গুৱাহাটীত উদযাপন কৰা হয় বিশ্ব মানদণ্ড দিৱস

 

• ব্যুৰ' অৱ ইণ্ডিয়ান ষ্টেণ্ডাৰ্ডছ গুৱাহাটীয়ে মানদণ্ডৰ প্ৰচাৰ আৰু ৰূপায়ণৰ বাবে ১২ মানক বীৰক সম্বৰ্ধনা জনায় 

W7s news,,,,গুৱাহাটী,: গুৱাহাটী ব্যুৰ' অৱ ইণ্ডিয়ান ষ্টেণ্ডাৰ্ডছ (বিআইএছ)ৰ উদ্যোগত ১৪ অক্টোবৰত গুৱাহাটীৰ ৰত্নমৌলি পেলেচত বিশ্ব মানদণ্ড দিৱস উদযাপন কৰা হয়। এই অনুষ্ঠানত সন্মানীয় অতিথি ৰূপে উপস্থিত থাকে অসম চৰকাৰৰ খাদ্য আৰু ৰাজহুৱা বিতৰণ আৰু গ্ৰাহক পৰিক্ৰমা বিভাগ, সংসদীয় পৰিক্ৰমা বিভাগ, উচ্চ শিক্ষা বিভাগৰ দায়িত্বত থকা অতিৰিক্ত মুখ্য সচিব বিশ্বৰঞ্জন ছামালে।অনুষ্ঠানত গুৱাহাটীৰ বিআইএছৰ সঞ্চালক আৰু মুৰব্বী সব্যসাচী ধৰে আদৰণি ভাষণ আৰু কাৰ্যসূচীৰ উদ্দেশ্য ব্যাখ্যা কৰাৰ সময়ত মূল বিষয়বস্তু - "এখন উন্নত বিশ্বৰ বাবে অংশীদাৰীত্বমূলক দৃষ্টিভংগী - বহনক্ষম উন্নয়ন লক্ষ্য ৩ (এছডিজি ৩)ত অন্তৰ্ভুক্তকৰণ"ৰ গুৰুত্বৰ ওপৰত গভীৰভাৱে আলোকপাত কৰাৰ লগতে মানদণ্ডৰ জৰিয়তে এছডিজি৩ৰ প্ৰচাৰ আৰু ৰূপায়ণ সন্দৰ্ভত বিআইএছৰ ভূমিকাৰ ওপৰত বক্তব্য আগবঢ়ায়। এই কাৰ্যসূচীৰ অন্তত গুৱাহাটীৰ বিআইএছৰ অধীনত থকা ষ্টেণ্ডাৰ্ড ক্লাব(বিদ্যালয় আৰু মহাবিদ্যালয়)ৰ সৈতে সুস্থ জীৱন নিশ্চিত কৰাৰ বহনক্ষম উন্নয়ন লক্ষ্য ৩-ৰ উদ্দেশ্যৰ বিষয়ে সজাগ কৰাৰ উদ্দেশ্যে এখন অধিৱেশন অনুষ্ঠিত হয়। ১২ মানক বীৰক মানদণ্ডৰ প্ৰচাৰ আৰু ৰূপায়ণৰ দিশত নিজৰ দায়বদ্ধতা আৰু আন্তৰিক অৱদানৰ বাবে সম্বৰ্ধনা জনায় বিআইএছ গুৱাহাটীয়ে। এই অনুষ্ঠানত ডব্লিউএছডি উদযাপন ২০২৩ৰ পূৰ্বসূৰী হিচাপে এনইএআইডিৰ সহযোগত অনুষ্ঠিত আকস্মিক বক্তৃতা আৰু পোষ্টাৰ প্ৰস্তুত প্ৰতিযোগিতাৰ বিজয়ী ছাত্ৰ-ছাত্ৰীসকলক পুৰস্কাৰ বিতৰণ কৰা হয়।