জে ডি ইনষ্টিটিউট অব ফেশ্বন টেকনলজিয়ে আগবঢ়াইছে ইয়াৰ বাৰ্ষিক ডিজাইন এৱাৰ্ডছ ২০২২

 

W7s news,,,গুৱাহাটী: অৱশেষত জে ডি ইনষ্টিটিউট অব ফেশ্বন টেকনলজিৰ শিক্ষাৰ্থীসকলৰ অপেক্ষাৰ সময় অন্ত পৰিল । স্থাপন, সংগ্ৰহ আৰু প্ৰদৰ্শনীৰ জৰিয়তে শিক্ষাৰ্থীসকলক তেওঁলোকৰ সৃষ্টিশীলতা প্ৰদৰ্শনৰ মঞ্চ আগবঢ়াই স্বীকৃতি প্ৰদান কৰাৰ এই দিনটোলৈ আমি অধীৰ অপেক্ষাৰে বাট চাই আছিলোঁ । জে ডি এনুৱেল ডিজাইন এৱাৰ্ডছৰ কাৰ্টেইন ৰেইজাৰ অনুষ্ঠান ৯ ডিচেম্বৰত অনুষ্ঠিত হয় আৰু ফেশ্বন শ্ব’ তথা প্ৰদৰ্শনী অনুষ্ঠিত হয় ১০ ডিচেম্বৰত আই টি এ মাচখোৱাত । ইয়াত উদীয়মান ডিজাইনাৰসকলৰ উদ্ভাৱনশীল আৰু ডিজাইনে ফেশ্বন শ্ব’ক প্ৰাণৱন্ত কৰি তোলে । গুৱাহাটীস্থিত জে ডি ইনষ্টিটিউট অব ফেশ্বন টেকনলজিয়ে এই উদ্যোগটোত ১৮ টা গৌৰৱপূৰ্ণ বছৰ সম্পূৰ্ণ কৰিছে আৰু ই হৈছে ভাৰতৰ শীৰ্ষস্থানীয় ডিজাইন ইনষ্টিটিউটসমূহৰ ভিতৰত অন্যতম । ২০০৫ চনত প্ৰতিষ্ঠা লাভ কৰা গুৱাহাটীৰ ইনষ্টিটিউটখন এতিয়াও কলা আৰু ডিজাইন উদ্যোগটোৰ অগ্ৰগামী হিচাপে পৰিচিত । ১৯৮৮ চনত এই ইনষ্টিটিউচনখন স্থাপন কৰিছিল  চন্দ্ৰকান্ত দালাল (অধ্যক্ষ) আৰু  আৰ. চি. দালালে (ইণ্ডিয়ান ফিল্ম ফেষ্টিভেলৰ পৰিচালন সঞ্চালক  আৰু সহ-প্ৰতিষ্ঠাপক) । কাৰ্যবাহী সঞ্চালক  ৰুপাল দালাল আৰু জে ডি ইনষ্টিটিউটৰ সঞ্চালক  হৰ্ষ দালালে এই অনুষ্ঠানত উপস্থিত থাকি ফেশ্বন শ্ব’ আৰু ভিতৰচৰাৰ প্ৰদৰ্শনীৰ বিচাৰকৰ ভূমিকা পালন কৰে । গুৱাহাটী ইনষ্টিটিউটৰ সঞ্চালকৰ লগতে অনুষ্ঠানটোত  উপস্থিত থাকে অসমীয়া চলচ্চিত্ৰ আৰু ম’বাইল থিয়েটাৰৰ প্ৰখ্যাত ডিজাইনাৰ তথা ‘গৰিমাজ হিউছ’ ৰ স্বত্বাধিকাৰী  গৰিমা শইকীয়া গাৰ্গ, স্থপতিবিদ আৰু ‘আকৃতি’ ৰ গৰাকী শ্ৰী ৰিতুল শৰ্মা । এইসকল লোকৰ উপস্থিতিয়ে শিক্ষাৰ্থীসকলক তেওঁলোকৰ শ্ৰেষ্ঠ কৰ্মৰাজি সুন্দৰভাৱে প্ৰদৰ্শন কৰাত অনুপ্ৰাণিত কৰে । জে ডি বাৰ্ষিক ডিজাইন এৱাৰ্ডছ ২০২২ ৰ বিষয়বস্তু আছিল ‘এৰাইভেল’ (আগমন), যিয়ে আমাক এৰি থৈ যোৱা উত্তৰাধিকাৰ বিষয়ে পুনৰ বিবেচনা কৰিবলৈ বাধ্য কৰাইছিল ।। ভিতৰচৰাৰ প্ৰদৰ্শনীত বিভিন্ন উদ্ভাৱনীমূলক, ভৱিষ্যৎমুখী আৰু বহনক্ষম সামগ্ৰী প্ৰদৰ্শন কৰা হয় । প্ৰদৰ্শিত সামগ্ৰীসমূহৰ ভিতৰত আছিল আখৰোটৰ বাকলিৰ গুৰিৰ পৰা তৈয়াৰ কৰা বাচন আৰু পেলনীয়া কাগজৰ পৰা তৈয়াৰ কৰা ৱালপেপাৰ । বহু ঠাই ৰাহি কৰা আৰু বহুমুখী ফাৰ্ণিচাৰো ইয়াত প্ৰদৰ্শন কৰা হয় । যুৱচামৰ সৃষ্টিশীলতা আৰু পৰিবেশৰ প্ৰতি থকা সচেতনতা সঁচাই প্ৰশংসনীয় আছিল । ফেশ্বন শ্ব’ত দেখিবলৈ পোৱা গৈছিল ইউকেলিপটাছ, মাকৈ আৰু আন বহু উৎসৰ পৰা তৈয়াৰ কৰা ফেব্ৰিকেৰে প্ৰস্তুত কৰি উলিওৱা পৰিবেশ অনুকূল সাজ-পোছাক । প্ৰাকৃতিক ৰঙৰ ব্যৱহাৰে এনেবোৰ পোছাকৰ বহনক্ষমতা বৃদ্ধি কৰিছে । এনেবোৰ সম্ভাৰৰ ভিতৰত লক্ষণীয় আছিল বিশেষভাৱে সক্ষম লোকৰ বাবে তৈয়াৰ কৰা এক ডিজাইন, য’ত প্ৰাকৃতিক নীলা ৰং ব্যৱহাৰ কৰা হৈছে, যিয়ে মন শান্ত কৰি ৰাখে । অসাধাৰণ কৰ্মৰাজি প্ৰদৰ্শন কৰা শিক্ষাৰ্থীসকলে শ্ৰেষ্ঠ ডিজাইন, আটাইতকৈ উদ্ভাৱনী, ব্যৱসায়িকভাৱে আটাইতকৈ কাৰ্যক্ষম আৰু শ্ৰেষ্ঠ ৰিছাৰ্চৰ শাখাত বঁটা লাভ কৰে । জে ডি বাৰ্ষিক এৱাৰ্ডছৰ মূল উদ্দেশ্য ব্যাখ্যা কৰে জে ডি গুৱাহাটীৰ সঞ্চালক  সুমিতা দে ডেকাই । সঞ্চালকগৰাকীয়ে জনায় যে ইন্টেৰিঅ’ৰ আৰু ফেশ্বন ডিজাইনিঙৰ  পেছাদাৰী ক্ষেত্ৰসমূহত শিক্ষাৰ্থীসকলক আগুৱাই নিয়াই হৈছে এই ইভেন্টৰ মূল উদ্দেশ্য । এই অনুষ্ঠানতে উশ্মিতা দে হাজৰিকাই এই প্ৰতিটো কালেকচনৰ শ্ৰম-নিবিড় প্ৰকৃতিৰ বিষয়ে আমাক জ্ঞান দি আলোচনা আগবঢ়াই নিয়ে ।