W7s news গুৱাহাটী : গুৱাহাটীৰ পশ্চিম প্ৰান্তৰ খানামুখৰ শ্ৰী শ্ৰীলক্ষ্মী পূজাৰ ৫০ বছৰ পূৰ্ণ হোৱা উপলক্ষে অহা ৮,৯ আৰু ১০ অক্টোবৰত তিনিদিনীয়া বৰ্ণাঢ্য কাৰ্যসূচীৰে সোণালী জয়ন্তী উৎসৱ উদযাপনৰ আয়োজন কৰা হৈছে । ৮ অক্টোবৰত পুৱা ধৰ্মধ্বজা উত্তোলনৰে সোণালী জয়ন্তীৰ কাৰ্যসূচীৰ শুভাৰম্ভ হোৱাৰ পাছত ৫০ খন পতাকা উত্তোলন কৰা হ'ব । তাৰ পাছত পুৱা ৯ বজাত বৃহত্তৰ খানামুখ অঞ্চলত এক বিশাল ধৰ্মীয় শোভাযাত্ৰা উলিওৱা হ'ব । বিয়লি ৪ ,বজাত বিশেষ সম্বৰ্ধনা অনুষ্ঠান অনুষ্ঠিত হ'ব । নিশা ৭ বজাৰ পৰা বৰপেটা জিলাৰ সৰ্থেবাৰীৰ ৰাজনন্দিনী নাট্যদলে নাট প্ৰদৰ্শন কৰিব । ৯ অক্টোবৰ দ্বিতীয় দিনা পুৱা বৃক্ষৰোপন কাৰ্যসূচীৰ পাছত নৱনির্মিত খানামুখ সমূহীয়া ভৱনটো উদ্ধোধন কৰিব স্থানীয় বিধায়ক ৰমেন্দ্ৰ নাৰায়ণ কলিতাই । দিনৰ ১১ বজাৰ পৰা মহিলাৰ দিহা নাম প্ৰতিযোগিতা অনুষ্ঠিত হ'ব । সন্ধিয়া প্ৰতিমা আৰু ঘট স্থাপনৰে পূজাৰ কাৰ্যসূচী আৰম্ভ হ'ব । নিশা ৯ বজাৰ পৰা খানামুখ মিলন সংঘৰ উদ্যোগত স্থানীয় শিল্পী সকলে মঞ্চস্থ কৰিব চন্দন কলিতাৰ দ্বাৰা ৰচিত আৰু অৱনী ডেকাৰ পৰিচালিত পূৰ্ণাংগ নাট "চক্রবেহু" । ১০ অক্টোবৰ তৃতীয় তথা শেহৰ দিনা পুৱা ৫ বজাত উষা কীৰ্ত্তন , ৫.৩০ বজাত প্ৰসাদ আৰু ভোগ বিতৰণ , বিয়লি ৪ বজাৰ পৰা আয়তীৰ নাম কীৰ্ত্তন আৰু নিশা ৭ বজাৰ পৰা সাংস্কৃতিক অনুষ্ঠান অনুষ্ঠিত হ'ব । আনহাতে সোণালী জয়ন্তী উৎসৱৰ কাৰ্যসূচী সুচাৰুভাৱে সম্পন্ন কৰিবলৈ জ্যেষ্ঠ নাগৰিক বলেন্দ্ৰ চন্দ্ৰ ঠাকুৰীয়াক মুখ্য উপদেষ্টা , জ্যেষ্ঠ অধিবক্তা সত্য ভৰালীক সভাপতি , কেশৱ কলিতাক কাৰ্যকৰী সভাপতি , কনক চন্দ্ৰ বৈশ্য , কমলা কলিতা , অনিল বৈশ্য আৰু মাণিক কলিতাক উপ সভাপতি , ৰুবুল বৈশ্য আৰু তপন ঠাকুৰীয়াক সাধাৰণ সম্পাদক , ধীৰাজ কলিতা ( দুলু ) , পংকজ কলিতা , অনিল কলিতা , ৰাজদ্বীপ কাকতি আৰু ৰাহুল কলিতাক সম্পাদক, সনাতন বৰুৱাক পূজাবতী হিচাপে লৈ এখন কাৰ্যকৰী সমিতি আৰু কেবাখনো উপ সমিতি গঠন কৰা হৈছে ।
No comments:
Post a Comment