W7s news,,গুৱাহাটী, ১১ মে : উত্তৰ-পূৰ্বাঞ্চলত খুচুৰা ব্যৱসায়িক খণ্ডৰ সম্ভাৱনা কঢ়িয়াই অনাৰ লক্ষ্যৰে ভাৰতীয় ৰিটেইলাৰ এছ'চিয়েশ্যন চমুকৈ আৰ এ আইৰ উদ্যোগতগুৱাহাটীৰ হোটেল প্লেচিঅ'ত অনুষ্ঠিত হয় দ্বিতীয় নৰ্থ ইষ্ট ৰিটেইল ছামিট ২০২৪।এই অনুষ্ঠানটোয়ে উত্তৰ-পূৱৰ সকলোধৰণৰ প্ৰত্যাহ্বানক একাষৰীয়া কৰি উদ্যোগিক খণ্ডটোক আগুৱাই নিয়াৰ ক্ষেত্ৰত এক নতুন গতি প্ৰদান কৰে। এই সন্মিলনে উত্তৰ-পূৰ্বাঞ্চলৰ সাতখন ৰাজ্য বিশেষকৈ অৰুণাচল প্ৰদেশ, অসম, নাগালেণ্ড, মণিপুৰ,মেঘালয়,ত্ৰিপুৰা আৰু মিজোৰামৰ খুচুৰা পেছাদাৰী সকলক নেটৱৰ্কিং আৰু মত বিনিময়ৰ বাবে এক গুৰুত্বপূৰ্ণ মঞ্চ প্ৰদান কৰে। খুচুৰা পৰিৱেশ তন্ত্ৰক শক্তিশালী কৰিবলৈ স্থানীয় নেতাসকলৰ সহযোগিতাৰ ওপৰত গুৰুত্ব আৰোপ কৰে।
সন্মিলন সন্দৰ্ভত আৰ এ আইৰ চি ই অ কুমাৰ ৰাজাগোপালনে কয় যে আজিৰ নৰ্থ ইষ্ট ৰিটেইল সন্মিলনে গ্ৰাহকসকলৰ বিকশিত বজাৰৰ ক্ষেত্ৰত এক অভ্যাসত পৰিণত কৰে।আৰু যিটো ইন-ষ্ট'ৰ আৰু অনলাইন দুয়োধৰণৰ গুণগত মানদণ্ডৰ ওপৰত বিশ্বব্যাপী দৃষ্টিভংগী নিহিত হৈ থাকে।আমাৰ গুৰুত্ব হৈছে আধুনিক, আকৰ্ষণীয় বজাৰ সৃষ্টি কৰা আৰু ব্যৱসায়িক পৰিৱেশ সৰল কৰা। এই প্ৰচেষ্টাবোৰৰ লক্ষ্য হৈছে অঞ্চলটোক এক গতিশীল খুচুৰা কেন্দ্ৰলৈ ৰূপান্তৰ কৰা যি স্থানীয় ক্ৰেতাসকলৰ অত্যাধুনিক প্ৰয়োজনীয়তা পূৰণ কৰে। সমগ্ৰ অঞ্চলটোত বিকাশ আৰু উদ্ভাৱনক উৎসাহিত কৰাই ইয়াৰ মূল লক্ষ্য।
এই বছৰৰ এন ই আৰ এছ ২০২৪ ত অঞ্চলটোৰ খুচুৰা খণ্ডৰ শীৰ্ষ বিষয়া আৰু বক্তাসকলৰ এক আকৰ্ষণীয় লাইন-আপ প্ৰদৰ্শন কৰা হয়। উল্লেখযোগ্য বক্তাসকলৰ ভিতৰত আছে
ভাৰতীয় জলপনৰ সঞ্চালক অভিনৱ পাৰেক,পোদ্দাৰ গ্ৰুপৰ এম ডি অংকিত পোদ্দাৰ,বলজি উদ্যোগৰ অংশীদাৰ অনুষ যোশী, কুসুম এল ই ডি লাইটৰ সঞ্চালক অৰ্ণব দাস, ভাগৱতী চেলছ কৰ্পোৰেশ্যনৰ চি ই অ চন্দন পাৰেক,টানিষ্কা ৰেটাইলৰ সঞ্চালক কুনাল মৰদানী, চেণ্ট্ৰেল ম'লৰ মাইন্টানেন্স হেড পৱন খটুৱালা, এম জি ছলিউচনচ সঞ্চালক ৰাজা গোহাঁই ,কৰ্ণ এণ্টাৰপ্ৰাইছৰ সঞ্চালক ৰবীন্দ্ৰ জৈন, প্ৰপাৰ্টিছ স্কেলেবল ছলিউচনচৰ সৌৰভ আগৰৱাল আৰু চন্দন ৰেটাইলৰ চি ই অ বিক্ৰম বোথ্ৰাকে ধৰি বহু বিশিষ্ট ব্যক্তি।
আজিৰ গতিশীল খুচুৰা পৰিৱেশত উত্তৰ-পূবে বৰ্ধিত নিষ্পত্তিযোগ্য উপাৰ্জন আৰু এক বৈচিত্ৰ্যপূৰ্ণ উপভোক্তা আৰু ভৰপূৰ সম্ভাৱনাৰে এক বজাৰৰ দৃশ্যপট দাঙি ধৰে।চন্দন ৰিটেইলত স্থানীয় সংস্কৃতি আৰু পছন্দৰ হস্ততাত শিল্পক অধিক গুৰুত্ব প্রদান কৰা পৰিলক্ষিত হৈছে। এই সন্মিলনে আঞ্চলিক সূক্ষ্মতাৰ সৈতে খাপ খোৱা আৰু অন্তৰ্নিহিত লজিষ্টিক প্ৰত্যাহ্বানসমূহ অতিক্ৰম কৰাৰ ক্ষেত্ৰত অন্তৰ্দৃষ্টি আৰু ৰণনীতি ভাগ বতৰা কৰাৰ বাবে এক মূল্যৱান মঞ্চ হিচাপে চিহ্নিত হৈছে।
আমি এখন বজাৰ তৈয়াৰ কৰি উত্তৰ-পূবৰ গ্ৰাহকসকলৰ অনন্য প্ৰয়োজনীয়তা পূৰণ কৰা, বহনক্ষম বিকাশ আৰু এক শক্তিশালী খুচুৰা পৰিৱেশ তন্ত্ৰ ৰক্ষা কৰা আৰু অনুকূলিত সমাধান আগবঢ়োৱাৰ বাবে স্থানীয় অন্তৰ্দৃষ্টিব্যৱহাৰ কৰিবলৈ প্ৰতিশ্ৰুতিবদ্ধ বুলি চন্দন ৰিটেইলৰ মুখ্য কাৰ্যবাহী বিক্ৰম বোথ্ৰাই উল্লেখ কৰে।গুৱাহাটী চেণ্ট্ৰেল ম'লৰ উদ্যোগত আয়োজিত নৰ্থ ইষ্ট ৰিটেইল ছামিট ২০২৪ সহযোগ কৰিছে টাৰ্টেলে। একেদৰে গোল্ড পাৰ্টনাৰ বোৰৰ ভিতৰত আছে আস্কৰণ বিঞ্জৰাজ, স্কেলেবল ছলিউচনচ, আলফা-ই বাৰকোড ছলিউচনচ, ক্ৰাউন এণ্টাৰপ্ৰাইজ, কুসুম এল ই ডি লাইটচ, আৰু শ্ব'হম । ৰিটেইলাৰ এছ'চিয়েচন অফ আসাম আৰএআই গ্লোবেল লিংকাৰছ ব্যৱসায়িক নেটৱৰ্কিংৰ অংশীদাৰ।
No comments:
Post a Comment