W7s news ষ্টাফৰিপোৰ্টাৰ: দেশৰ অন্যতম পক্ষী অভয়াৰণ্য হিচাপে পৰিগণিত হৈ অহা গুৱাহাটীৰ গাতে লগা দীপৰ বিলৰ বুকু বিদিৰ্ণ কৰি অহা দেওবাৰে পুৱতি নিশা মৎস্য চিকাৰ কৰিব চাৰি শতাধিক নাৱে । পৰম্পৰাৰ দোহাই দি শনিবাৰে মাজনিশাৰ পাছত শীতক নেওচিও চাৰি শতাধিক নাৱেৰে বৃহত্তৰ অঞ্চলটোৰ সাত শতাধিক লোকে বৃহৎ বৃহৎ জাল লৈ নামি পৰিব দীপৰৰ বুকুত । জালত বন্দী হ'
ব ৰৌ,ভকুৱা,আৰি,বৰালি, চিতল,কুঢ়ি,মিৰিকা, আদিকে ধৰি সৰু বৰ বিভিন্ন প্ৰজাতিৰ সৰু - বৰ মাছ । উল্লেখ যে শীতৰ আগমনৰ লগে লগে দীপৰ বিললৈ আগমন ঘটে বহু দেশী-বিদেশী পৰিভ্ৰমী চৰাইৰ । অৱশ্যে দীপৰ বিলৰ পানী প্ৰদূষিত হোৱা বাবে এইবেলি পূৰ্বৰ তুলনাত কমকৈ আহিছে পৰিভ্রমী চৰাই । চৰাইৰ জলকেলি আৰু সুমধুৰ কলৰৱে অনন্য কৰি তুলিছে দীপৰৰ বক্ষ । পৰিভ্ৰমী পক্ষীৰ জলকেলি উপভোগ কৰিবলৈ নিতৌ দীপৰৰ পাৰত আহে অগণনলোক । বিহংগৰ জলকেলি উপভোগ কৰাৰ বাবে বন বিভাগে দীপৰ বিলৰ পাৰৰ চকৰ্দোত নিৰ্মাণ কৰিছে "ভিউ টাৱাৰ" । কিন্তু শ শ লোকে নাৱত উঠি জাল লৈ দীপৰৰ বুকুত চাৰি-পাছদিন ধৰি মাছ মৰাৰ ফলত স্বাভাৱিকতে চৰাইৰ স্বাভাৱিক বিচৰণত বাধা আহি পৰিব । আনকি দিশহাৰা হৈ যেনিতেনি উৰি যোৱাৰ আশংকা কৰা হৈছে দেশী-বিদেশী পৰিভ্ৰমী পক্ষী । সচেতন লোক আৰু পৰিবেশবিদ সকলে মত ব্যক্ত কৰা অনুসৰি প্ৰদুষণ,বিভিন্ন পাৰিপাৰ্শ্বিক কাৰণৰ ফলত দীপৰ বিললৈ চৰাইৰ আগমন কমি আহিছে ।
No comments:
Post a Comment