গুৱাহাটীত সাঁতোৰৰ প্ৰতিভাৰ সন্ধান কৰিব জৈন গ্ৰুপৰ স্প’ৰ্টছ স্কুলে

 

W7s news,,গুৱাহাটী, ২৫ এপ্ৰিল: জৈন গ্ৰুপৰ স্প’ৰ্টছ  স্কুলে গুৱাহাটীত আয়োজন কৰিছে  সন্মানীয় ছুইমিং টেলেণ্ট  হাণ্ট৷ এই প্ৰতিভা  সন্ধানী শিবিৰ অনুষ্ঠিত হ’ব ২৭ এপ্ৰিলত নেহৰু ষ্টেডিয়ামৰ বিমলা  প্ৰসাদ চলিহা ছুইমিং পুলত৷ এই প্ৰতিভা সন্ধানী শিবিৰে পঞ্চম শ্ৰেণীৰ পৰা নৱম শ্ৰেণীৰ ছাত্ৰ-ছাত্ৰীসকললৈ এক সোণালী সুযোগ কঢ়িয়াই  আনিছে৷ লণ্ডন অলিম্পিকত  ভাৰতক  প্ৰতিনিধিত্ব  কৰা সাঁতোৰবিদ আদৱীশ্বাইয়াহ পি গগণ উল্লামথে তেওঁ ব্যক্তিগত অভিজ্ঞতাৰে প্ৰতিভাৰ  সন্ধানত সহায় কৰিব৷ শিবিৰটোত তেওঁ ব্যক্তিগতভাৱে প্ৰতিভাৰ সন্ধান কৰিব৷ এই বয়সত ছাত্ৰ-ছাত্ৰীসকলে প্ৰতিযোগিতামূলক চাপৰ কিদৰে সন্মুখীন হয় সেই বিষয়ে তেওঁ লক্ষ্য  ৰাখিব৷ লগতে ষ্টোকছ, ষ্টেমিনা, ধৈৰ্য আদি দিশৰ ওপৰত মনোনিৱেশ কৰিব৷ এই শিবিৰৰ  যোগেদি  উন্নত প্ৰদৰ্শনকাৰী সকলে স্ক’লাৰশ্বিপ লাভৰ সুযোগ পোৱাৰ লগতে স্প’ৰ্টছ  স্কুলত আগশাৰীৰ প্ৰশিক্ষকৰ অধীনত প্ৰশিক্ষণ  গ্ৰহণৰ সুযোগ পাব৷ স্প’ৰ্টছ স্কুলৰ এজন মুখপাত্ৰই  কয়–‘প্ৰতিযোগিতাতকৈও অধিক গুৰুত্ব  আছে  এই শিবিৰৰ৷ তৰুণ সাঁতোৰবিদ সকলে এই শিবিৰৰ  যোগেদি অলিম্পিক স্বপ্ন সন্ধানৰ  সুযোগ পাব৷’ শিবিৰৰ বিষয়ে অধিক জানিবলৈ ৮৮৪০৬৫৪০৬১ নম্বৰত যোগাযোগ কৰিব পাৰে৷

🌐 https://thesportsschool.com/talent