মিলেট কূটোৱা মেচিন উদ্বোধন আৰু "খুলুমবাই" ফক্সটেইল মিলেটছ ব্ৰেণ্ড মুকলি
W7s news,,পমুৱাপথাৰ বাক্সা,: – মিলেট কূটোৱা মেচিন উদ্বোধন আৰু "খুলুমবাই" ফক্সটেইল মিলেটছ ব্ৰেণ্ড মুকলিৰ জৰিয়তে আজি অসমৰ কৃষিখণ্ডৰ পৰিৱৰ্তন আৰু কৃষকৰ জীৱিকা বৃদ্ধিৰ দিশত আজি বাক্সাত উল্লেখনীয় প্ৰক্ৰিয়া আৰম্ভ কৰা হৈছে৷ আদৰ্শ মিলেট কাৰ্যসূচীৰ অধীনত এই পদক্ষেপ ৰাষ্ট্ৰীয় কৃষি আৰু গ্ৰামোন্নয়ন বেংকৰ (নাবাৰ্ড) আঞ্চলিক কাৰ্যালয় গুৱাহাটীৰ সহযোগিতা আৰু এচেছ ডেভেলপমেণ্ট ছাৰ্ভিচেজৰ প্ৰচেষ্টাৰ জৰিয়তে সম্ভৱ হৈ উঠিছে৷ এই অনুষ্ঠানত অংশগ্ৰহণ কৰে শতাধিক কৃষকে৷ বাক্সাৰ পামুৱাথাৰত অনুষ্ঠিত উদ্বোধনী অনুষ্ঠানত নিমন্ত্ৰিত অতিথি, বিশেষজ্ঞ, কৃষকসকল আজি একত্ৰিত হয়৷ বাক্সাৰ জিলা আয়ুক্ত মছন্দা মেগডালিন পাৰ্টিনে মুখ্য অতিথি হিচাপে অনুষ্ঠানত অংশগ্ৰহণ৷ নাবাৰ্ড বাক্সাৰ জিলা উন্নয়ন পৰিচালক উৎপল বেজবৰুৱা আৰু বাগছাৰ মুখ্য জিলা প্ৰবন্ধক (এল ডি এম) প্ৰাঞ্জল দাসেও অনুষ্ঠানত অংশগ্ৰহণ কৰে। অনুষ্ঠানত এচেছ ডেভেলপমেণ্ট ছাৰ্ভিচেজৰ প্ৰতিনিধিসকলো উপস্থিত থাকে।আদৰ্শ মিলেট আঁচনিৰ এক গুৰুত্বপূৰ্ণ উপাদান মিলেট ডিহাস্কিং যন্ত্ৰই মিলেট কূটোৱা আৰু উৎপাদন প্ৰক্ৰিয়াক সুশৃংখলিত কৰাত গুৰুত্বপূৰ্ণ ভূমিকা পালন কৰিব। আধুনিক প্ৰযুক্তিৰে সজ্জিত এই যন্ত্ৰই বাক্সা আৰু সমীপৱৰ্তী অঞ্চলৰ কৃষকসকলক মিলেট কূটোৱাত সহায় কৰিব, ফলত সময় আৰু শ্ৰম দুয়োটা ৰাহি হ’ব। এই পদক্ষেপে মিলেট উৎপাদনৰ মান বৃদ্ধি কৰাৰ লগতে সামগ্ৰীসমূহ গ্ৰাহকৰ বাবে অধিক সুলভ কৰি তুলিব বুলি আশা কৰা হৈছে। মিলেট কূটোৱা যন্ত্ৰ উদ্বোধনৰ লগত সংগতি ৰাখি বাগছা ব্লক ফাৰ্মাৰ্ছ প্ৰডাক্টৰ কোম্পানী লিমিটেডে ফক্সটেইল মিলেটছ ব্ৰেণ্ড খুলুমবাইৰ পৰিচয় প্ৰকাশ কৰিছে৷ প্ৰতিষ্ঠানটোৱে কয় যে খুলুমবাই বজাৰত এক বিশ্বাসযোগ্য নাম হিচাপে পৰিগণিত হ'ব আৰু গ্ৰাহকক স্বাস্থ্যসন্মত আৰু পুষ্টিকৰ বাজৰাৰ সামগ্ৰী যোগান ধৰিব।অনুষ্ঠানত বাক্সাৰ জিলা আয়ুক্ত পাৰ্টিনে খাদ্য সুৰক্ষা নিশ্চিত কৰা আৰু কৃষকৰ জীৱন উন্নত কৰাৰ ক্ষেত্ৰত বাজৰাৰ গুৰুত্বৰ ওপৰত আলোকপাত কৰে। নাবাৰ্ডৰ বিষয়া উৎপল বেজবৰুৱাই বহনক্ষম কৃষি আৰু গ্ৰাম্য উন্নয়নক প্ৰসাৰিত কৰা পদক্ষেপসমূহক সহায় কৰাৰ বাবে নাবাৰ্ডৰ প্ৰতিশ্ৰুতিৰ ওপৰত গুৰুত্ব আৰোপ কৰে। তেওঁ খুলুমবাই মাইলৰ খুঁটি হ’ব বুলিও আশা প্ৰকাশ কৰে৷
No comments:
Post a Comment