W7s news গুৱাহাটী, :-- গুৱাহাটীৰ কিউ চি এন্টাৰটেইনমেণ্টৰ উদ্যোগত আৰু কোৱানকাই ডান্সিং ষ্টাৰৰ সহযোগত দেওবাৰে এখনি আন্তঃৰাষ্ট্ৰীয় নৃত্য প্রতিযোগিতাৰ আয়োজন কৰা হৈছে । মহানগৰীৰ কাহিলিপাৰাস্থিত জ্যোতিচিত্রবনত অনুষ্ঠিত হ'ব লগীয়া এই প্ৰতিযোগিতা সন্দৰ্ভত আজি গুৱাহাটী প্ৰেছ ক্লাৱত এখন সংবাদমেল অনুষ্ঠিত কৰে আয়োজক সকলে । সংবাদ মেলত মুম্বাইৰ প্ৰখ্যাত নৃত্য শিল্পী অনুশী সিং , বিষ্ণু প্ৰসাদ পাৱাৰ আৰু কিউ চি এন্টাৰটেইনমেণ্টৰ সহযোগী ছিভ কুমাৰ উপস্থিত থাকে । উল্লেখ্য যে দুইগৰাকী নৃত্য শিল্পী দেওবাৰে অনুষ্ঠিত হ'বলগীয়া নৃত্য প্ৰতিযোগিতাত বিচাৰকৰ আসন গ্ৰহণ কৰিব । সংবাদ মেলত বিশিষ্ট কৰিওগ্ৰাফাৰ মনোজ দাস আৰু কনিষ্কা প্ৰসাদে কয় যে এই প্ৰতিযোগিতা দুটা শাখাত অনুষ্ঠিত হব । ইয়াৰ ভিতৰত ৫ বছৰৰ পৰা ১৩ বছৰ বয়সৰ প্ৰতিযোগী সকলৰ বাবে "ক" শাখা আৰু ১৩ বছৰ বয়সৰ ওপৰৰ প্ৰতিযোগী সকলৰ বাবে "খ" শাখাত এই প্ৰতিযোগিতা অনুষ্ঠিত হব । বিজয়ী প্ৰতিযোগী সকলৰ বঁটাৰ বাবদ মুঠ ১ লাখ ৪২ হাজাৰ টকা ব্যয় কৰা হব । ইপিনে প্ৰতিযোগী সকলে নগদ ১০০০ টকাৰে নিজৰ নাম পঞ্জীয়ন কৰিব লাগিব । অৱশ্যে দৰিদ্ৰ সীমাৰেখাৰ তলৰ প্ৰতিযোগীৰ বাবে এই মাচুল সম্পূৰ্ণ ৰেহাই দিয়া হব বুলি কয় উদ্যোগতা সকলে । বৰ্তমান এই প্ৰতিযোগিতাত বিভিন্ন অঞ্চলৰ ৮০ গৰাকী প্ৰতিযোগিয়ে নিজৰ নাম পঞ্জীয়ন কৰিছে ।
No comments:
Post a Comment