শ্ৰীমন্ত শঙ্কৰদেৱ সংঘৰ উদ্যোগত শিশু কল্যাণ দিৱস পালন

 

W7s news গুৱাহাটী ঃ শ্ৰীমন্ত শঙ্কৰদেৱ সঙ¸ঘৰ অধীনৰ গুৱাহাটী মহানগৰী জিলা শাখাৰ শিশু আৰু আই-মাতৃ কল্যাণ শাখা সমিতিৰ উদ্যোগত শঙ্কৰী সংস্কৃতি কেন্দ্ৰ,  ৰূপনগৰত দেওবাৰে এদিনীয়া কাৰ্যসূচীৰে শিশু কল্যাণ  দিৱস উদ্‌যাপন কৰা হয়।এই অনুষ্ঠানত বহু সংখ্যক শিশুৱে অংশগ্ৰহণ কৰে৷ পুৱা  পতাকা উত্তোলনেৰে কাৰ্যসূচী আৰম্ভ হ’ব৷ তাৰপাছত  নাম-প্ৰসঙ্গ কৰা হয়। শিশুসকলক গুৰু পৰিচয় কৰি দিয়ে গুৱাহাটী মহানগৰী জিলাৰ শাখাৰ সভাপতি হিৰেন্দ্ৰ কুমাৰ ডেকাই৷ তাৰপাছত শিশুসকলৰ মাজত সাহিত্য, সংস্কৃতি আৰু খেল-ধেমালিৰ প্ৰতিযোগিতাৰ অনুষ্ঠান উদ্বোধন কৰে শ্ৰীমন্ত শঙ্কৰদেৱ সংঘৰ পদাধিকাৰ ভবেন্দ্ৰ নাথ ডেকাই৷ সাহিত্য শাখাৰ বিষয়বস্তুসমূহ আছিল বৰগীত, কোমল কবিতা পাঠ ‘কৰতল-কমল’, ভাগৱত, কীৰ্ত্তন, নামঘোষা পাঠ৷ সংস্কৃতি শাখাত আছিল– ভেশচন পৰিৱেশন [শিশু কৃষ্ণ, শ্ৰীমন্ত শঙ্কৰদেৱ, শ্ৰীশ্ৰীমাধৱদেৱ, কংস, পুতনা, ভকত [বাপ-আই] আদি চৰিত্ৰৰ পৰিৱেশন৷ খেল-ধেমালিৰ শিতানত– মিউজিক চেয়াৰ, টেকেলি ভঙা, উঠা-বহা আৰু পানী-পাৰ আদি অনুষ্ঠিত হয় বুলি আই মাতৃ শাখাৰ হৈ সম্পাদক অঞ্জলি বৰাই জানিবলৈ দিয়ে।