W7s news গুৱাহাটী:
অসম সাহিত্য সভাৰ ভগৱতীপ্ৰসাদ বৰুৱা ভৱন প্ৰাংগণস্থিত জয়ন্ত-লখিমী সদনত আজি বিয়লি ৪বজাত কামৰূপ মহানগৰ জিলা সাহিত্য সভাৰ ১মখন সাংগঠনিক সভা সাংগঠনিক সম্পাদকদ্বয় ধনজিৎ তালুকদাৰ আৰু অখিল চন্দ্ৰ দাসৰ আহ্বানত অনুস্থিত হৈ যায় ৷ জিলা সভাৰ বিভিন্ন শাখাৰ পৰা অহা সন্মানীয় সভাপতি-সম্পাদক প্ৰমুখ্যে শতাধিক সদস্যৰ উপস্থিতিত হোৱা সভাখনত পৌৰোহিত্য কৰে জিলাৰ সভাপতি প্ৰফুল্ল বৰ্মনে ৷ সভাত সমল ব্যক্তি হিচাপে উপস্থিত থাকে অসম সাহিত্য সভাৰ গুৱাহাটী কাৰ্য্যালয় সম্পাদক ড° সঞ্জীৱ কুমাৰ শৰ্মা, কামৰূপ মহানগৰ জিলা সাহিত্য সভাৰ ধন ভঁৰালী দুলুমণি বৰঠাকুৰ,আইন উপদেষ্টা ড° খৈয়াম উদ্দিন আহমেদ, সহকাৰী সম্পাদক মুকুট দাস, কৰ্ণধাৰ সমিতিৰ সদস্য ভূপেন্দ্ৰ চন্দ্ৰ সৰ্মা আৰু জিলা সভাৰ প্ৰাক্তন উপ-সভাপতি হৰেশ্বৰ ডেকা ৷ উক্ত সভাত সাংগঠনিক দিশটো টনকিয়াল কৰিবৰ বাবে সাংগঠনিক সম্পাদকদ্বয়ে আগবঢ়োৱা সাতটা প্ৰস্তাৱ গৃহীত কৰা হয় ৷ এই সভাৰ লগত সংগতি ৰাখি জিলা সভাৰ বিভিন্ন বিষয়ববীয়া আৰু উপ-সমিতিৰ সদস্যসকলক মনোনীত পত্ৰ প্ৰদান কৰা হয় ৷ সভাত উপস্থিত সমল ব্যক্তি আৰু সন্মানীয় সদস্যসকলে নিজা নিজা ইতিবাচক মন্তব্য আগবঢ়ায় ৷ সভাত জিলা সভাৰ সম্পাদক অৰুণ মহন্তই সাংগঠনিক সম্পাদকৰ সাংবিধানিক গুৰুত্ব বিষয়ক মন্তব্য আগবঢ়ায় ৷ সভাৰ অন্তত সাংগঠনিক সম্পাদক অখিল চন্দ্ৰ দাসে
শলাগৰ শৰাই আগবঢ়ায় আৰু জাতীয় সংগীত পৰিৱেশনাৰে সভাৰ সমাপ্তি হয় ৷
No comments:
Post a Comment