৰ্ঘম্যাদী দৃষ্টিভংগীৰ আৰম্ভণি, য’ত লাইভ মনোৰঞ্জন কেৱল সাংস্কৃতিক সেতু নহয়, অৰ্থনৈতিক চালক হৈ পৰিব, আৰু অসমক বিশ্বব্যাপী লাইভ মিউজিক মেপত দৃঢ়ভাৱে প্ৰতিষ্ঠা কৰিব।”

অসম পৰ্যটন উন্নয়ন নিগম (এ টি ডি চি)ৰ পৰিচালন সঞ্চালক পদ্মপাণি বৰাই কয়, ‘অসম জৈৱ বৈচিত্ৰ্য, সজীৱ ঐতিহ্য, সংগীত আৰু সংস্কৃতিৰে চহকী আৰু সদায় পৰ্যটকৰ প্ৰিয় গন্তব্যস্থান হৈ আহিছে। ৰাজ্যৰ মাননীয় মুখ্যমন্ত্ৰী ড০ হিমন্ত বিশ্ব শৰ্মাৰ দূৰদৰ্শী নেতৃত্বত অসমে কনচাৰ্ট পৰ্যটনৰ দিশত এক ৰোমাঞ্চকৰ যাত্ৰা আৰম্ভ কৰিছে। নতুনকৈ আৰম্ভ কৰা কনচাৰ্ট পৰ্যটন নীতিৰ দ্বাৰা আমি পৰ্যটকৰ বৃহৎ আগমন আকৰ্ষণ কৰিছো, যিটো অঞ্চলটোৰ অৰ্থনৈতিক উন্নয়নৰ বাবে সহায়ক হৈছে। এই দিশত এক উল্লেখযোগ্য পদক্ষেপ হিচাপে আমি বিশ্বৰ অন্যতম শ্ৰেষ্ঠ শিল্পী পোষ্ট মেল’নক তেওঁৰ প্ৰথম আৰু একক পৰিৱেশনৰ বাবে ভাৰতলৈ গৌৰৱেৰে আদৰণি জনাইছো। তেওঁৰ এই অনুষ্ঠানে প্ৰমাণ কৰে যে ভাৰতৰ লাইভ মনোৰঞ্জনৰ দৃশ্যপট কেনেকৈ দ্ৰুতগতিত সম্প্ৰসাৰিত হৈছে, আৰু এই বৃদ্ধিত অসমে মূল ভূমিকা গ্ৰহণ কৰিছে। বুকমাইশ্ব’ৰ সৈতে আমাৰ অংশীদাৰিত্বৰ জৰিয়তে আমি আৰু বহুতো মাইলৰ খুঁটি অৰ্জন কৰাৰ লক্ষ্য লৈছো, যিয়ে অসমৰ আত্মাক উদযাপন কৰিব আৰু বিশ্বক আমাৰ দুৱাৰদলিলৈ আনিব।"

লক্ষণীয়ভাৱে ভাৰতৰ মঞ্চত পোষ্ট মেল'নৰ এই একক অভিষেকে সঙ্গীত তাৰকাগৰাকীৰ বিশ্বজনীন যাত্ৰাত এক নতুন অধ্যায়ৰ সূচনা কৰিছে। একে সময়তে গুৱাহাটীৰ এই কনচাৰ্ট কেৱল উত্তৰ-পূব ভাৰতৰ অনুৰাগীসকলৰ বাবেই নহয়, সমগ্ৰ দেশৰ বাবেই এক ঐতিহাসিক মুহূৰ্ত হিচাপে পৰিগণিত হ’ব। তদুপৰি এই কনচাৰ্টৰ জৰিয়তে আন্তৰ্জাতিক শিল্পীসকলৰ বাবে অন্যতম প্ৰাণৱন্ত সংগীত কেন্দ্ৰ হিচাপে অসমৰ উত্থানো স্পষ্টভাৱে প্ৰতিফলিত হৈছে।