অপাৰ উল্লাস-উদ্দীপনাৰে গুৱাহাটীৰ মডাৰ্ণ ইংলিছ স্কুলৰ ৪০তম প্ৰতিষ্ঠা দিৱস উদযাপন
W7s news,,,,গুৱাহাটী,: গুৱাহাটীৰ প্ৰখ্যাত শিক্ষানুষ্ঠান মডাৰ্ণ ইংলিছ স্কুলৰ বাৰ্ষিক প্ৰতিষ্ঠা দিৱস অলপতে অনুষ্ঠিত হৈ যায়। এই উদ্দীপনাময় অনুষ্ঠানত ৪০ বৰ্ষীয় শৈক্ষিক উৎকৰ্ষতাৰ লগতে অসংখ্য কুমলীয়া মনক লালন-পালনৰ জৰিয়তে বিকশিত কৰি তোলাৰ দৃঢ় দায়বদ্ধতাক উদযাপন কৰা হয়। শিক্ষাৰ্থী, শিক্ষক আৰু কৰ্মচাৰীসকলে এই বিশেষ দিনটো স্মৰণ কৰিবলৈ একত্ৰিত হোৱাৰ সময়ত বিদ্যালয় চৌহদটো উৎসাহৰ ধ্বনিৰে গুঞ্জৰিত হৈ পৰে। এই উপলক্ষে অনুষ্ঠিত হোৱা বিভিন্ন সাংস্কৃতিক অনুষ্ঠানত ছাত্ৰ-ছাত্ৰীসকলৰ সংগীত, নৃত্য, নাটককে ধৰি নানান প্ৰতিভা প্ৰদৰ্শন কৰা হয়। অনুষ্ঠানত প্ৰীতিমূলক প্ৰতিযোগিতা, প্ৰদৰ্শনী, অসমীয়া হাতে লিখা আলোচনী উন্মোচন আৰু শৈক্ষিক আলোচনা চক্ৰ অনুষ্ঠিত কৰাৰ লগতে ইয়াৰ দ্বাৰা অংশগ্ৰহণকাৰীসকলৰ মাজত সহযোগিতা আৰু উদ্ভাৱনৰ মনোভাৱ গঢ়ি তুলিবলৈ চেষ্টা কৰা হয়।অনুষ্ঠানত ভাষণ প্ৰদান কৰি বিদ্যালয়খনৰ সঞ্চালক পংকজ দাসে প্ৰতিষ্ঠানটোৰ সফলতাৰ বাবে গৌৰৱ প্ৰকাশ কৰে আৰু বিদ্যালয়ৰ প্ৰতিগৰাকী সদস্যৰ পৰা লাভ কৰা নিস্বাৰ্থ সমৰ্থনৰ বাবে সকলোকে ধন্যবাদ জ্ঞাপন কৰে। আমাৰ ভৱিষ্যতৰ সমাজখনৰ গুৰি ধৰোতাসকলক গুণগত শিক্ষা প্ৰদান আৰু গঢ় দিয়াৰ ক্ষেত্ৰত বিদ্যালয়খনৰ নিষ্ঠাৰে সৈতে অবিৰতভাৱে কাম কৰাৰ ওপৰত তেওঁ গুৰুত্ব আৰোপ কৰে।অধ্যক্ষা জোনালী দাসে আনন্দ প্ৰকাশ কৰি কয়, "এই স্মৰণীয় দিনটোত আমি আমাৰ সমৃদ্ধ ঐতিহ্য আৰু আমি সযত্নেৰে লালন-পালন কৰি বিকশিত কৰা অগণন কুমলীয়া মনবোৰৰ কথা মনত পেলাইছো।এয়া শিক্ষাৰ ক্ষেত্ৰত আমি প্ৰদান কৰি অহা উৎকৃষ্টতাৰ প্ৰতি থকা আমাৰ দায়বদ্ধতাৰ প্ৰমাণ। আজি, আমি সকলোৱে একেলগ হৈ আমাৰ শিক্ষাৰ্থীসকলৰ বাবে এক অধিক উজ্জ্বল ভৱিষ্যতৰ কল্পনা কৰিবলৈ আগবাঢ়ি আহিছো।"
No comments:
Post a Comment