W7s news,,গুৱাহাটী, ২১ মাৰ্চঃ ৱৰ্কস্পেচ ফাৰ্নিচাৰ সমাধানৰ ক্ষেত্ৰত অগ্ৰণী নাম ফেদাৰলাইটে কৰ্মক্ষেত্ৰৰ ডিজাইনৰ শেহতীয়া ডিজাইন আৰু ট্ৰেণ্ড প্ৰদৰ্শনৰ বাবে নিবেদিত একচেটিয়া অভিজ্ঞতা কেন্দ্ৰ উদ্বোধন কৰে। ৮ হাজাৰ বৰ্গফুটত বিস্তৃত এইখন মহানগৰীৰ ভাংগড় অঞ্চলৰ ৰুদ্ৰাক্ষ মলৰ বিপৰীতে ছেঠি ট্ৰাষ্ট বিল্ডিঙত অৱস্থিত। এই অভিজ্ঞতা কেন্দ্ৰত আধুনিক ব্যৱসায়, শিক্ষানুষ্ঠান আৰু স্বাস্থ্যসেৱাৰ সুবিধাসমূহৰ বিকশিত আচবাবৰ প্ৰয়োজনীয়তা পূৰণ কৰা বহুতো সামগ্ৰী আছে।
শ্ব’ৰুমটো উদ্বোধন কৰে স্থপতিবিদ এছ’চিয়েশ্যন অৱ আৰ্কিটেক্টছ, অসমৰ সভাপতি স্থপতিবিদ ৰঞ্জিব বৰুৱা, ফেদাৰলাইট গ্ৰুপৰ সহযোগী সঞ্চালক কিৰণ চেল্লাৰাম আৰু খৈতনে কাৰ্পেট কৰ্প’ৰেশ্যনৰ অংশীদাৰ অভিষেক খৈতনে। উদ্বোধনী অনুষ্ঠানত ভাষণ দি কিৰণ চেল্লাৰমে কয়, ‘আমাৰ নতুন শ্ব’ৰুমৰ জৰিয়তে আমি গতিশীল অসম ৰাজ্য আৰু গুৱাহাটী চহৰক অধিক ফলপ্ৰসূভাৱে সেৱা আগবঢ়াব বুলি আশা কৰিছো। আমি কৰ্পৰেট, ক্ষুদ্ৰ ব্যৱসায়ৰ মালিক, উদ্যোগী আৰু ৰাজহুৱা আৰু চৰকাৰী খণ্ডক গুৱাহাটীত আমাৰ নতুন অভিজ্ঞতা কেন্দ্ৰ পৰিদৰ্শন কৰি ফেদাৰলাইট পৰিচিত অত্যাধুনিক ডিজাইন আৰু উদ্ভাৱনী সমাধানৰ সন্ধান কৰিবলৈ আমন্ত্ৰণ জনাইছো। এই কাৰকসমূহে আমাক অঞ্চলটোৰ চৰকাৰী কাৰ্যালয়, আতিথ্য ব্যৱসায় আৰু শিক্ষানুষ্ঠানসমূহলৈ এৰগ’নমিক, ষ্টাইলিছ আচবাব যোগান ধৰিবলৈ নিখুঁতভাৱে সক্ষম কৰি তোলে।
এই উপলক্ষে ভাষণ দি অভিষেক খৈতনে কয়, “ফেদাৰলাইট এক্সপিৰিয়েন্স চেণ্টাৰ কেৱল এটা শ্ব’ৰুমতকৈও অধিক – ই ডিজাইনৰ প্ৰেৰণা আৰু আইডিয়াৰ কেন্দ্ৰ। আচবাবৰ ৰেঞ্জত আছে এৰগ’নমিক শ্ৰেণীকোঠাৰ আসন, আধুনিক আৰু চঞ্চল বেঞ্চ, লাইব্ৰেৰী ৰেক, হোষ্টেলৰ আচবাব, কোমল আসন আৰু উপস্থাপন ষ্টেচন যিয়ে যিকোনো শিক্ষানুষ্ঠানক বিতৰ্ক, আলোচনা আৰু বিবেচনাৰ কেন্দ্ৰলৈ ৰূপান্তৰিত কৰিব পাৰে য’ত ছাত্ৰ-ছাত্ৰীসকলে লাভৱান হ’ব পাৰে। ইয়াৰ উপৰিও ই ৰিয়েল-এষ্টেট ব্যৱহাৰ আৰু প্ৰতিষ্ঠানটোৰ নান্দনিকতাক অনুকূল কৰি তোলে।
No comments:
Post a Comment