W7s news ষ্টাফৰিপোৰ্টাৰ: ইপিআইৰ উত্তৰ-পূব আঞ্চলিক কাৰ্যালয়, গুৱাহাটীয়ে ২০২২ চনৰ ৩১ অক্টোবৰত ভাৰতৰ প্ৰথম গৃহমন্ত্ৰী চৰ্দাৰ বল্লভ ভাই পেটেলৰ জন্ম জয়ন্তী উপলক্ষে আৰু জাতিৰ বাবে তেওঁৰ উল্লেখযোগ্য অৱদানক স্মৰণ কৰি “ৰাষ্ট্ৰীয় একতা দিৱস” উদযাপন কৰে। দেশৰ একত্ৰীকৰণৰ দিশত চৰ্দাৰ বল্লভ ভাই পেটেলৰ আপোচবিহীন প্ৰচেষ্টাৰ বাবে তেওঁক ভাৰতৰ লৌহমানৱ উপাধি লাভ কৰিছিল”। প্ৰতি বছৰে ৩১ অক্টোবৰত ৰাষ্ট্ৰীয় একতা দিৱস পালন কৰা হয়। জাতিটোৰ ঐক্য, অখণ্ডতা আৰু নিৰাপত্তা শক্তিশালী কৰাৰ বাবে আমাৰ দায়বদ্ধতাক প্ৰসাৰ আৰু নিখুঁত কৰাৰ এক সুযোগ। স্বাধীনোত্তৰ ভাৰতক ঐক্যবদ্ধ কৰি ৰখাৰ ঐতিহাসিক আৰু অসাধাৰণ কামৰ বাবে ভাৰত চৰকাৰে চৰ্দাৰ বল্লভভাই পেটেলৰ জন্মদিনত শ্ৰদ্ধাঞ্জলি জ্ঞাপন কৰি ২০১৪ চনৰ পৰা প্ৰতি বছৰে ৩১ অক্টোবৰত ৰাষ্ট্ৰীয় একতা দিৱস পালনৰ প্ৰথা আৰম্ভ কৰিছিল ।উত্তৰ-পূব আঞ্চলিক কাৰ্যালয়ৰ ভাৰপ্ৰাপ্ত বিষয়া মুকেশ ঠাকুৰে কাৰ্যালয়ৰ সমূহ কৰ্মচাৰীক ৰাষ্ট্ৰীয় ঐক্য দিৱসৰ শপত বাক্য পাঠ কৰায়। অনুষ্ঠানত চৰ্দাৰ বল্লভভাই পেটেলৰ জীৱন আৰু কৰ্মৰাজিক লৈ এখন তথ্যচিত্ৰ প্ৰদৰ্শিত হয়। চৰ্দাৰ বল্লভভাই পেটেলৰ স্বাধীনোত্তৰ ভাৰত গঠন আৰু হেই সময়ৰ ক্ষুদ্ৰ ৰাজ্য সমূহক ভাৰত ৰাষ্ট্ৰৰ লগত চামিলকৰণ প্ৰক্ৰিয়াত যি গুৰুত্বপূৰ্ণ ভূমিকা পালন কৰিছিল হেই সম্পৰ্কে জনসাধাৰণৰ মাজত সজাগতা সৃষ্টি কৰাৰ প্ৰয়াসেৰে এক একতা দৌৰ আয়োজন কৰা হৈছিল।অনুষ্ঠানৰ কাৰ্যসূচী পৰিচালনা কৰে মানৱ সম্পদ বিভাগৰ প্ৰবন্ধক শৈলেশ শৰ্মাই। অনুষ্ঠানত
মুকেশ ঠাকুৰে চৰ্দাৰ বল্লভভাই পেটেলৰ অৱদানৰ বিষয়ে মন্তব্য দাঙি ধৰে আৰু তেওঁ আমাৰ দেশলৈ স্বাধীনতা আন্দোলনলৈ উল্লেখযোগ্য অৱদান আগবঢ়োৱা মহান নেতাসকলকো স্মৰণ কৰে। অনুষ্ঠানত সকলো কৰ্মচাৰীয়ে উৎসাহ আৰু উদ্দীপনাৰে কাৰ্যসূচীত অংশগ্ৰহণ কৰে।
No comments:
Post a Comment