বেছিভাগ কাৰখানাৰে নাই অনুজ্ঞাপত্ৰ
W7s news,,গুৱাহাটী: পানীৰ নামটো এতিয়া চলিছে জালিয়াতি। ভগদত্তপুৰ আৰক্ষীয়ে বেইলী পেকেটযুক্ত খোৱা পানী"ৰ ডুপ্লিকেট ২০ লিটাৰ পানীৰ জাৰ কঢ়িয়াই অনা এ এছ ০৭বি চি -১৯৩৪ নম্বৰৰ বাহন জব্দ কৰাৰ লগতে নায়নতন ডেকা নামৰ লোক জনক আটক কৰে। আনহাতে বাহন খনৰ পৰা আৰক্ষীয়ে ১৫ টা বেইলীৰ লেবেল লগোৱা ডুপ্লিকেট 20 লিটাৰ জাৰ জব্দ কৰে। বাহন খনৰ চালকজনে স্বীকাৰ কৰি কয় যে তেওঁ ইতিমধ্যে বিভিন্ন দোকানলৈ ২০ লিটাৰৰ কেইটামান পানীৰ জাৰ বিক্ৰী কৰিছে। তেওঁ আৰু কয় যে তেওঁ এটা অবৈধ কাৰখানাৰ পৰা দৈনিক পুনৰ ভৰ্তি কৰি বিক্রী কৰি আহিছে। এই ডুপ্লিকেট পানীৰ জাৰ নিৰ্মাণ কৰা কাৰখানাৰ মালিককো আৰক্ষীয়ে সোধা-পোছাৰ কৰে।উদয়ক এগ্ৰো প্ৰডাক্টছ প্ৰাইভেট লিমিটেডৰ মুখ্য কাৰ্যবাহী বিষয়া ৰাজ শেখৰ আগৰৱালাই এক বিবৃতিত কয় যে (পাৰ্লে এগ্ৰো প্ৰাইভেট লিমিটেডৰ ফ্ৰেঞ্চাইজি), যোৱা 22 বছৰৰ পৰা সমগ্ৰ উত্তৰ-পূৰ্বাঞ্চলত বেইলী পেকেটযুক্ত খোৱা পানী প্ৰস্তুত কৰি আহিছে আৰু তেওঁলোকৰ 20 লিটাৰ পেকেট যুক্ত পানীৰ জাৰবোৰ সৰ্বোচ্চ মানদণ্ডৰ সৈতে নিৰ্মাণ কৰা হয় ।কোনেও যাতে নকল কৰিব নোৱাৰে সেইবাবে জাৰৰ মুখত এটা হলোগ্ৰাম মোহৰ হয়। গ্ৰাহকক ক্ৰয় কৰাৰ আগতে এই সুৰক্ষা মোহৰটো পৰীক্ষা কৰিবলৈ আহ্বান কৰে। বিতং তথ্যৰ 8080 490 490 নম্বৰতযোগাযোগ কৰিব পাৰিব।
আৰক্ষীয়ে গোচৰটোৰ সন্দৰ্ভত অটো ভানৰ চালক ডেকাক আটক কৰিছে আৰু ভাৰতীয় দণ্ডবিধিৰ আইন ৪০৬ আৰু ৪২০ ধাৰাৰ অধীনত ২৪৮০/২০২২ নম্বৰত এক গোচৰ ৰুজু কৰিছে। মন কৰিবলগীয়া যে কেইমাহমান পূৰ্বে কামৰূপ মহানগৰ জিলা প্ৰশাসন আৰু গুৱাহাটী পৌৰ নিগমে গুৱাহাটী আৰু ইয়াৰ আশে-পাশে থকা বিভিন্ন অবৈধ পেকেটযুক্ত খোৱা পানীৰ কাৰখানাত অভিযান চলাইছিল য'ত তেওঁলোকে দেখিছিল যে ৰাজ্য আৰু কেন্দ্ৰীয় চৰকাৰে জাৰী কৰা কোনো নিয়ম আৰু নিৰ্দেশনা অনুসৰণ নকৰাকৈ এনে কাৰখানা চলি আছে। অভিযান কালত কেইবাটাও কাৰখানা বন্ধ কৰা হৈছিল।কিন্তু পুনৰ এই অবৈধ কাৰখানা বোৰ খুলি নিয়ম অনুসৰণ নকৰাকৈ পেকেটযুক্ত খোৱা পানীৰ ব্যৱসায় চলাই আছে। কেৱল গুৱাহাটী চহৰতে এনে ধৰণৰ 50 টাতকৈও অধিক অবৈধ কাৰখানা চলি আছে বুলি অভিযোগ উঠিছে। এইটো কেৱল জনস্বাস্থ্যৰ বাবেই নহয়, ৰাজ্য চৰকাৰৰ কৰৰ এক বৃহৎ লোকচানও কিয়নো এই কাৰখানাবোৰৰ বেছিভাগেই জিএছটি আৰু অন্যান্য কৰ অবিহনে কাম কৰি আছে।পেকেটযুক্ত খোৱা পানীৰ কাৰখানা এটা চলোৱাৰ বাবে বিভিন্ন অনুজ্ঞাপত্ৰ বাধ্যতামূলক যেনে বিআইএছ, এফএছএছএআই, প্ৰদূষণ প্ৰমাণপত্ৰ, উদ্যোগ বিভাগৰ পঞ্জীয়ন, বাণিজ্য অনুজ্ঞাপত্ৰ ইত্যাদি। অৱশ্যে, এই অবৈধ কাৰখানাবোৰত এইবোৰৰ কোনোটো নাই আৰু সেয়েহে খোৱা পানীৰ মানদণ্ডৰ সৈতে আপোচ কৰিবলৈ সক্ষম হয়।এইটো কেৱল জালিয়াতিৰ ঘটনা নহয় কিন্তু গ্ৰাহকসকলে এনে জালিয়াতিৰে প্ৰস্তুত কৰা সামগ্ৰী সেৱন কৰাৰ বাবে বিপদৰ সন্মূখীন হব পাৰে সেয়ে উপভোক্তাই সামগ্ৰীক্ৰয় কৰাৰ আগতে হলোগ্ৰাম মোহৰ পৰীক্ষা কৰি নিশ্চিত কৰিব লাগে।
No comments:
Post a Comment