মণিৰাম দেৱান ট্ৰেড চেণ্টাৰত ১১ মে’ৰ পৰা ১৭ মে'লৈ দিব্য কলা মেলা ২০২৩

 

W7s  News,,,গুৱাহাটী: প্ৰতিবন্ধী ব্যক্তিৰ সবলীকৰণ বিভাগে (দিব্যাংগ) ১১ মে’ৰ পৰা ১৭ মে’লৈ মণিৰাম দেৱান ট্ৰেড চেণ্টাৰত আয়োজন কৰিছে দেশৰ বিভিন্ন প্ৰান্তৰ পৰা অহা দিব্যাংগ উদ্যোগী/শিল্পীসকলে প্ৰস্তুত কৰা সামগ্ৰী আৰু কাৰুকাৰ্য্য প্ৰদৰ্শন কৰা এক অনন্য অনুষ্ঠান, ‘দিব্য কলা মেলা’।  এই অনুষ্ঠানত দৰ্শনাৰ্থীসকলৰ বাবে এক মনোমোহা অভিজ্ঞতা উপস্থাপন কৰা হ’ব, য’ত উত্তৰ-পূৰ্বাঞ্চলৰ ৰাজ্যকে ধৰি জম্মু-কাশ্মীৰ আৰু দেশৰ বিভিন্ন প্ৰান্তৰ হস্তশিল্প, হস্ততাঁত, এম্ব্ৰয়ডাৰীৰ কাম আৰু পেকেজড / লাইভ খাদ্য আদিৰ সমাহাৰ ঘটা দেখিবলৈ পাব । এই অনুষ্ঠানৰ আয়োজনৰ বাবে ৰাষ্ট্ৰীয় প্ৰতিবন্ধী বিত্ত আৰু উন্নয়ন নিগম (NHFDC) হৈছে ন’ডেল এজেন্সী।পি ডব্লিউ ডি/দিব্যাংগৰ অৰ্থনৈতিক সবলীকৰণৰ দিশত DEPwD ৰ এয়া এক অনন্য পদক্ষেপ । দিব্য কলা মেলাই দিব্যাংগ(PwD)ৰ দ্বাৰা প্ৰস্তুতকৃত সামগ্ৰী আৰু দক্ষতা বিপণন আৰু প্ৰদৰ্শনৰ বাবে এক বৃহৎ মঞ্চ প্ৰদান কৰে।গুৱাহাটীৰ দিব্য কলা মেলাখন হৈছে ২০২২ ৰ ডিচেম্বৰৰ পৰা আৰম্ভ হোৱা শৃংখলাৰ চতুৰ্থখন মেলা  (১)-দিল্লী, ডিচেম্বৰ ২০২২, (২) মুম্বাই, ফেব্ৰুৱাৰী ২০২৩, (৩) ভোপাল, মাৰ্চ ২০২৩)। এই কাৰ্যসূচীৰ প্ৰধান উদ্দেশ্য হৈছে আমাৰ দিব্যাংগক শক্তিশালী আৰু স্বাৱলম্বী কৰা ।প্ৰায় ২২ খন ৰাজ্য/কেন্দ্ৰীয় শাসিত অঞ্চলৰ পৰা প্ৰায় ১০০ গৰাকী দিব্যাংগ শিল্পী আৰু উদ্যোগীয়ে নিজৰ সামগ্ৰী আৰু দক্ষতা প্ৰদৰ্শন কৰিব।গুৱাহাটীৰ ৭ দিনীয়া ‘দিব্য কলা মেলা’ পুৱা ১১.০০ বজাৰ পৰা নিশা ৯ বজালৈ খোলা থাকিব।